Kwa Nini Tusali Katika Jina la Yesu?
Jibu la Biblia
Tunapaswa kusali kwa Mungu katika jina la Yesu kwa sababu hiyo ndiyo njia pekee ambayo Mungu ameandaa ya kumfikia. Yesu alisema: “Mimi ndiye njia na kweli na uzima. Hakuna anayekuja kwa Baba ila kupitia kwangu.” (Yohana 14:6) Yesu pia aliwaambia hivi mitume wake waaminifu: “Kwa kweli kabisa ninawaambia, Mkimwomba Baba jambo lolote atawapa katika jina langu.”—Yohana 16:23.
Sababu zaidi kwa nini tusali katika jina la Yesu
Tunamheshimu Yesu na Baba yake, Yehova Mungu.—Wafilipi 2:9-11.
Tunaonyesha kwamba tunathamini kifo cha Yesu kuwa uandalizi ambao Mungu amefanya ili tupate wokovu.—Mathayo 20:28; Matendo 4:12.
Tunatambua daraka la Yesu akiwa Mpatanishi, au Mwombezi, kati ya Mungu na wanadamu.—Waebrania 7:25.
Tunaheshimu huduma ya Yesu akiwa Kuhani Mkuu ambaye anaweza kutusaidia kuwa na uhusiano mzuri na Mungu.—Waebrania 4:14-16.
Huenda Ukapenda Pia
MISTARI YA BIBLIA YAFAFANULIWA
Yohana 14:6 Yafafanuliwa—“Mimi ndiye Njia na Kweli na Uzima”
Kwa nini mtu anayetaka kumwabudu Yehova anapaswa kutambua jukumu la pekee la Yesu?
MAJIBU YA MASWALI YA BIBLIA
Je, Ni Sawa Kusali kwa Watakatifu?
Pata kujua Biblia inasema tunapaswa kusali kwa nani.
MNARA WA MLINZI
Kwa Nini Tusali Katika Jina la Yesu?
MNARA WA MLINZI
Unapaswa Kusali kwa Njia Gani ili Mungu Akusikilize?
Unaweza kusali kwa Mungu mahali popote na wakati wowote iwe kwa sauti au kimyakimya. Yesu alitusaidia kujua mambo tunayopaswa kusema tunaposali.
