Ko e Hā ‘Oku Lea‘aki ‘e he Tohi Tapú?
‘Oku fakatupunga ‘e he ‘Otuá ‘a e faingata‘á?
Ko e hā te ke lea‘akí?
‘Io
‘Ikai
Mahalo Pē
Me‘a ‘oku lea‘aki ‘e he Tohi Tapú
“Mole ke mama‘o ‘a e fai angahala ‘a Ela; mo e faikovi ‘a Satai.” (Siope 34:10) ‘Oku ‘ikai ‘aupito ko e ‘Otuá ‘okú ne ‘omai ‘a e koví mo e faingata‘a ‘oku tau sio ai ‘i he māmaní.
Ko e hā te tau toe ako mei he Tohi Tapú?
Ko Sētane ko e Tēvoló, “‘a e pule ‘o e māmaní” ko e tokotaha tefito ia ‘okú ne fakatupunga ‘a e faingata‘a‘iá.—Sione 14:30.
Ko e faingata‘a‘iá mo e koví ko e toe ola ia ‘oku fa‘a hoko mei he ngaahi fili kovi ‘a e kakaí.—Sēmisi 1:14, 15.
‘E toe ngata koā ‘a e faingata‘á?
‘Oku tui ‘a e kakai ‘e ni‘ihi ko e fa‘ahinga ‘o e tangatá ‘oku lava ke nau to‘o atu ‘a e faingata‘á fakafou ‘i he‘enau ngaahi feingá, ka ‘oku sio ‘a e ni‘ihi ia ‘oku ‘ikai pē ha ‘amanaki ia neongo ‘a e fu‘u liliu lahi kuo hoko ‘i he māmaní. Ko e hā ho‘o fakakaukaú?
Me‘a ‘oku lea‘aki ‘e he Tohi Tapú
‘E to‘o ‘osi atu ‘e he ‘Otuá ‘a e faingata‘á. ‘“E ‘ikai ke toe ‘i ai ha mate, pe ha mamahi pe ha tangi pe ha langa.”—Fakahā 21:3, 4.
Ko e hā te tau toe ako mei he Tohi Tapú?
‘E ngāue‘aki ‘e he ‘Otuá ‘a Sīsū ke to‘o atu ‘a e faingata‘a na‘e fakatupunga ‘e he Tēvoló.—1 Sione 3:8.
Ko e kakai leleí te nau nofo melino ‘i he māmaní ‘o ta‘engata.—Saame 37:9-11, 29.