Tini webisayite Maganu, Qullaawu Maxaafinna Yihowa Farciˈraasine daafira ledde afatto gede kaaˈlitahera hende qixxeessinoonnite. Hasiˈrootto borro nabbawa, viidiyo laˈˈanna baxootto coye dirrisiˈra dandaatto. Wolu mannino webisayitenke horoonsiˈrara hasiˈneemmo; ikkirono ballo tenne webisayite aana fultino coyibba wole webisayite woy appilikeeshiine widoonni tuqisssooti. Woroonni konni Sheemaati aana xawinsoonni garinni, afiˈroottore wolootaho iillishiˈrate hedittoro tenne webisayite daaˈˈattanno gede koyisa dandaatto.

•  Koppete Qoosso

•  Daddalu Malaatta

•  Sheemaatenna Webisayitenke Horoonsiˈratto Fajjo

•  Xaggate Ledo Xaadooshshe Afidhino Mashalaqqe

•  Waase Ikka Hoogatenna Xaˈmamooshshu Danna

•  Sheemaate Diiga

•  Soorrinanni Coyibba

•  Higgenna Roorre

•  Wodho Anna Anna Laˈnannite

•  Xaphooma Sheemaate

© 2024 Watch Tower Bible and Tract Society of Pennsylvania. Qoosso higgetenni agarantinote.

Tenne webisayite qixxeessitinotinna webisayitete annimma nooseti Watchtower Bible and Tract Society of New York, Inc. (“Watchtower”) yinanni dirijjiteeti. Bande kulloonniha ikkiro ikkinnina, tenne webisayite aana noo borronna wole coyibba baalanti Watch Tower Bible and Tract Society of Pennsylvania (“Watch Tower“) jajjaati.

Adobe yinanni suˈminna malaatisi (armu), hattono Acrobat yinanni suˈminna malaatisi Adobe Systems Incorporated yinanni dirijjitete daddalu malaattaati. iTunes nna iPod kayinni Apple Inc. dirijjite malaattaati. Microsoft yaanno suˈminna armisi, hattono Microsoft Office nna Microsoft Office 365 yinannirinna wole Microsoft sooftiweere baalanti Microsoft Inc. dirijjitete daddalu malaattaati. Android kayinni Google LLC dirijjiteho daddalu malaateeti. Android rooboote lende qixxeessinannihu woy woyyeessine shiqinshannihu Google loossino woy gutissino loosi aaninniiti; qoleno horoonsiˈnannihu Creative Commons 3.0 Attribution License (https://creativecommons.org/licenses/by/3.0/us/) hunda noo Sheemaatira kulloonni garinniiti. Wole daddalu malaattanna higge borreessite amaddino malaatta baalanti, mitteenni kulloonni dirijjitta jajjaati.

Tenne Webisayite horoonsiˈrattohu konni Sheemaati garinniiti. Tenne webisayite horoonsiˈrakki, konni Sheemaatira noo wodhonna tenne webisayite aana kulloonniha Wole Sheemaate (xaphoomunni, “Sheemaate”) baalanka ayirrisate sumuu yoottota leellishshanno. Konni Sheemaatira woy tenne webisayite aana kulloonnihu wolu Sheemaatira noo wodho giddo mitte nafa maahoyye yite adhattokkiha ikkiro, tenne webisayite horoonsiˈra dihasiissannohe.

Tenne webisayite garunni horoonsiˈrootto yinannihu ma assittorooti? Woroonni hoolloonnire assa hoogitto geeshsha, aanchine kulloonni garinni horoonsiˈra dandaatto:

• Daddaloho ikka hoogi geeshsha umikkira horoonsiˈrate, Watch Tower jajja ikkitinota tenne webisayite aana noo misile, elektiroonike borro, muuziiqa, foto, borro, woy viidiyo laˈˈa, dirrisiˈranna attaˈma dandaatto.

• Tenne webisayite aana noo borro, viidiyo, woy qaddaˈnoonni borro dirrisse woy linkuwansa woleho soya dandaatto.

Assa Hasiissannokkire:

• Tenne webisayitenni haaˈnoonni misile, elektiroonike borro, daddalu malaate, muuziiqa, foto, viidiyo, woy hedo Interneetete aana (aye webisayitera, mimmitoho fayilla sonkanni webisayitera, mimmitoho viidiyo sonkanni webisayitera woy dagoomittete webisayite aana) wora.

• Tenne webisayitera noo misile, elektiroonike borro, daddalu malaate, muuziiqa, foto, woy viidiyo haaˈne sooftiweerete appilikeeshiine ledo xaadinse woy hattoo appilikeeshiine giddo worre wolootaho tuqisa (tenne webisayitera noo coyibba sooftiweerete appilikeeshiine horoonsidhara yine serverete hogowano ikkitara dandiitanno).

• Tenne webisayitera noo misile, elektiroonike borro, daddalu malaatta, muuziiqa, foto, borro, woy viidiyo qaddaˈne, galchine, murre haaˈne woy wole togoo doogonni daddaloho woy woxe afiˈrate (tirfe afiˈrate ikka hoogirono) horoonsiˈra.

• Tenne webisayite aaninni aye doogonnino mashalaqqe, HTML fayile, misile, woy borro haaˈrate, dirrisatenna qaddaˈˈate, hattono ekistirakte, harveste, woy iskirape assate kaaˈlitannota sooftiweerete appilikeeshiine, uduunne, woy wole hayyo qixxeessine wolootaho tuqisa. (Tenne webisayite aana baalunku manni horoonsiˈrara hende qixxeessinoonni gafinni EPUB, PDF, MP3, MP4 nna w.k.l. fayilla dirrisiˈrate kaaˈlitannota daddalu ledo xaadooshshe afidhinokki appilikeeshiine tuqisa kayinni qarra diafidhino.)

• Tenne webisayite woy tini webisayite uyitanno kaaˈlo doogimale horoonsiˈra; lawishshaho, webisayitete woy webisayite uyitanno kaaˈlora guficho kalaqa; woy webisayite woy webisayite uyitanno kaaˈlo xawinse kulloonni doogo ledo sumuu yaannokki garinni horoonsiˈrate woˈnaala.

• Tenne webisayite daafanno woy daafara dandaanno garinni, hattono webisayite loossannokki gede assanno garinni woy webisayite faˈna qarra ikkitanno gede assanno garinni horoonsiˈra; qoleno webisayite aye garinnino ikkiro, seerimale coyira, higge fajjitannokki coyira woy woloota gawajjate, jaddo loosate, hanaaqatenna wole hattoo dilgora horoonsiˈra.

• Tenne webisayite woy webisayitete aana noo misilla, elektiroonike borro, daddalu malaatta, muuziiqa, foto, borro, woy viidiyo hiratenna hidhate woy wolu togoo coyira horoonsiˈra.

•   Tenne webisayite aana Google qixxeessitinoha Google Maps horoonsiˈneemmo; kuni ninke jajja ikkinokki daafira ninke illaallinseemmoha diˈˈikkino. Tenne webisayite aana noo Google Maps horoonsiˈra hasiissannohehu haarote fulinohu Google Maps/Google Earth Additional Terms of Service hunda noo Sheemaati garinniiti. Konne Sheemaate haaroonsitanno woyite kultannonkekki daafira, Google Maps horoonsiˈrattora albaanni ballo Sheemaate seekkite nabbawi. Sheemaate maahoyye yite adhattokkiha ikkiro, Google Maps horoonsidhooti. Google Maps, horoonsiˈrino manchire kultanno mashalaqqe tenne webisayitera disokkanno.

Tenne webisayitera nooha xaggate ledo xaadooshshe afidhino mashalaqqe yaanno gafa (“Medical Section”) qixxeessinoonnihu, xaggate ledo xaadooshshe afidhino mashalaqqe kulate callaati ikkinnina xagisiˈra hasiissanno gara amaalate diˈˈikkino; qoleno kuni gafi, akimootu uyitanno xagga, amaale, woy lao riqiwannoha diˈˈikkino. Kuni gafi, konni gafira qummi assinoonnite addi addi lao, akimooti, xagga, xaginsanni ogimma, hedo, woy wole mashalaqqe giddo mitteno woletenni roortanno yee mannu horoonsiˈrara diamaalanno.

Ayewoteno xiwanu woy xaggate daafira xaˈmo heedhuhero, akimoota woy xiwana xagisate ogimmanna dandoo noosiha wole mancho xaˈmittoro woyyanno.

 Tenne webisayitera noohu Xaggate Ledo Xaadooshshe Afidhino Mashalaqqe yaanno gafira, gara ikkitinotanna muli yanna mashalaqqe fushshate woˈnaalloonni. Ikkollana, konni gafira noo mashalaqqe “NOO GEDEENNI” shiqinshoonnite; halaalaanchimmasera xaaddoteno ikko wolu garinni uyineemmo taje dino. Tini webisayite Xaggate Ledo Xaadooshshe Afidhino Mashalaqqe yaanno gafa lainohunni xaadoteno ikko wolu garinni halaalaanchimmate taje diuyitanno; yaano mashalaqqe isilanchonna mitte hajora maltinota ikkase lainohunni tini webisayite uyitanno taje diheedhanno. Qoleno Xaggate Ledo Xaadooshshe Afidhino Mashalaqqe yaanno gafira fultino mashalaqqe hawaqiˈnannita, adda, muli yannata, kaaˈlitannota, woy guuttinota ikkase lainohunni tini webisayite uyitanno taje dino. Konni gafira heedhanno soˈrora woy mashalaqqete xeˈnera tini webisayite dixaˈmantanno. Konni gafira fultino mashalaqqe hawaqirano hawaqira hoogano doodhattohu ate umokkiiti. Mittu manchi Xaggate Ledo Xaadooshshe Afidhino Mashalaqqe yaanno gafa horoonsiˈrino woy horoonsiˈra hoogino daafira dagganno kissera, mannu aana iillitanno gawajjora (lawishshaho, bayichonko woy galte hosse iillitanno gawajjora, meessi bisi aana iillitanno gawajjora/reyora, gatte baˈino tirfera, hattono mashalaqqete xeˈnenni woy loosoho ataawe ikkannori kalaqameenna iillitanno gawajjoranna w.k.l.) tini webisayite dixaˈmantanno; togoo kisse halaalaanchimmate taje aana, woy sheemaatu woy gawajjote xaˈmamooshshi aana, hattono higgete ledo xaadooshshe afidhinote wole aye hajo aana xintantinota ikkitono ikka hooggono, woy webisayitenke tenne hajo affinoha ikkirono ikka hoogirono, tini webisayite dixaˈmantanno.

Tini webisayiteno ikko tenne webisayite widoonni tuqinsanniti baalanti mashalaqqe, coyibba, webisayitete amadonna wole horo Watchtower widoonni shiqqannohu “noo gedeenniiti.“ Watchtower xaddotennino ikko wolu garinni waase diˈˈikkitanno.

 Watchtower, webisayitese vayirese woy wole gawajjannore diafidhino yite dibuuxissanno. Watchtower, webisayitete aana noo mashalaqqe, woy webisayitete aana fulannore horoonsiˈneenna dagganno gawajjora dixaˈmantanno; hattono xaaddotennino ikko wolu garinni woy hedeweelcho, qorichunni woy kuri coyibba ledo amadante daggannote wole hajora dixaˈmantanno.

 Konni Sheemaatira nooti wole Watchtower qoossono gattukki Sheemaatu giddo noota mitte wodho nafa diigittoro, Watchtower gara lawe leellinosere baala assitara dandiitanno; kurino tenne webisayite horoonsiˈrate qoosso hoˈla, tenne webisayite fanattokki gede assa, tenne webisayite horoonsiˈrate kaaˈlitannohete ayipii (IP) teesso widoonni horoonsiˈratto kompiyutere agawa, Interneete horoonsiˈrattora uyitinohe dirijjitta webisayitenke horoonsiˈrattota hooltannohe gede kula nna/woy hajo higgenniwa massa ikkitara dandiitanno.

 Watchtower tenne Sheemaatu wodho aana saˈe saˈe mitore taashshitara dandiitanno. Taashshinoonniti Sheemaatu wodho tenne webisayite aana fultuhunni hanaffe tenne webisayite horoonsiˈrattohu hattee wodho garinniiti. Haarote fultanno wodho ledo egennamate ballo konne qoola ganyite lai.

 Wole gobba woy gashshooti higge garinni firdamate qoosso nooheha ikkirono, konni Sheemaati wodho agarsiinsannihu Yunayitidi Isteetete noote Niwu Yoorkete higge garinniiti. Konni Sheemaati ledo xaadooshshe afidhinota higgete hajo laˈnannihu Yunayitidi Isteetete noohu Niwu Yoorkete Gashshootira silxaane noosihu Gashshootu woy Federaalete Yoo Mine ikka hasiissannosi.

 Silxaane noosihu Yoote Mini Sheemaatu giddo mitte wodho haara giwiro, agarsiisa giwiro, woy higge diaffinote yiiro, Sheemaatu giddo nooti wole wodho kaajjitella heedhanno. Watchtower Sheemaatu giddo noo wodho agarantanno gede assa hoogase, konne Sheemaate woy Sheemaatu wodho agarsiisate qoossose umisenni agurtino yaa diˈˈikkitino.

Kuni Sheemaati webisayitenke horoonsiˈratto gara lainohunni Watchtower nna ate mereero noo wodho gudise amadinoho; hattono tenne webisayite horoonsiˈra lainohunni konni albaanni eˈnoonni sheemaate shaarannoho.