Salamo 86:1-17
O le tatalo a Tavita.
86 Ieova e, ia liliu mai ou fofoga* ma ia e tali mai iā te aʻu,Auā ua ou mafatia ma mativa.+
2 Ia e leoleo lo‘u ola, auā ua ou faamaoni.+
Ia e faaolaina lau auauna, o lē ua faatuatua atu iā te oe,Auā o oe o loʻu Atua.+
3 Ieova e, ia e alofa mai iā te aʻu,+Auā ou te valaau atu iā te oe i le aso atoa.+
4 Ia e faafiafia i lau auauna,Auā ou te liliu atu iā te oe, Ieova e.
5 Auā Ieova e, o oe e lelei+ ma ua e nofosauni e faamagalo;+E tele foʻi lou alofa faamaoni iā i latou uma e valaau atu iā te oe.+
6 Ieova e, ia e faafofoga mai i laʻu tatalo;Ma liuliualo mai i aʻu ʻaiʻoiga mo se fesoasoani.+
7 Ou te valaau atu iā te oe i le aso o loʻu puapuaga,+Auā e te tali mai lava iā te aʻu.+
8 Ieova e, e leai se atua e pei o oe,+E leai foʻi ni galuega e pei o au galuega.+
9 E ō mai lava atunuu uma na e faia,Ma latou ifo atu i ou luma, Ieova e,+Ma latou faamamaluina lou suafa.+
10 Auā e sili oe ma ua e faia mea ofoofogia;+O oe o le Atua, e na o oe lava.+
11 Ieova e, ia e aʻoaʻo mai iā te aʻu i lou ala.+
Ou te savali i lau upu moni.+
Ia e faia ia tasi loʻu loto* ina ia mataʻu i lou suafa.+
12 Ieova e, loʻu Atua, ou te vivii atu iā te oe ma loʻu lotoatoa,+Ou te faamamaluina foʻi lou suafa e faavavau,
13 Auā ua tele lava lou alofa faamaoni iā te aʻu,Ma ua e laveaʻiina lo‘u ola mai i le mea e sili ona maulalo o le Tuugamau.*+
14 Le Atua e, ua faasagatau mai iā te aʻu o ē e faamaualuluga;+Ua saʻili foʻi le faapotopotoga o tagata sauā ina ia fasiotia aʻu,Ma ua latou lē amana‘ia fo‘i oe.*+
15 A o oe, Ieova e, o le Atua e alofa mutimutivale ma tigā alofa,*E telegese lou toʻasā, ae e tele lou alofa ma le faamaoni.+
16 Ia e liliu mai iā te aʻu ma alofa mai.+
Ia e foaʻi mai lou malosi i lau auauna,+Ma ia e faaolaina le tama tama a lau teine pologa.
17 Ia e faaali mai iā te a‘u se faailoga* o lou lelei,Ina ia vāai i ai o ē e ita mai iā te aʻu ma māsiasi ai.
Auā o oe Ieova e, o lo‘u fesoasoani ma lē e faamāfanafana mai iā te aʻu.
Faamatalaga Pito i Lalo
^ Po o le “ia punou ifo ma faafofoga mai.”
^ Po o le “Ia e aumaia iā te aʻu se lotoatoa.”
^ Po o “Seoli.” Tagaʻi i le Uiga o Upu.
^ Po o le “lē tuua foʻi oe i o latou luma.”
^ Po o le “alofa fua.”
^ Po o le “faamaoniga.”
