DJONDZO 04
Xikwembu I Mani?
Ku sukela khale a vanhu a va tirhela swikwembu swa swinyingi. Kambe Bibele li vulavula hi Xikwembu xin’we lexi nga “xikulu ku tlula swikwembu hinkwaswu.” (2 Tikronika 2:5) I mani Xikwembu xa kona? Naswona hi mhaka muni xi li xikulu ku tlula swikwembu hinkwaswu leswi vanhu va swi gandzelaka? Xikwembu lexi xi lava leswaku u djondza hi xona. Ka djondzo leyi, hi ta vona swaku Xikwembu xi yentxe yini leswaku u xi tiva.
1. Vito la Xikwembu i mani, naswona i yini lexi kombisaka leswaku xi lava swaku vanhu va li tiva?
Ka Bibele Xikwembu xi hi byela leswaku hi xona mani. Xona xi li: “Hi mina Yehovha. Leli i vito la mina.” (Lerha Esaya 42:5, 8.) “Yehovha” i vito leli nga hundzuluxeliwa la Xiheberu naswona li vula swaku “A Yentxa Leswaku Swi Koteka.” Yehovha a lava swaku hi tiva vito la yena. (Eksoda 3:15) Hi swi tivisa ku yini leswo? Hi swi tiva hi mhaka a yentxe swaku vito la yena li tsaliwa ka 7.000 ka Bibele! a Vito leli nge Yehovha i vito la Xikwembu xin’we xa ntiyiso lexi nga ‘atilweni ko le henhla ni lana hansi misaveni’. — Deteronoma 4:39.
2. Bibele li hi byela yini hi Yehovha?
Vanhu va tirhela swikwembu swa swinyingi, kambe Bibele li hi byela swaku ko va ni Xikwembu xin’we ntsena xa ntiyiso ku nga Yehovha. Hi mhaka muni li vula leswo? Ku ni minchumu ya yinyingi yi yentxaka Bibele li vula leswo. A nga kona lweyi a nga ni matimba ya ku fana ni ya Yehovha. Hi mhaka leyo, ko va yena ntsena “a Tlakukeke ahenhla ka misava hinkwayu.” (Lerha Tipisalema 83:18.) I “Wa Matimba Hinkwawu,” hikusa a ni ntamu wa ku yentxa leswi a swi lavaka. Hi yena a nga yentxa minchumu hinkwayu leyi nga matilweni ni leyi nga misaveni. (Nhlawutelo 4:8, 11) O va Yehovha ntsena lweyi a kalaka a nga na masungulu naswona a nga ta va ni magamu. — Tipisalema 90:2.
DJONDZA SWIN’WANA
Djondza ku hambanisa tindlela leti tirhisiwaka swaku ku vitaniwa Xikwembu, ni vito la xona hikakunene. Tlhela u vona swaku Xikwembu xi yentxe yini swaku u xi tiva, ni swaku hi mhaka muni xi yentxe leswo.
3. Xikwembu xi vitaniwa hi tindlela ta tinyingi kambe xi ni vito lin’we ntsena
Vona ku hambana ka ndlela leyi munhu a vitaniwaka hi yona ni vito la yena, sixtirani VHIDIYO, mi gama mi bula hi xivutiso lexi landzelaka.
-
Hi kwini ku hambana ka vito la munhu ni ndlela leyi a nga ha vitaniwaka hi yona ya ku fana ni “Hosi”?
Bibele li vula swaku vanhu va khongela ka swikwembu swa swinyingi ni tihosi ta tinyingi. Lerhani Tipisalema 136:1-3, mi gama mi bula hi xivutiso lexi landzelaka:
-
I mani “Xikwembu xa swikwembu” ni “Hosi ya tihosi”?
4. Yehovha a lava u tiva vito la yena u tlhela u li tirhisa
I yini lexi kombisaka swaku Yehovha a lava u tiva vito la yena? Sixtirani VHIDIYO, mi gama mi bula hi xivutiso lexi landzelaka.
-
Hi mhaka muni u pimisa swaku Yehovha a lava leswaku vanhu va tiva vito la yena?
Yehovha a lava swaku vanhu va tiva vito la yena. Lerhani Varoma 10:13, mi gama mi bula hi swivutiso leswi landzelaka:
-
Hi mhaka muni swi li swa lisima ku tirhisa vito la Yehovha?
-
U titwisa ku yini loko munhu a khumbuka vito la wena a tlhela a ku vitana hi lona?
-
U pimisa swaku Yehovha a titwisa ku yini loko u tirhisa vito la yena?
5. Yehovha a lava leswaku u va munghanu wa yena
Vona leswi nga humelela wansati mun’wana wa le Camboja lweyi a vitaniwaka Soten, yena a vule leswaku ku tiva vito la Yehovha ni ku tlhela a djondza hi leswi li vulaka swona swi mu tsakisile hintamu. Sixtirani VHIDIYO, mi gama mi bula hi xivutiso lexi landzelaka.
-
Wutomi la Soten li txintxise ku yini loko a djondze hi vito la Xikwembu?
Leswaku u va munghanu wa munhu ku sungula u fanele u tiva vito la yena. Lerhani Yakobo 4:8a, mi gama mi bula hi swivutiso leswi landzelaka:
-
Yehovha a ku rhamba swaku u yentxa yini?
-
Ku tiva ni ku tirhisa vito la Xikwembu swi nga ku pfunisa ku yini swaku u va munghanu wa xona?
VAN’WANA VA LI: “Xikwembu hi xo xa xin’we, a swi na mhaka swaku hi xi vitanisa ku yini.”
-
Wa kholwa swaku vito la Xikwembu i Yehovha?
-
Xikwembu xi lava leswaku vanhu va tirhisa vito la xona. A wu ta mu byelisa ku yini munhu mun’wana swaku Xikwembu xi lava a tiva vito la xona?
LESWI HI NGA SWI DJONDZA
Yehovha i vito la Xikwembu xin’we ntsena xa ntiyiso. Yena a lava leswaku hi va vanghanu va yena, hi mhaka leyo, i swa lisima ku tiva ni ku tirhisa vito la yena.
Ku kambela leswi hi nga swi djondza
-
Hi mhaka muni Yehovha a nga fani ni swikwembu swin’wana?
-
Hi mhaka muni swi li swa lisima ku tirhisa vito la Xikwembu?
-
I ntxini lexi kombisaka swaku Yehovha a lava u va munghanu wa yena?
LOKO U LAVA KU TIVA SWIN’WANA
Vona 5 wa minchumu leyi kombisaka swaku Xikwembu xi kona.
“Xikwembu Xi Kona?” (Nhlokomhaka leyi nga ka site la jw.org)
Vona swaku hi mhaka muni swi twisiseka ku kholwa swaku Xikwembu a xi vanga ni masungulu.
“Hi Mani A Nga Yentxa Xikwembu?” (Murindzi wa 1 ka Agosto wa 2014)
A swi tiveki swaku vito la Xikwembu a li vitanisiwa ku yini khale, hambileswo, i swa lisima kuva hi li tirhisa.
Swi ni mhaka ku vitana Xikwembu hi vito la xona? Vona swaku hi mhaka muni hi nga vulaka swaku Xikwembu xo va ni vito lin’we ntsena.
“Xikwembu Xi Ni Mavito Mangaki?” (Nhlokomhaka leyi nga ka site la jw.org)
a Leswaku u tiva swin’wana hi vito la Xikwembu ni swaku hi mhaka muni vahundzuluxeli van’wana va suse vito la Xikwembu ka Bibele, vona Xiengetelo A4 xa Bibele—Matsalwa Yo Kwetsima Ya Misava Leyintshwa (hi Xitsonga).
