Bibliapica Armagedón guerra shuj llactapilla canataca na ricuchinllu. Chaipa randica chai guerra mundo enteropi canatami ricuchin. Shinallata Armagedón guerrapica gentecunapa tucuilla gobiernocuna Taita Diospa contra tucushpami paihuan macanajunga.

•   “Chai villaicunaca demoniocunamandami shamun [...]. Chai mapa villaicunaca jatun señalcunata rurashpami reycunataca macanajuchun tandachin. Chai macanajuica Tucui Poderta Charij Taita Diospa jatun punllapimi tianga [...]. Chai mapa villaicunami reycunataca hebreo shimipi Armagedón nishca pushtuman tandachirca” (Apocalipsis 16:14, 16).

 “Armagedón” shimica hebreo idiomapi Har-Magedón shimimandami shamun. Chai shimica “Meguidó urcu” nisha ninmi. Punda israelitacunapa tiempopica Meguidó shuti pueblomi tiarca. Chaimandami huaquin gentecunaca: “Armagedón guerraca Israel llactapimi canga” nishpa pensan. Shinapash punda tiempopi tiashca Meguidó shuti puebloca uchillagumi carca. Chaimandami chai pueblo tiashca pushtupi o chai pushtupa muyundi llactacunapica ‘gulpi alpa enteromanda reycuna’ o mandajcuna, paicunapa soldadocunapash chaipi macanajungapaj na tandanajuita ushanga.

 Apocalipsis librotaca comparaciongunata utilizashpami escribirca (Apocalipsis 1:1). Shinaca Armagedonga na shuj pushtuchu can. Armagedón nishpaca mundo enteromanda mandajcuna Taita Diospa contra tucushpa paihuan macanajunatami shina nin (Apocalipsis 19:11-16, 19-21).