Më 27 shkurt 2023, Gjykata e Qytetit të Jaltës në Republikën e Krimesë shpalli fajtorë vëllanë Taras Kuzó dhe gruan e tij, motrën Darja Kuzó, si edhe vëllezërit Sergei Ljulin dhe Pjotër Zhilcov. Darjan e dënoi me 3 vjet vënie në provë, prandaj, për momentin, asaj nuk i kërkohet të futet në burg. Tarasin e dënoi me 6 vite e gjysmë burg, ndërsa Sergein dhe Pjotrin i dënoi secilin me 6 vite e 1 muaj burg. Të tre vëllezërit i arrestuan menjëherë në sallën e gjyqit.

1. 4 mars 2021

   Kundër Tarasit ngrihet një çështje penale. E akuzojnë se financon një organizatë ekstremiste

2. 11 mars 2021

   Bastisin 9 shtëpi të Dëshmitarëve të Jehovait, ndër to edhe shtëpitë e çiftit Kuzó dhe të Sergeit. Tarasin e fusin në një burg të përkohshëm

3. 12 mars 2021

   Tarasin e lirojnë nga burgu dhe e lënë në arrest shtëpie, por nuk e lejojnë të jetojë me familjen

4. 29 korrik 2021

   Ngrenë çështje penale kundër Darjas, Pjotrit dhe Sergeit. Pjotrin e fusin në një burg të përkohshëm

5. 30 korrik 2021

   Çështjet penale bashkohen në një të vetme. Pjotrin e lirojnë nga burgu dhe e lënë në arrest shtëpie

6. 11 gusht 2021

   Sergein e arrestojnë dhe e fusin në një qendër paraburgimi rreth 800 kilometra larg. Gjatë udhëtimit që zgjati 16 orë, duart ia lidhën me pranga në një tub sipër kokës, kurse këmbët ia ngjitën te ndenjësja

7. 1 mars 2022

   Sergein e lirojnë nga paraburgimi dhe e lënë në arrest shtëpie

8. 4 prill 2022

   Nis gjyqi penal

9. 11 korrik 2022

   Pjotrin, Sergein dhe Tarasin i lirojnë nga arresti i shtëpisë dhe u vendosin kufizime për udhëtimin

Në burg, në burg të përkohshëm ose në arrest shtëpie motrat e vëllezërit besnikë mund të ndihen sikur ‘nuk lëvizin dot’, ama Jehovai s’ka për t’i braktisur kurrë ata që përndiqen për emrin e tij.—2 Korintasve 4:8, 9.