Kafai ko gasolo aka o ma‵sei atu a fakalavelave i te lalolagi, e talia ne tino e tokouke e aunoa mo te iloa atu ke fakamasei olotou va fealofani mo nisi tino.

• E ‵vae keatea ne tino a latou eiloa mai i olotou taugasoa.

• Ko gasolo taua sāle a taki tauavaga.

• Ko ‵saga malie atu io me se fia ‵saga atu a mātua ki mea e manava‵se ki ei olotou tama‵liki.

• E aoga ‵ki a taugasoa ki tou ola ‵lei mo te malosi, kae maise eiloa i taimi faiga‵ta.

• A te fi‵ta telā e māfua mai i fakalavelave i te lalolagi e mafai o tofotofo aka ei tou olaga avaga i auala e seki fakamoemoegina.

• A lipoti o tala sē ‵lei e mafai o pokotia masei i ei au tama‵liki i lō te mea e iloa ne koe.

E fai mai te Tusi Tapu: “A te taugasoa tonu e fakaasi atu ne ia te alofa i taimi katoa kae fai pelā me se taina ne fanau mai mō taimi o te puapuaga.”—Faataoto 17:17.

Mafaufau ki se tino telā e ‵lago mai kae mafai o tuku mai a manatu aoga. A te iloa atu me e isi se tino e atafai mai, e mafai o fakamalosi aka tau fakaikuga ke fakafesagai atu ki mea faiga‵ta i te aso.