Yihowa Farciˈraasine Ammaˈno Ameerikunni Dagginote?
Qara biironke noohu Ameerikahooti. Ikkollana, ammaˈnonke Ameerikaho wole ammaˈnowiinni baxxite kalaqantinota diˈˈikkitino; korkaatuno:
Yihowa Farciˈraasine wole ammaˈnowiinni baxxite fultinore diˈˈikkitino. Hatteentenni, umi xibbi diro noota Kiristaanu ammaˈno galagalle hananfoommo.
Yihowa Farciˈraasine loosonsa loossannohu 240 gobbaraati. Heeˈnummowa heeˈnummorono, roore ammanammeemmohu Ameeriku mangistera woy wolu uullate gashshootira ikkikkinni Maganu Yihowaranna Yesuusi Kiristoosiraati.—Yohaannisi 15:19; 17:15, 16.
Ronseemmo rosi baalunku, Ameerikaho noohu mittu ammaˈnote sooreessi borreessino borro aana ikkikkinni Qullaawu Maxaafi aana xintaminoho.—1 Teselonqe 2:13.
Yesuusi Kiristoosi agurranna, mittuno harunsineemmo manchi dino.—Maatewoosi 23:8-10.