Tusimpi 12:1-28
12 Muntu uuyanda lulayo uyanda luzyibo,+Pele ooyo uusulaika kusinswa takwe maano pe.+
2 Jehova ulamukkomanina muntu uuli kabotu,Pele muntu uujisi makanze mabi ulamupa mulandu.+
3 Kunyina muntu uukwabililwa kwiinda mukucita bubi,+Pele balulami tabakazyulwi pe.
4 Mukaintu uulomene musini kumulumaakwe,+Pele mukaintu uucita zintu zijazya nsoni uli mbuli kubola mumafwuwa aamulumi.+
5 Mizeezo yabalulami ililuleme,Pele busolozi bwababi bulasowa.
6 Majwi aababi alayubilila kuti atile bulowa,*+Pele mulomo wabaluleme ulabavwuna.+
7 Babi nobaatulwa balaloba,Pele ŋanda yabalulami inakwiimvwi nji lyoonse.+
8 Muntu ulalumbaizyigwa akaambo kamaano aazwa kumulomo wakwe,+Pele ooyo uulaamoyo wabumpelenge takalemekwi pe.+
9 Cili kabotu kubonwa kuti uli muntu-muntu buyo pele kojisi mubelesiKwiinda kulidunda pele kotajisi cakulya.*+
10 Mululami ulabalanganya kabotu banyama mbavwuba,+Pele lubomba lwababi ndunya.
11 Ooyo uulima nyika yakwe uyookkuta cakulya,+Pele ooyo uuyandaula zintu zinyina mpindu takwe maano.*
12 Muntu mubi unyomenena ceeco ncobajata babinyina,Pele miyanda yabaluleme ilazyala micelo.
13 Muntu mubi ulacegwa amajwi aakwe mabi,+Pele mululami ulazwa mumapenzi.
14 Muntu ulakkuta bubotu bwamicelo iizwa kumulomo wakwe,+Alimwi milimo yamaanza aakwe iyoomujanya bulumbu.
15 Inzila yamufwubafwuba ililuzi mumeso aakwe mwini,+Pele musongo ulatambula lulayo.+
16 Mufwubafwuba ulatondezya bukali bwakwe mpoonya-mpoonya,*+Pele musongo taabikkili maano* matusi.
17 Kamboni uusyomeka waamba zyamasimpe,*Pele kamboni uubeja, waamba zyakubeja.
18 Majwi aambwa cakutayeeya alayasa mbuli panga,Pele mulaka wabasongo ulaponya.+
19 Mulomo waamba zyamasimpe unooliko lyoonse mane kukabe kutamani,+Pele mulaka waamba zyakubeja unooliko buyo kwakaindi kasyoonto.+
20 Lweeno luli mumyoyo yabaabo bakanza kucita bubi,Pele aabo baleta* luumuno balikkomene.+
21 Kunyina cintu cibi ciyoomucitikila mululami,+Pele babi bayakwaabona mapenzi.+
22 Milomo yaamba zyakubeja ncisesemyo kuli Jehova,+Pele aabo bacita zintu cakusyomeka mbabamukonda.
23 Muntu uucenjede ulasisa luzyibo lwakwe,Pele moyo wabafwubafwuba ubbwa buyo zyabufwubafwuba.+
24 Ijanza lyabankutwe liyakweendelezya,+Pele maanza aabatolo ayoobelesyegwa cibbalo.+
25 Zintu nzyalibilika muntu nzyezipa kuti moyo wakwe utyompwe,+Pele jwi libotu ndelipa kuti ukkomane.+
26 Mululami ulalingula macelelo aakwe,Pele nzila yababi ilabasowa.
27 Batolo tabatandaanyi banyama bakulya,+Pele busungu ndolubono luyandisi lwamuntu.
28 Nzila yabululami itola kubuumi;+Alimwi mulinjiyo taakwe lufwu.
Bupanduluzi buyungizyidwe
^ Mu Chihebrayo, “alindilila kutila bulowa.”
^ Mu Chihebrayo, “cinkwa.”
^ Mu Chihebrayo, “takwe moyo.”
^ Naa “buzuba mbubonya oobo.”
^ Mu Chihebrayo, “ulavwumba.”
^ Mu Chihebrayo, “waamba ziluleme.”
^ Mu Chihebrayo, “aabo ibapa lulayo lujatikizya.”
