¿Imatata Bibliapica nin?
¿Ima horapash cai Alpapica tucuicunapa ali causai tiangacha?
¿Imatata nipanguiman?
Ari
Na
Na yachapanichu
Bibliapica ninmi
Jehová Dioslla, “llaquichi tucushpa causajujta can ricushpa mitsanatapash yachanimi. Imagupash illajcuna japinatallata cunatapash yachanimi” (Salmo 140:12). Diospa Reinollami cai Alpapi tucuicunaman ali causaita apamunga.
¿Imatata Bibliapica ashtahuan nin?
Yangamanda shujcunata llaquichijcunataca Taita Diosca tucuchingami (Eclesiastés 5:8).
Taita Diosllami imatapash cashcatapacha rurashpa, casilla ali causaita gentecunaman caranga (Isaías 32:16-18).
¿Taita Diosca gentecunata agllashpallachu ali tratan?
Huaquin gentecunaca crinmi Taita Diosca huaquingunataca bendicianmi, cutin shujcunataca castiganmi nishpa. Cutin caishuj gentecunaca ninmi, tucuitami igual tratan nishpa. ¿Imatata nipanguiman?
Bibliapica ninmi
“Taita Diosca, na pitapash ñavita ricushpalla chasquinllu. Maijan llactapi cashpapash, paita manllashpa, imatapash cashcatapacha rurajtami, Diosca alicachin” (Hechos 10:34, 35). Taita Diospaca tucuilla gentecunami igual can.
¿Imatata Bibliapica ashtahuan nin?
Bibliaca ‘tucui llactacunapi causajcunapa, aillucunapa, shuj rimaita parlajcunapa, shuj shuj gentecunapapashmi’ ali villaicunata charin (Revelación [Apocalipsis] 14:6).
Cai temacunata ashtahuan liipai
BIBLIAPA TAPUICUNA
¿Taita Diospa culpamandachu sufrinajunchi?
Tucuicunallatami sufrishpa causana tucushcanchi. Hasta Taita Diospa favorta charijcunapashmi sufrishpa causan. Pero ¿imashpashi sufrinajun?
BIBLIAMI GENTECUNAPA CAUSAITA CAMBIASHCA
Nali ruraicunataca tucuchingapami munarca
Rafika huarmiguca ali cosascunata rurangapaj huaquin grupo gentecunahuanmi tandanajurca. Shinapash jipamanga Diospa Reinolla ali causaigu apamunatami Bibliapica yachajurca
