Бут џене мислинена кај ни ко 2024 берш нане те овел решение башо проблемија со иси ко цело свето. Ама, шај те овел амен надеж баши иднина. Сар?

 И Библија ветинела кај о Девел ка чхивел крајо е проблеменге кола со керена те на овел амен нисави надеж. Панда хари, о Девел „ка косел секоја асвин таро [амаре] јакхја, хем мерибе нане те овел више, ни жалибе, ни ројбе, ни дукха“ (Откровение 21:4).

•   Те шај повише те дознајне башо адава со ветинела и Библија баши иднина, читин и статија „Патот до среќата — надеж“.

 И Библија дела надеж баши иднина која со шај те поможинел тут те борине тут е негативно чувствонцар хем те овел тут попозитивно стави (Римјања 15:13). О практична советија тари Библија исто аѓаар шај те поможинен тут те икљове ко крајо е проблеменцар со шај иси тут, сар сој чоролипе, неправда хем насвалипе.

•   Дикх сар и надеж тари Библија поможинѓа јекхе манушеске те аракхел мир хем среќа иако барило ки чороли фамилија. Дикх о видеоклипи Хуан Пабло Сермењо: О Јехова денѓа ман смисла ко живото.

•   Дознајн сар шај и Библија те поможинел тут те икљове ко крајо кеда осетинеа тут криво, тажно, секиримо хем кеда мерела тутар некој паше. Читин и статија „Могу ли пронаћи утеху у Светом писму?“

•   Дикх сар јекх џувли, која со поангле служинела сине ки војска хем вакерѓа кај сине негативно хем бизо чувствија, аракхља надеж ки Библија. Дикх о видеоклипи Одложила сам оружје

 Трудин тут о 2024 берш те овел шукар туке хем тле фамилијаке. Дознајн повише сар шај и Библија те поможинел туке. Роде те овел тут бесплатно библиско курси. Дознајн сар шај о Девел те дел тут мир акана, а исто аѓаар „иднина хем надеж“ (Еремија 29:11).