Ne a Pati i te Tusi Tapu?
E mata, a lotu ne māfua mai tagata?
E TALI‵TONU A NISI TINO i lotu ne faka‵tu ne tagata; nisi e mafau‵fau me fakaaoga ne te Atua a lotu ke fesoasoani ki tino ke fakapili‵pili atu ki a ia. Se a tau faka‵tau?
FAKAMATALAGA MAI TE TUSI TAPU
E isi se ‘lotu telā e ‵ma kae se lailai i mua o te Atua.’ (Iakopo 1:27) A te lotu telā e ‵ma kae tonu ne māfua mai i te Atua.
NE A NISI MEA E MAFAI O TAULOTO MAI I TE TUSI TAPU
Ke fakafiafia te Atua, a te lotu e ‵tau o fakavae ki te munatonu mai i te Tusi Tapu.—Ioane 4:23, 24.
A lotu kola e fakavae ki mafaufauga o tagata e se aoga.—Maleko 7:7, 8.
E ‵tau o kau atu au ki se lotu?
SE A TAU TALI?
Ao
Ikai
Kāti la
FAKAMATALAGA MAI TE TUSI TAPU
“Ke na ‵saga atu tatou te suā tino ki te suā tino o fakama‵losi atu ke fakatau a‵lofa kae fai a mea ‵lei, ke mo a ma ‵galo sale tatou i ‵tou fakatasiga.” (Epelu 10:24, 25) E manako te Atua ko ana tino tapuaki ke maopoopo e pelā me se potukau telā ne fakatoka faka‵lei.
NE A NISI MEA E MAFAI O TAULOTO NE TATOU MAI TE TUSI TAPU
A latou kolā e tapuaki ki te Atua, e ‵tau katoa o ‵kau fakatasi i te talitonuga.—1 Kolinito 1:10, 11.
A tino i te tapuakiga telā e talia ne te Atua, e ‵tau o fai pelā me se kautaina i te lalolagi kātoa.—1 Petelu 2:17.
