10. KOTOR
Kathar zhanas savo si o chacho patyamo?
1. Numa jekh chacho patyamo si?
„Sama len kathar le xoxamne profeti” (MATEVESKO 7:15)
O Jezush feri jekh patyamo sityardas peske manushenge. Kado drom ingrel pe kasavo trajo, so chi nachola. O Jezush kodo phendas, ke cerra zhene avna, kon rakhen les (Matevesko 7:14). O Del kodo jekh patyamo lel andre, so pe leski chachi vorba tordyol, so andar e Biblia si. Kon ando chacho patyamo phiren, jekh si lengo drom. Dikh: Janoshesko 4:23, 24; 14:6; Efezushicko 4:4, 5.
Dikh o filmo: Angla o Del sako patyamo lashoj?
2. So phendas o Jezush pal le xoxamne kerestenya?
„Avri phenen angla kavera, ke pinzharen le Devles, de so keren kodolesa xoxaven les” (TITUSESKE 1:16)
O Jezush phendas te las sama, ke xoxamne profeti avna mashkar le kerestenya. Kade mezinpe, sar le chache kerestenya, thaj vi kodo phenen pe pende. De opre shaj pinzharas, kon si o chacho. Sar? Kade, ke le chache kerestenya, kade trajin pengo trajo, sar o Del zhukarel lendar. Dikh: Matevesko 7:13–23.
3. Pala soste shaj pinzharas le chache manushen?
Dikhas panzh thana:
-
Patyivin le Devleski Vorba, e Biblia. Kade trajin sar leski krisi phenel. O chacho patyamo na pe le manushenge gindura tordyol (Matevesko 15:7–9). Le chache kerestenya vi kade trajin, sar sityaren. Dikh: Janoshesko 17:17; 2Timoteusheske 3:16, 17.
-
Patyivin le Devlesko anav, so Jehova si. O Jezush kodolesa sikadas avri, ke patyivil le Devlesko anav, ke pinzharadas les, le manushenca. Zhutindas lenge, majpashal te aven karing o Del, thaj sityardas lenge, te rudyinen te avel sunto le Devlesko anav (Matevesko 6:9). Savo patyamo vorbil pal le Devlesko anav? Dikh: Janoshesko 17:26; Romaicko 10:13, 14.
-
Pal le Devlesko krajipo vorbin. O Del phendas le Jezusheske, te vorbil pe le Devlesko krajipo. Feri o krajipo si, so lela le manushengi briga. O Jezush, zhi kaj pesko merimo vorbilas pal o krajipo (Lukachesko 4:43; 8:1; 23:42, 43). Kodo phendas, ke vi kodola kon pala leste zhan, kado kerena. So si kodolesko patyamo, kon pal le Devlesko krajipo vorbil? Dikh: Matevesko 24:14.
-
Naj andre anda kadi nasul luma. Shaj pinzhares le opre, ke von chi politizalin, thaj chi zhan le themeske (Janoshesko 17:16; 18:36). Chi len perdal kodola butya, thaj na kade gindinpe sar le lumake manusha. Dikh: Jakabesko 4:4.
-
Baro kamipo phanden len kethane. Andar le Devleski vorba kodo sityon, ke sakone manushes te patyivin. Kon ando nasul patyamo si, butivar reso len ande themengo maripe, le chache kerestenya nichi (Mikeasheske 4:1–3). Andar pengo chacho jilo zhutin kaverenge. Den ande pengi vrama, ande penge love. Dikh: Janoshesko 13:34, 35; 1Janoshesko 4:20.
4. Opre zhanes te pinzhares o chacho patyamo?
Savo patyamo si kodo, kaj so sako sityaripe andar le Devleski Vorba si, patyivil le Devlesko anav, thaj kodo sityaren, ke feri le Devlesko krajipo lela le manushengi briga? Savo patyamo si kodo, kaj so le manushen baro kamipe phandel kethane, thaj chi len reso ande le themengo maripe? So gindis? Dikh: 1Janoshesko 3:10–12.
