Ia au i te Taatiraa no te ea na te ao (OMS), i te 23 no Me 2022, e 6 270 000 taata tei pohe i te COVID-19. Tera râ, i te 5 no Me 2022, i te manaˈo o te OMS e rave rahi atu â taata tei pohe. I te roaraa o te matahiti 2020 e 2021, “ua tapaohia e te rahiraa o te feia tei pohe no te maˈi COVID-19, ua naea-roa-hia fatata 14 900 000.” Eaha râ ta te Bibilia e parau ra no nia i teie mau ati?

•    Ua tohu Iesu e i “te mau mahana hopea” e tupu “te maˈi pee,” e maˈi ino mau ïa.—Luka 21:11; Timoteo 2, 3:1.

 I teie mahana, te tupu ra ta Iesu i tohu. No te ite atu â, a taio i te tumu parau “Eaha te tapao o ‘te mau mahana hopea’?”

•    “Te Atua o te tamahanahana i roto i te mau tupuraa atoa, o te tamahanahana ia tatou i roto i te mau tamataraa atoa.”—Korinetia 2, 1:3, 4.

 A pohe ai to ratou feia herehia, e rave rahi tei ite i te tamahanahanaraa i roto i te Bibilia. No te ite atu â, a taio i te mau tumu parau “Ua pohe anaˈe tei herehia, eaha ta oe e nehenehe e rave?” e “Te tauturu maitai roa ˈˈe no te feia e oto ra.”

•    “Ia tae mai ta oe Faatereraa arii. Ia tupu to oe hinaaro i te fenua nei, mai i te raˈi atoa na.”—Mataio 6:10.

 Fatata roa “te Faatereraa arii a te Atua” i te faaore roa i te mau maˈi atoa. I tera taime, aita e taata e parau: “E maˈi to ˈu.” (Mareko 1:14, 15; Isaia 33:24) No te ite atu â no nia i teie Faatereraa arii e ta te reira e hopoi mai, a mataitai i te video Eaha te Basileia o te Atua?

 Te titau manihini nei matou ia oe ia haapii atu â i ta te Bibilia e parau ra, ia faufaahia oe e to oe utuafare i te mau aˈoraa î i te paari e te mau parau fafau e vai ra i roto.