Ol manmeri i tingting planti long ol hevi bilong graun i wok long i go bikpela, na dispela i mekim na planti i no pas gut moa wantaim ol famili na ol pren bilong ol.

• Ol manmeri i laik stap ol yet na ol i no laik bung wantaim ol pren bilong ol.

• Pasin bilong ol marit long i no mekim gut long narapela narapela i go bikpela.

• Ol papamama i no putim yau o i no tingim ol wari bilong ol pikinini bilong ol.

• Em bikpela samting long yumi gat ol pren bikos ol bai helpim yumi long stap helti long skin, bel na tingting, moa yet long taim bilong hevi.

• Presa bilong ol hevi long graun inap kamapim ol hevi insait long famili we yu no tingim.

• Ol nius i stori long ol samting nogut i kamap inap mekim ol pikinini i pret nogut tru na yu no luksave long dispela.

Baibel i tok: “Trupela pren i save soim pasin laikim long olgeta taim na em i kamap olsem brata bilong yu long taim bilong hevi.”​—Provep 17:17.

Tingim wanpela husat i save sapotim yu na inap givim yu gutpela edvais. Taim yu tingim olsem i gat wanpela i save tingim yu, dispela bai strongim yu long karim hevi bilong wan wan de.