Salamo 25:1-22
Ko te salamo a Tavita.
א [Alefa]
25 Ieova, au e ‵fuli atu ki a koe.
ב [Peta]
2 Toku Atua, au e talitonu ki a koe;+Sa taliagina au ke masiasi.+
Sa taliagina oku fili ke kata‵kata mai ki a au.+
ג [Gimela]
3 E mautinoa eiloa me e seai se tino telā e fakamoemoe ki a koe ka masiasi,+Kae ko te masiasi e fakatalitali mai ki a latou kolā e faitogafiti e aunoa mo se pogai.+
ד [Taleta]
4 Fai ke iloa ne au ou auala, e Ieova;+Akoako mai ki a au ou auala.+
ה [He]
5 Fai ke sasale au i tau munatonu kae akoako mai au,+Me i a koe ko toku Atua o te fakaolataga.
ו [Vau]
Au e fakamoemoe ki a koe i te aso kātoa.
ז [Seini]
6 Ke masaua tou alofa fakamagalo, e Ieova, mo tou alofa fakamaoni,+Telā ne fakaasi mai faeloa ne koe.*+
ח [Heta]
7 Ke mo a ma masaua a agasala ne fai ne au kae koi talavou au mo aku amioga solitulafono.
Ke masaua mai au e ‵tusa mo tou alofa fakamaoni,+Ona ko tou aga‵lei, e Ieova.+
ט [Teta]
8 A Ieova e ‵lei kae fai mea tonu.+
Tenā te pogai e akoako ei ne ia a tino agasala ki te auala e ola ei latou.+
י [Iota]
9 Ka takitaki ne ia a te tino agamalu ki te mea tonu,*+Kae ka akoako ne ia a tino agamalu ki ana auala.+
כ [Kafa]
10 A auala katoa o Ieova e alofa fakamaoni kae fakamaoniKi a latou kolā e tausi ki tena feagaiga+ mo ana fakamasauaga.+
ל [Lameta]
11 Ona ko tou igoa, e Ieova,+Fakamagalo aka taku mea ‵se, faitalia te lasi.
מ [Mema]
12 Ko oi te tagata e mataku ki a Ieova?+
Ka akoako ne ia te tino tenā e uiga ki te auala e ‵tau o filifili ne ia.+
נ [Nuna]
13 Ka maua ne ia a mea ‵lei,+Kae ko tino ne ‵tupu mai i a ia* ka puke mō latou te lalolagi.+
ס [Sameka]
14 A te va fakataugasoa pili mo Ieova i o latou kolā e ma‵taku ki a ia,+Kae fai ne ia ke iloa ne latou tena feagaiga.+
ע [Aina]
15 A oku mata e kilo atu faeloa ki a Ieova,+Me ka fakasaoloto ne ia oku vae mai te tili.+
פ [Pe]
16 ‵Fuli mai ou mata ki a au kae ke na talia mai au,Me i a au e nofo tokotasi kae vāivāi.
צ [Sati]
17 A fakalavelave i toku loto ko fakaopoopo eiloa;+Fakasaoloto aka au mai oku logo‵maega.
ר [Lesa]
18 Kilo mai ki oku puapuaga mo oku fakalavelave,+Kae fakamagalo aka aku agasala katoa.+
19 Kilo aka ki te tokouke o oku filiKae ko oko eiloa i te fakasaua mai o te lotou takalia‵lia ki a au.
ש [Sina]
20 Puipui a toku ola kae fakasao au.+
Sa taliagina au ke masiasi, me i a au ne faka‵lafi atu ki a koe.
ת [Tau]
21 Ke puipui eiloa au ne te fakamaoni mo te fai mea tonu,+Me e fakamoemoe eiloa au ki a koe.+
22 Te Atua, fakasao* aka a Isalaelu mai ana fakalavelave katoa.
Fakamatalaga mai lalo
^ Io me “Mai i taimi i aso mua.”
^ Epelu, “i te faiga o fakamasinoga.”
^ Epelu, “fanau.”
^ Epelu, “fakaola.”