Mu Baibolo muli ulongozgi uwemi chomene uwo ungamovwirani pa umoyo winu. Para mukuŵazga, kughanaghanirapo na kulondezga ivyo mwasambira, ‘vinthu vimwenderaninge makora.’ (Joshuwa 1:8; Salimo 1:​1-3) Kweniso mumumanyenge makora Chiuta na Mwana wake, Yesu, ndipo ivi vingamovwirani kuti muzakaponoskeke.​—Yohane 17:3.

 Kasi mungaŵazga wuli Baibolo mu ndondomeko yiwemi? Mungasankha mwekha. Ndondomeko ya kuŵazga Baibolo yingamovwirani kuŵazga Baibolo mwakulondezga umo mabuku ghali kulembekera, panji mungaŵazga kuyana na nkhani izo mwasankha. Mwachiyelezgero, mungasankha nkhani izo zikuyowoya umo Chiuta wakachitiranga vinthu na Ŵaisrayeli. Mungaŵazgaso nkhani izo zingamovwirani kumanya umo mpingo Wachikhristu ukambira, kweniso umo ukakuliranga. Para zuŵa lililose mungaŵazga Baibolo kuyana na machaputara agho ghalongoreka pa ndondomeko, mungamalizga Baibolo lose kwa chaka chimoza.

 Ndondomeko iyi yingawovwira awo ŵamba waka sono kuŵazga Baibolo, awo ŵakukhumba kuŵazga Baibolo zuŵa lililose, panji awo ŵakukhumba kuŵazga Baibolo lose kwa chaka chimoza. Chitani Dawunilodi ndondomeko ya kuŵazgira Baibolo, ndipo yambanipo mwahuno kuŵazga.