23 PRILL 2024
RUSI

Mirënjohës që i shërbejnë Jehovait

LUAJ

Së shpejti, Gjykata Krahinore e Pervomajskit në Izhevsk në Republikën e Udmurtckit do të shpallë vendimin për çështjen e vëllezërve Jevgeni Stefanidin dhe Aleksandër Votiakov. Prokuroria nuk është shprehur ende se çfarë dënimi kërkon për ta.

Të dhëna

Jevgeni Stefanidini

Lindur: 1989 (Izhevsk)

Biografia: Punon në tregtinë e pronave të paluajtshme

Jevgeni u rrit në një familje Dëshmitarësh të Jehovait. Kur ishte 10 vjeç, i vdiq gjyshja. Shpresa e ringjalljes e afroi më shumë me Jehovain. U pagëzua në vitin 2006

Në vitin 2011 u martua me Marinën. Kanë një vajzë

Në vitin 2022 Jevgeni u diagnostikua me kancer

Komente personale

Çfarë të ka ndihmuar të ruash optimizmin gjatë përndjekjes?

Kur lë kohë që të çmoj bekimet e shumta të çdo dite, jam shumë më i gëzuar. Gjithashtu i kujtoj vetes se, ndonëse Jehovai po lejon që të më përndjekin, nuk është ai shkaktari. Së shpejti, ai do të ndreqë të gjitha padrejtësitë që u janë bërë shërbëtorëve të tij besnikë. Veç kësaj, është e rëndësishme që të mbaj miqësi të fortë me Jehovain dhe me motrat e vëllezërit e mi. Njëherë një motër më tha: «Buzëqeshja jote më jep shumë forcë. Kur shoh qëndrimin tënd pozitiv pavarësisht nga ajo që po kalon, më forcohet siguria dhe më venitet frika.» E çmoj shumë faktin që jam pjesë e familjes së Jehovait.

Aleksandër Votiakovi

Lindur: 1973 (Izhevsk)

Biografia: Punon në ndërtim

Në vitin 1995 u martua me Liljan

Atij i pëlqyen ndryshimet pozitive që bëri gruaja e tij, pasi u bë Dëshmitare e Jehovait. Aleksandri u pagëzua më 2006

Komente personale

Çfarë mësimi me vlerë ke nxjerrë nga kjo përvojë?

Kam kuptuar sa e rëndësishme është të besoj te Jehovai dhe të mos dyshoj kurrë se ai do të më mbështetë. Kalova gati 6 muaj në arrest shtëpie dhe nuk kisha mundësi të punoja. Në atë kohë, edhe gruaja kaloi një sëmundje të rëndë. Por e pamë qartë dorën e Jehovait. Motrat e vëllezërit u kujdesën më së miri për ne dhe për nevojat tona. Të afërmit tanë që nuk janë Dëshmitarë, mbetën pa fjalë nga kjo. Tani që kam provuar përzemërsinë e ngrohtë të Jehovait, ndihem akoma më mirënjohës që jam shërbëtor i tij.

Njësoj si Aleksandri dhe Jevgeni, edhe për ne është privilegj «t’i bëjmë shërbim të shenjtë pa frikë» Jehovait, çdo ditë të jetës sonë.—Luka 1:74, 75.

Tabelë kronologjike

14 prill 2021

Forcat e sigurisë kontrollojnë shtëpinë e Jevgenit
13 dhjetor 2022

Ngrihet çështja penale kundër Aleksandrit dhe Jevgenit
14 dhjetor 2022

Policët u kontrollojnë shtëpinë të dyve. Aleksandrin e futin në një burg të përkohshëm. Jevgenit i vendosin kufizime për udhëtimet
15 dhjetor 2022

Aleksandrin e lirojnë nga burgu i përkohshëm dhe e kalojnë në arrest shtëpie
9 qershor 2023

Aleksandrin e lirojnë nga arresti i shtëpisë dhe i vendosin kufizime për udhëtimet
17 gusht 2023

Fillon procesi penal

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME