Tusimpi 18:1-24
18 Kufwumbwa muntu uulizandula utobela buyo zintu nzyayanda walo alikke;Ulabukaka* busongo boonse bugwasya.
2 Muntu mufwubafwuba taakkomanini maano;Inga uyanda buyo kuyubununa zili mumoyo wakwe.+
3 Ikuti mubi waboola, aalo masampu alaboola,Alimwi kusampuka kujazya bweemya.+
4 Majwi aazwa kumulomo wamuntu ali mbuli maanzi malamfwu.+
Kasensa kabusongo kali mbuli kalonga kajisi maanzi aakunka canguzu.
5 Tacili kabotu pe kutondezya lusalululo kwiinda mukuvwuninina mubi+Nokuba kudyaaminina mululami mulubeta.+
6 Majwi aamuntu mufwubafwuba aleta mazwanga,+Alimwi mulomo wakwe wiita zimboko.+
7 Mulomo wamuntu mufwubafwuba ulamunyonyoona,+Alimwi milomo yakwe nkakole kaca buumi bwakwe.
8 Majwi aasikubejekezya ali mbuli mikusu yacakulya cinona;*+Ilamenwa kuya mwida mwini.+
9 Kufwumbwa muntu mutolo mumilimo yakwe,Mbanabunyina ayooyo uuleta lunyonyooko.+
10 Zina lya Jehova ningazi njumu.+
Mululami ulatijila mulinjiyo eelyo ulakwabililwa.*+
11 Lubono lwamuntu muvwubi munzi wakwe muyumu;Mukuyeeya kwakwe luli mbuli bwaanda bumukwabilila.+
12 Muntu katanawa moyo wakwe ulalisumpula,+Alimwi kulicesya kuletela bulemu.+
13 Ikuti muntu wavwiila katanaamvwisya kabotu makani,Mbufwubafwuba alimwi nkulijazya nsoni.+
14 Moyo wamuntu ulakonzya kumupa kuti aliyumye naciswa,+Pele ino nguni uukonzya kuliyumya ikuti naa moyo watyompwa?+
15 Moyo wamuntu uumvwisya zintu ulalijanina luzyibo,+Alimwi matwi aabasongo ayandaula luzyibo.
16 Cipego ncapa muntu cilamujalwida mulyango;+Cilamupa kusika kumbele lyabantu balemekwa.
17 Uusaanguna kwaamba kaambo kakwe ulibonya kuti uliluleme,+Kusikila mane mweenzinyina waboola akumubuzyisisya.*+
18 Kuuma cisolo kulaamana mazwanga+Alimwi kulakosola makani akati* kabasinguzu bakwelana.
19 Imunyina walubizyilwa ulaamoyo muyumu kwiinda munzi uukwabilidwe,+Alimwi kuli mazwanga aali mbuli mpingizyo zyangazi.+
20 Ida lyamuntu liyoozula micelo iizwa kumulomo wakwe;+Uyookkuta zintu zizwa kumilomo yakwe.
21 Lufwu abuumi zili munguzu zyamulaka;+Aabo bayanda kuubelesya bayoolya micelo yanguwo.+
22 Ooyo wajana mukaintu mubotu wajana cintu cibotu,+Alimwi ulakkomaninwa* kuli Jehova.+
23 Mucete ulakombelezya naambaula,Pele muvwubi ulaingula cabukali.
24 Kuli balongwe bageme kuzazaulana,+Pele kuli mulongwe uukakatila kwiinda mwanookwanu.+
Bupanduluzi buyungizyidwe
^ Naa “Ulabunyansya.”
^ Naa “zintu zimenwa cabulyato.”
^ Mu Chihebrayo, “ulasumpulwa,” nkokuti, ulabikkwa abusena aatakonzyi kusikwa.
^ Naa “akumulingula cakulomya.”
^ Mu Chihebrayo, “kulabaandaanya.”
^ Naa “ulajana cileleko.”