Salamo 65:1-13
I le faatonu o le ʻaufaimusika. O le salamo a Tavita. O le pese.
65 Le Atua e, o le a viia oe i le mauga o Siona;+E matou te totogi atu iā te oe a matou tautoga.+
2 Le Faafofoga tatalo e, e ō atu iā te oe ituaiga uma o tagata.+
3 Ua lofitūina a‘u i a‘u mea sesē,+Ae e te ufiufia lava a matou solitulafono.+
4 E fiafia lē ua e filifilia ma faalatalataina atuIna ia nofo i ou lotoā.+
E matou te malilie foʻi i mea lelei i lou fale,+O lou malumalu paia.+
5 E te tali mai iā i matou i galuega ofoofogia+ o le amiotonu,Le Atua e, o lo matou faaolataga;O oe o le Faatuatuaga o tulu‘iga uma o le lalolagi+Ma ē o mamao i le sami.
6 Ua e* matuā faatumauina mauga i lou mana;Ua e* ofu foʻi i le malosi.+
7 Ua e* faato‘afilemuina le sousou o le sami,+O le fafati o ona galu ma le vevesi o nuu.+
8 E maofa ē o nonofo i mea e sili ona mamao i au faailoga;+E te faia foʻi ia alalaga fiafia ē o nonofo i le mea e oso a‘e ai le lā e oo i le mea e goto ifo ai.
9 Ua e tausia le lalolagi,Ina ia fua tele mai ma matuā faaʻoaina.+
Ua tumu i vai le vaitafe mai i le Atua;Ua e saunia saito mo i latou,+Auā ua faapea lava ona e saunia le lalolagi.
10 Ua e matuā faasusū ona alāvai ma faagatasi ona eleele ua suatia;*Ua e faamalūina le eleele i timuga tetele; ua e faamanuia mea e tutupu a‘e ai.+
11 Ua e faapaleina le tausaga i lou lelei;O ou ala foʻi ua tumu i mea lelei.*+
12 Ua tele vao mu‘a i* fanua e aai ai lafumanu i le toafa,+Ma ua oofu aʻega i le olioli.+
13 Ua ufitia fanua e aai ai lafumanu i lafu mamoe,Ua ufitia foʻi vanu* i le saito.+
Ua latou alalaga i le manumalo, ma ua pepese i latou.+
Faamatalaga Pito i Lalo
^ Epe., “ia.”
^ Epe., “ia.”
^ Epe., “ia.”
^ Po o “mea maupuʻepuʻe.”
^ Epe., “tafe mai ai mea lololo.”
^ Epe., “Ua tafe mai.”
^ Po o “fanua laugatasi.”
