Ioba 1:1-22
1 Te vai ra te hoê taata i te fenua o Uza o Ioba*+ te iˈoa. E taata afaro oia e te hapa ore.+ E mǎtaˈu oia i te Atua e e haapae oia i te ino.+
2 Ua fanau mai ta ˈna e hitu tamaiti e e toru tamahine.
3 Ta ˈna mau animara e 7 000 ïa mamoe, e 3 000 kamela, 1 000 puaatoro e 500 asini,* e e rave rahi roa atoa tavini ta ˈna. E riro ihora oia ei taata rahi roa ˈˈe o te feia atoa e parahi ra i hitia o te râ.
4 E faatupu na ta ˈna na tamaiti tataitahi i te hoê tamaaraa i to ratou iho fare i to ratou mahana faataahia. E titau manihini ratou i to ratou na toru tuahine no te tamaa e no te inu e o ratou.
5 Ia hope te mau mahana tamaaraa, e titau Ioba ia ratou no te haamoˈa ia ratou. E tia oia i te poipoi roa e e pûpû oia i te tusia taauahi+ no ratou tataitahi. E na ô hoi Ioba: “Peneiaˈe ua hara e ua faaino ta ˈu mau tamaiti i te Atua i roto i to ratou aau.” E na reira noa Ioba i te rave.+
6 Tae maira te mahana i tomo ai te mau tamaiti a te Atua mau*+ no te tia i mua ia Iehova,+ e tomo atoa maira Satani+ i rotopu ia ratou.+
7 Parau atura ïa Iehova ia Satani: “Nahea mai ra oe?” Pahono maira Satani ia Iehova: “Na to ˈu oriraa na nia i te fenua e to ˈu hahaereraa na reira.”+
8 Parau atura Iehova ia Satani: “Ua tapao anei oe* i ta ˈu tavini o Ioba? Aita e taata mai ia ˈna i nia i te fenua. E taata afaro oia e te hapa ore,+ o te mǎtaˈu i te Atua e te haapae i te ino.”
9 Pahono maira Satani ia Iehova: “Aita anei e tumu e mǎtaˈu ai Ioba i te Atua?+
10 Aita anei oe i tuu i te hoê aua paruru ati aˈe ia ˈna+ e to ˈna utuafare e ta ˈna faufaa taatoa? Ua haamaitai oe i te ohipa a to ˈna rima,+ e ua aere ta ˈna mau animara i te fenua.
11 No te taui râ, a toro i to oe rima e a tairi i ta ˈna faufaa taatoa. E faaino mau â oia ia oe i mua i to oe aro.”
12 Parau atura ïa Iehova ia Satani: “Inaha, tei to oe rima* ta ˈna faufaa taatoa. Eiaha râ oe e hauti ia ˈna!” Haere ihora ïa Satani mai mua i te aro o Iehova.+
13 I te mahana i tamaa ˈi e i inu ai ta ˈna mau tamaiti e tamahine i te uaina i te fare o to ratou taeae matahiapo,+
14 tae maira te hoê vea ia Ioba ra e na ô maira: “Te arote ra te puaatoro e te amu ra te asini i te aihere i pihai iho mai ia ratou
15 i te aroraa mai to Sabea e te haruraa ia ratou e ua haapohe ratou i te mau tavini i te ˈoˈe. O vau anaˈe tei ora mai no te faaite ia oe i teie parau.”
16 Te paraparau noa ra oia, tae maira te tahi atu e na ô maira: “Ua mairi te auahi a te Atua* mai te raˈi mai e ura ihora te mamoe e te mau tavini e pau aˈera ratou! O vau anaˈe tei ora mai no te faaite ia oe i teie parau.”
17 Te paraparau noa ra oia, tae maira te tahi atu e na ô maira: “Ua amui to Kaladaio+ ei toru pǔpǔ e ua aˈuaˈu i te mau kamela e ua haru ia ratou, e ua haapohe ratou i te mau tavini i te ˈoˈe. O vau anaˈe tei ora mai no te faaite ia oe i teie parau.”
18 Te paraparau noa ra oia, tae faahou maira te tahi atu e na ô maira: “Te tamaa ra e te inu ra ta oe mau tamaiti e ta oe mau tamahine i te uaina i te fare o to ratou taeae matahiapo,
19 farara taue maira te hoê mataˈi rahi na te medebara mai, tairi ihora i na poro e maha o te fare, topa ihora te reira i nia iho i te feia apî e pohe aˈera ratou. O vau anaˈe tei ora mai no te faaite ia oe i teie parau.”
20 Tia aˈera Ioba, hahae ihora i to ˈna ahu, tâpû ihora i to ˈna rouru, topa ihora i raro e tipapa ihora
21 e na ô atura:
“Vai tahaa noa vau i to ˈu haereraa i rapae i te opu o to ˈu metua vahine,Vai tahaa noa atoa ïa vau ia hoˈi atu vau.+
Na Iehova i horoa,+ e na Iehova i rave.
Ia arue-noa-hia te iˈoa o Iehova.”
22 I taua mau mea atoa ra, aita Ioba i hara aore ra i faahapa i te Atua i te raveraa i te ohipa ino.*
Nota i raro i te api
^ “Mea riri-rahi-hia” paha te auraa.
^ Heb: “asini ufa.”
^ E parau Hebera no te mau tamaiti melahi a te Atua.
^ Heb: “Ua haamau anei oe i to oe aau i nia.”
^ Aore ra “tei raro aˈe i to oe mana.”
^ Huri-atoa-hia “uira.”
^ Aore ra “pari i te Atua i te mea tano ore.”
