BAGEANG 2
Pakasatia Sěmbaụ su Wal᷊inẹ
”Apa nikauh’u Ruata, tawe wotonge ipẹ̌tal᷊eing taumata!”
Yehuwa mapulu i kitẹ masatia. (Mazmurẹ̌ 18:26) Ndaị ini penting su pẹ̌kakawing ual᷊ingu mạeng tawe satia, mang piạ gěnggang su sěngkawingang. Mạeng tawẹ apa gěnggang, kakěndagẹ̌ su pẹ̌sěngkawingang makoạ matoghasẹ̌.
Orasẹ̌ ini, kasasatia su pẹ̌kakawing sẹ̌sal᷊ukateng. Hakị u ene, gunang měndiagạ pẹ̌kakawing, harusẹ̌ měkoạ darua hal᷊ẹ̌ ini.
1 PẸ̌KAKAWING HARUSẸ̌ SU TAMPẠ KAHUMOTONGANGE
APA NIUL᷊Ị U BINOHẸ SUSI: ”Pẹ̌biahẹ̌ko kere taumata matatahuěna.” (Efesus 5:15) Matahuěna ene mangal᷊ene masingkạ pẹ̌kakawing ene penting su pěbawiahẹ̌. Hakị u ene, pẹ̌kakawing harusẹ̌ su tampạ kahumotongange.
Yehuwa mapulu i kau mapandung su kawingu, dingangu ”apakawatụko pẹ̌bawiahu ringangu kawingu.” (Měnanasẹ̌ 9:9) Mawu naul᷊ị i kau tawe wotonge měmala kawingu, katewe harusẹ̌ makal᷊uasẹ̌ naung sěmbaụ su wal᷊inẹ. (1 Korintus 10:24) Koạko kawingu makapěndang i sie mạarěga, kụ mạeng i sie tawe dịe i kau tawe makapẹ̌biahẹ̌.
APA HARUSẸ̌ KOATENG:
-
Pěnadia tempo gunang i rua hala, abe sarang piạ sěngkatau makasahaghe
-
Abe pěkoạ putusang hala
2 DIAGẠ BUE NAUNGU
APA NIUL᷊Ị U BINOHẸ SUSI: ”I sai mạmanda tau wawine ringangu piạ sahige ute tau ene seng nawuang dingangu wawine ene su ral᷊ungu naunge.” (Matius 5: 28) Mạeng sěngkatau mětẹ̌tiněna barang amoral, i sie seng nakoạ tawe satia su kawinge.
Yehuwa naul᷊ị ”pakaudupẹ̌ arau diagạ bue ral᷊ungu naungu.” (Baweran Salomo 4:23; Yeremia 17:9) Hakị u ene, harusẹ̌ diagạ matanu. (Matius 5:29, 30) Pẹ̌těno si Ayub, i sie někoạ diandi dingangu matane, tawe masahigẹ̌ měmanda wawine wal᷊inẹ. (Ayub 31:1) Abe pěmanda pornografi. Abe sarang piạ naung su taumata, bal᷊inẹ kawing u watangeng.
APA HARUSẸ̌ KOATENG:
-
Todẹko su tau wal᷊inẹ, ikau kahěngang-hěngang masatia su kawingu
-
Diagạ pěndang u kawingu, abe sarang piạ pẹ̌dal᷊ahapị bal᷊inẹ makatědụ naunge