මාක් 10:1-52
10 එතැනින් පිටත්ව ගිය ඔහු යොර්දාන් ගඟෙන් එගොඩ වී යුදයේ මායිම්වලට ගියේය. නැවතත් සමූහයා ඔහු වෙතට රැස් වූහ. ඔහුද සුපුරුදු පරිදි ඔවුන්ට උගන්වන්න පටන්ගත්තේය.+
2 මේ අතර පරිසිවරු ඔහුගේ වරදක් අල්ලාගැනීමේ අදහසින් ඔහු ළඟට ඇවිත් මිනිසෙකු තම බිරිඳව දික්කසාද කිරීම නීත්‍යනුකූලද+ කියා ඔහුගෙන් ප්‍රශ්න කළෝය.
3 එවිට ඔහු, “මෝසෙස් ඔබට අණ කළේ කුමක්ද” කියා ඔවුන්ගෙන් ඇසුවේය.
4 ඊට පිළිතුරු වශයෙන් “අත්හැරීමේ පත්‍රයක් ලියා ඇයව දික්කසාද කිරීමට+ මෝසෙස් ඉඩ දී තිබෙනවා” කියා ඔවුහු කීවෝය.
5 එවිට යේසුස් ඔවුන්ට මෙසේ කීවේය. “ඔහු ඒ ආඥාව ඔබට ලියා දුන්නේ ඔබ ඉතා දැඩි සිත් ඇති+ පිරිසක් වන නිසයි.
6 නමුත් දෙවි මිනිසුන්ව සෑදූ කාලයේදී ඔහු ඔවුන් ගැන අරමුණු කළ දේ පැහැදිලියි. ‘ඔහු ඔවුන්ව පුරුෂයෙකු සහ ස්ත්‍රියක වශයෙන් සෑදුවා.+
7 ඉන්පසු මිනිසෙක් තම පියාගෙන්ද මවගෙන්ද වෙන් වෙයි.
8 එවිට ඔවුන් දෙදෙනා එක් කෙනෙකු මෙන් වෙයි’+ කියා සඳහන් වී තිබෙනවා. ඔවුන් එතැන් පටන් දෙදෙනෙකු නොව එක් කෙනෙකු මෙන් වෙනවා.
9 දෙවි ඔවුන්ව එලෙස එක් කළ නිසා කිසි මිනිසෙක් ඔවුන්ව වෙන් නොකළ යුතුයි.”+
10 ඔවුන් නැවතත් නිවසක් තුළ සිටියදී+ ගෝලයෝ ඔහුගෙන් ඒ ගැන තවත් ප්‍රශ්න කරන්න පටන්ගත්තෝය.
11 එවිට ඔහු ඔවුන්ට මෙසේ කීවේය. “තම බිරිඳව දික්කසාද කර වෙන ස්ත්‍රියක විවාහ කරගන්න කෙනෙක් ඇයට ද්‍රෝහි වෙමින් අනාචාරයේ*+ යෙදෙනවා.
12 ඒ වගේම ස්ත්‍රියක් තම ස්වාමිපුරුෂයාව දික්කසාද කර වෙන පුරුෂයෙකු සමඟ විවාහ වෙනවා නම් ඇයත් අනාචාරයේ*+ යෙදෙනවා.”
13 මේ අතර මිනිසුන් කිහිපදෙනෙක් තම කුඩා දරුවන් සමඟ ඔහු ළඟට ආවෝය. ඔවුන් එසේ කළේ යේසුස් ඔවුන් පිට අත් තබා ඔවුන්ට ආශීර්වාද කරයි කියා සිතූ නිසාය. නමුත් ගෝලයෝ ඇවිත් ඔවුන්ට තදින් කතා කළහ.+
14 එය දුටු යේසුස්, ගෝලයන් කළ ඒ දේට සතුටු වූයේ නැත. ඒ නිසා ඔහු ඔවුන්ට මෙසේ පැවසුවේය. “එහෙම කරන්න එපා. මේ කුඩා දරුවන්ට මා ළඟට එන්න ඉඩහරින්න. මන්ද දෙවිගේ රාජ්‍යය අයිති වන්නේ මේ දරුවන් වගේ සිටින අයටයි.+
15 ඇත්තෙන්ම මා ඔබට කියන්නේ, කෙනෙක් කුඩා දරුවෙක් මෙන් වී දෙවිගේ රාජ්‍යය පිළිගත යුතු බවයි. එසේ නොකළොත් ඊට ඇතුල් වන්න ඔහුට බැරි වෙයි.”+
16 ඉන්පසු ඔහු දරුවන්ව තමන් ළඟට ගෙන ඔවුන්ව තුරුලු කරගෙන ඔවුන් පිට අත් තබා ආශීර්වාද කළේය.+
17 ඔහු එතැනින් පිටත්ව යද්දී මිනිසෙක් ඔහු ළඟට දුවගෙන ඇවිත් ඔහු ඉදිරියෙහි දණින් වැටී, “යහපත් ගුරුතුමනි, සදාකාල ජීවනය උරුම කරගැනීමට නම් මා කළ යුත්තේ කුමක්ද”+ කියා ඔහුගෙන් ඇසුවේය.
18 යේසුස් ඔහුට මෙසේ කීවේය. “ඔබ මට යහපත් කියා පවසන්නේ ඇයි?+ යහපත් කියා හැඳින්විය හැක්කේ එක් කෙනෙකුව පමණයි. ඒ දෙවියි.+
19 ‘මිනී නොමරන්න,+ අනාචාරයේ* නොහැසිරෙන්න,+ සොරකම් නොකරන්න,+ බොරු සාක්ෂි නොදෙන්න,+ වංචා නොකරන්න,+ ඔබේ පියාටත් මවටත් ගෞරව කරන්න’+ යන ආඥා ගැන ඔබ හොඳින් දන්නවා ඇති.”
20 එවිට ඒ මිනිසා, “ගුරුතුමනි, මම ඒ සෑම දෙයක්ම කුඩා කාලයේ පටන්ම පිළිපදිනවා” කියා ඔහුට කීවේය.
21 එවිට යේසුස් ඔහු දෙස ආදරයෙන් බලා ඔහුට මෙසේ පැවසුවේය. “ඔබේ එක අඩුපාඩුවක් තිබෙනවා. ගොස් ඔබට තිබෙන හැම දෙයක්ම විකුණා එයින් ලැබෙන මුදල් දිලිඳුන්ට දෙන්න. එසේ කළොත් ඔබට ස්වර්ගයෙහි වස්තු රැස් කරන්න පුළුවන් වෙයි. ඉන්පසු ඇවිත් මගේ අනුගාමිකයෙක් වෙන්න.”+
22 නමුත් ඔහු යේසුස් පැවසූ දේ ගැන දුක් වී, ශෝකයෙන් යන්න ගියේය. එයට හේතුව නම් ඔහුට බොහෝ ධන සම්පත් තිබීමය.+
23 යේසුස් අවට බලමින්, “මුදල් ඇති අයට+ දෙවිගේ රාජ්‍යයට ඇතුල් වෙන්න+ මොන තරම් අමාරු දෙයක්ද” කියා තම ගෝලයන්ට කීවේය.
24 ගෝලයෝ ඔහු පැවසූ දේ ගැන පුදුම වූහ.+ එවිට යේසුස් නැවත වරක් ඔවුන්ට මෙසේ කීවේය. “මගේ දරුවෙනි, දෙවිගේ රාජ්‍යයට ඇතුල් වීම මොන තරම් අමාරු දෙයක්ද!
25 ධනවතෙකුට දෙවිගේ රාජ්‍යයට ඇතුල් වෙනවාට වඩා ඔටුවෙකුට ඉඳිකටුවක සිදුරෙන් ඇතුල් වීම පහසුයි.”+
26 ඔවුහු තවත් මවිතයට පත් වී, “එසේනම් ගැලවීම ලැබිය හැක්කේ කාටද”+ කියා ඔහුගෙන් ඇසූහ.
27 යේසුස් ඔවුන් දෙස හොඳින් බලා, “මිනිසුන් මොනව කළත් තමාගේම උත්සාහයෙන් ගැලවීම ලබාගන්න ඔවුන්ට බැහැ. නමුත් දෙවිට ඒ දේ ලබා දිය හැකියි. මන්ද දෙවිට සෑම දෙයක්ම කරන්න පුළුවන්”+ කියා පැවසුවේය.
28 එවිට පේතෘස් මෙසේ කීවේය. “බලන්න, අපි සියල්ල අත්හැර ඔබ අනුව ආවා.”+
29 යේසුස් ඊට මෙසේ පිළිතුරු දුන්නේය. “ඇත්තෙන්ම මා ඔබට කියන්නේ, මා නිසාත් ශුභාරංචිය නිසාත් කෙනෙක් ගෙවල් දොරවල් හෝ සහෝදර සහෝදරියන් හෝ මව හෝ පියා හෝ දරුවන් හෝ වතුපිටි හෝ අත්හැර ඇත්නම්,+
30 ඔහුට මේ කාලයේදීම සිය ගුණයකින්+ ගෙවල්ද සහෝදර සහෝදරියන්ද මව්වරුන්ද දරුවන්ද වතුපිටිද ඒ සමඟ හිංසා පීඩාද+ ලැබෙන බවයි. ඒ වගේම මතු පැමිණෙන කාලයේදී* සදාකාල ජීවනයත් ඔහුට ලැබෙයි.
31 නමුත් ප්‍රථමයන්ව සිටි බොහෝදෙනෙක් අන්තිමයන් බවටත් අන්තිමයන් ප්‍රථමයන් බවටත් පත් වෙයි.”+
32 ඔවුහු යෙරුසලමට නැඟ යන මාර්ගය දිගේ ගියෝය. සියලුදෙනාටම ඉදිරියෙන් ගමන් කළේ යේසුස්ය. ඔහු සමඟ සිටි ඔහුගේ ගෝලයෝ එය දැක පුදුම වූහ. නමුත් පසුපසින් පැමිණි අනිකුත් අයට දැනුණේ බියකි. ඔහු නැවත වරක් දොළොස්දෙනාව පැත්තකට කැඳවා, තමන්ට සිදු වීමට නියමිත දේවල් ගැන ඔවුන්ට මෙසේ කීවේය.+
33 “අපි දැන් මේ යන්නේ යෙරුසලමටයි. එහිදී මනුෂ්‍ය පුත්‍රයාව නායක පූජකයන් හා නීතිය පිටපත් කරන්නන් අතට භාර දෙනු ලබනවා. ඔවුන් ඔහුව මරණයට නියම කර වෙනත් ජාතීන්ට භාර දෙයි.+
34 ඒ අය ඔහුට කවටකම් කර කෙළ ගසා, කසයෙන් තළයි. අන්තිමේදී ඔහුව මරණයට පත් කරයි. ඒ වුණත් තුන් දවසකින් ඔහුව නැවත නැඟිටුවනවා.”+
35 සෙබදීගේ පුත්‍රයන් දෙදෙනා වූ+ යාකොබ් සහ යොහන් ඔහු ළඟට ඇවිත්, “ගුරුතුමනි, අපි ඔබෙන් ඉල්ලන ඕනෑම දෙයක් ඔබ අප වෙනුවෙන් කරනවාද”+ කියා ඔහුගෙන් ඇසුවෝය.
36 ඔහු, “මා ඔබ වෙනුවෙන් කුමක් කරනවාටද ඔබ කැමති” කියා ඔවුන්ගෙන් ඇසුවේය.
37 ඔවුහු ඔහුට මෙසේ කීවෝය. “ඔබට ස්වර්ගයේ පාලන බලය ලැබෙන විට අප දෙදෙනාගෙන් එක් කෙනෙකුට ඔබේ දකුණු පැත්තෙත් අනික් තැනැත්තාට ඔබේ වම් පැත්තෙත් ඔබ සමඟම ඉඳගෙන සිටින්න අවස්ථාව ලබා දෙන්න.”+
38 එවිට යේසුස් ඔවුන්ට මෙසේ පිළිතුරු දුන්නේය. “ඔබ ඉල්ලන්නේ කුමක්ද කියා ඔබටවත් හරියට තේරෙන්නේ නැහැ. මට බොන්න සිදු වන දේ බොන්නවත් මා බව්තීස්ම වන අයුරින් බව්තීස්ම වන්නවත් ඔබට පුළුවන්ද?”+
39 ඔවුහුද, “අපට පුළුවන්” කියා පිළිතුරු දුන්නෝය. එවිට යේසුස් ඔවුන්ට මෙසේ කීවේය. “මට බොන්න සිදු වන දේ බොන්න ඔබටත් සිදු වෙයි. මා බව්තීස්ම වන අයුරින් ඔබවත් බව්තීස්ම කරයි.+
40 නමුත් මගේ දකුණු පැත්තේ හෝ වම් පැත්තේ හෝ ඉඳගන්න ලැබීමේ වරප්‍රසාදය ලබා දෙන්නේ කාටද කියා තීරණය කරන්න මට අයිතියක් නැහැ.+ එය හිමි වන්නේ ඒ සඳහා දෙවි තීරණය කර ඇති අයටයි.”
41 අනික් දසදෙනාට ඒ ගැන අසන්න ලැබුණු විට ඔවුහු යාකොබ් සහ යොහන් සමඟ අමනාප වූහ.+
42 නමුත් යේසුස් ඔවුන්ව කැඳවා මෙසේ පැවසුවේය. “විවිධ ජාතීන්ව පාලනය කරන අය තම තනතුරුවල වැජඹෙමින් සිටින බවත් බලධාරීන් තමන් යටතේ සිටින්නන් කෙරෙහි දැඩි ලෙස තම අණසක පතුරුවන බවත් ඔබ දන්නවා.+
43 නමුත් ඔබ අතරේ එවැනි දෙයක් සිදු නොවිය යුතුයි. ඔබ අතරෙහි උතුම් වන්න ඕනෑ කරන යමෙක් සිටිනවා නම් ඔහු ඔබේ සේවකයා විය යුතුයි.+
44 ඔබ අතරෙහි ප්‍රථමයා වන්න ඕනෑ කරන යමෙක් සිටිනවා නම් ඔහු අන් සියලුදෙනාගේ දාසයා විය යුතුයි.+
45 මනුෂ්‍ය පුත්‍රයා පවා පැමිණියේ සේවය ලබන්න නොවෙයි.+ සේවය කරන්න හා බොහෝදෙනෙකුව+ මුදවාගැනීම සඳහා තම ජීවිතය පූජා කරන්නයි.”+
46 ඉන්පසු ඔවුහු යෙරිකෝවට ගියහ. ඔහු තම ගෝලයන් සහ විශාල සමූහයක් සමඟ යෙරිකෝවෙන් පිටත්ව යද්දී, (තිමේයස්ගේ පුත්) බාතිමේයස් නම් අන්ධ හිඟන්නෙක් පාර අයිනේ ඉඳගෙන සිටියේය.+
47 නාසරෙත් නුවරින් පැමිණි යේසුස් තමන් සිටින ස්ථානය පසු කරගෙන යන බව ඔහු දැනගත් විට, “දාවිත්ගේ පුත්+ යේසුස්, මට අනුකම්පා කරන්න”+ කියා මහත් හඬින් පැවසුවේය.
48 නිහඬ වෙන්න කියා බොහෝදෙනෙකු ඔහුට තදින් කතා කළත්, “දාවිත්ගේ පුත්‍රය, මට අනුකම්පා කරන්න”+ කියා ඔහු තව තවත් හයියෙන් කෑගැසුවේය.
49 එවිට යේසුස් නැවතී, “ඔහුට අඬගසන්න” කියා කීවේය. ඔවුහු අන්ධ මිනිසාට අඬගසා, “කිසිම දෙයකට භය වෙන්න එපා. නැඟිටලා යන්න. ඔහු ඔබට අඬගසනවා”+ කියා ඔහුට කීවෝය.
50 ඔහු තම පිට වස්ත්‍රය ගලවා පැත්තකට දමා ඉක්මනින්ම නැඟිට යේසුස් ළඟට ගියේය.
51 යේසුස්, “මා ඔබ වෙනුවෙන් කුමක් කරනවාටද ඔබ කැමති”+ කියා ඇසුවේය. අන්ධ මිනිසා, “ගුරුතුමනි,* මගේ ඇස් පාදන්න”+ කියා ඔහුට කීවේය.
52 යේසුස් ඔහුට, “ඔබේ විශ්වාසය නිසා ඔබට සුවය ලැබෙනවා.+ ඔබට දැන් යන්න පුළුවන්” කියා කීවේය. ඒ මොහොතේදීම ඔහුට පෙනීම ලැබිණ.+ ඉන්පසු ඔහු යේසුස් ගිය මඟ දිගේ ඔහු පසුපස ගියේය.+
පාදසටහන්
^ මූ.අ., “පරදාර සේවනයේ.” මෙය භාවිත කරන්නේ විවාහක පුරුෂයෙකු හෝ ස්ත්‍රියක අනාචාරයේ යෙදීම විස්තර කිරීමටය.
^ මූ.අ., “පරපුරුෂ සේවනයේ.”
^ මාක් 10:11හි පාදසටහන බලන්න.
^ හෝ, “සමාජ ක්‍රමයේදී.” ග්‍රීක බසින්, එඔනි.
^ එනම්, රබ්බෝනි.
