JW LIBRARY
‵Kopi Kae Fakatoka a Tusi Tapu—Android
A te faitau mo te sukesuke ki te Tusi Tapu se vaega tāua o te JW Library.
Tautali atu ki fakatonuga konei ke ‵kopi kae fakatoka a Tusi Tapu i ei:
‵Kopi Mai se Tusi Tapu
E mafai o ‵kopi mai a ‵fuliga o te Tusi Tapu ke faitau kae sukesuke ki ei e aunoa mo te itaneti.
‵Tala te pokisi kae ‵toko atu i te Bible ke fakaasi mai i ei te fakasologa o tusi i te Tusi Tapu.
‵Toko te Languages ke fakaasi mai i ei a te fakasologa o Tusi Tapu katoa. A ‵fuliga i ‵gana kolā e fakaaoga faeloa e ‵sae mai i te kamataga. E mafai foki o ‵sala atu ki se ‵gana io me se ‵fuliga o te Tusi Tapu mai te taipa atu o te ‵gana. E pelā mo te “int” e maua i ei a te Kingdom Interlinear i te ‵gana Peletania, io me ko te “port” ke maua ei a Tusi Tapu katoa i te ‵gana Potukale.
A Tusi Tapu kolā e seki ‵kopi mai i te itaneti e fakamailoga ki te fakailoga o se kaumana. ‵Toko se Bible ke ‵kopi mai. Kafai ko oti ne ‵kopi te Tusi Tapu mai te itaneti, ko galo ei te fakailoga o te kaumana. Toe ‵toko atu i te Bible ke faitau ki ei.
Kafai e se lavea ne koe se ‵fuliga o te Tusi Tapu e manako koe ki ei, fakamolemole ke toe asi fakamuli mai. Ka fakaopoopo atu a nisi ‵fuliga māfai ko oti ne ‵fuli.
Tapale Keatea se Tusi Tapu
E mafai o tapale keatea ne koe se ‵fuliga o te Tusi Tapu māfai ko se manako koe ki ei, io me manakoga ke uke avanoaga i tau selefoni io me se tablet.
‵Toko atu ei i Piliota e 3 i tafa o te Tusi Tapu e manako koe ke tapale keatea, ko ‵toko atu ei te Delete.
‵Kopi Mai a Mea Fou mō se Tusi Tapu
E isi ne taimi, e mafai o ‵sae mai ei a mea ‵fou e uiga ki se Tusi Tapu telā ne ‵kopi mai i te itaneti.
E isi se fakailoga pelā me se itula e maua i te Bible telā ko isi ne mea ‵fou ne fakaopoopo ki ei. Kafai e ‵toko koe i te Tusi Tapu, ka lavea ne koe se fakailoaga me ko isi nei ne mea ‵fou. ‵Toko te Download ke maua a mea ‵fou, io me ‵toko te Later ke faka‵soko atu tau faitauga i te ‵kopi ko maua ne koe.
Ne avanoa mai a vaega konei i a Fepuali 2015 i te JW Library 1.4, telā e mafai o fakaaoga i te Android 2.3 io me se mea fou. Kafai e se lavea ne koe a mea konei, fakamolemole ke tautali atu ki fakatonuga i te mataupu ko te “Kamata o Fakaaoga a te JW Library—Android,” mai lalo i te Get the Latest Features.
