Ioba 24:1-25
24 “Eaha te Manahope e ore ai e faataa i te hoê mahana?+
Eaha te feia tei ite o vai o ˈna e ore ai e ite i to ˈna mahana?*
2 E hauti te mau taata i te mau tapao otia.+E eiâ ratou i te mau mamoe no ta ratou iho mau vahi aihere.
3 E rave ratou i te asini a te mau tamarii aita e metua taneE e haru ratou i te puaatoro oni a te vahine ivi ei piri taoˈa no te tahi tarahu.+
4 E faahepo ratou i te feia veve ia faarue i te purumu.E tapuni te feia paruparu o te fenua no ratou aˈe.+
5 E imi haere te feia veve i te maa mai te mau asini oviri+ i te medebara.E imi ratou i te maa i te medebara no ta ratou mau tamarii.
6 E ooti ratou i roto i ta te tahi atu faaapu,*E e ohi haere ratou i roto i te faaapu vine a te feia ino.
7 E taoto tahaa noa ratou i te po, aita e ahu.+Aita to ratou e tapoˈi no te toˈetoˈe.
8 Ua puru ratou i te ûa o te mouˈa.E tapii ratou i te mau mato no te tamaru ore.
9 E haruhia te tamarii aita e metua tane mai nia mai i te tîtî o to ˈna metua vahine.+E ravehia te mau ahu o te feia veve ei piri taoˈa no te tahi tarahu,+
10 A hahaere tahaa noa ˈtu ai ratou, ma te ahu ore,E te poia, a amo ai ratou i te mau ruru huero maa.
11 E rohi ratou i nia i te aivi i ropu i te mau patu ofai, i te âhu o te mahana.*E taataahi ratou i te vine, e pohe râ ratou i te poihâ.+
12 Te feia e pohe ra, e uuru noa ratou i roto i te oire.E pii tei tairi-pohe-hia ia tauturuhia ratou,+Eita râ te Atua e hiˈo i te reira ei mea tano ore.*
13 Te vai ra o te orure hau i te maramarama.+Eita ratou e farii i to ˈna mau eˈa,E eita ratou e pee i to ˈna mau eˈa.
14 E tia mai te taparahi taata i te aahiata.E haapohe oia i te feia paruparu e te feia veve,+E i te po, e eiâ oia.
15 E tiai te mata o te taata faaturi i te ahiahi,+A na ô ai oia: ‘Aita e taata e ite ia ˈu!’+
E e tapoˈi oia i to ˈna hohoˈa mata.
16 Ia poiri, e tomo ratou i roto* i te mau fare.Ia ao, e faaea ratou i ǒ ratou.
Eita ratou e ite i te maramarama.+
17 Hoê â hoi te poipoi e te poiri rahi no ratou.Ua matau ratou i te mau mea riaria o te poiri rahi.
18 Mea oioi râ ratou i te hopoi-ê-raahia e te mau pape.*
E faainohia ta ratou tuhaa fenua.+
Eita ratou e hoˈi i ta ratou mau faaapu vine.
19 Mai te paˈurâ e te âhu e hopoi ê i te hiona tei tahe,E hopoi ê te Apoo* i te feia tei rave i te hara!+
20 E haamoˈe to ratou metua vahine* ia ratou. E faatupu te mau toˈe i te tamaaraa i nia ia ratou.
Eita ratou e haamanaˈo-faahou-hia.+
E fati te parau-tia ore mai te tahi tumu raau.
21 E faatîtî ratou i te vahine fanau ore,E e rave ino ratou i te vahine ivi.
22 E faaohipa te Atua* i to ˈna puai no te faaore i te feia mana.Noa ˈtu e tia mai ratou i nia, e ere mea papu e ora anei ratou.
23 E vaiiho te Atua* ia ratou ia manaˈo e oraraa hau to ratou e te papu,+Tei nia râ to ˈna mata i te mau ohipa atoa ta ratou e rave.*+
24 E faateiteihia ratou no te hoê taime poto, e aita faahou ratou.+
E faahaehaahia ratou+ e e haaputuhia mai te taata atoa.E tâpûhia ratou mai te peenave huero maa.
25 O vai ïa te nehenehe e haapapu e taata haavare auAore ra e patoi i ta ˈu parau?”
Nota i raro i te api
^ Oia hoi to ˈna mahana haavaraa.
^ Huri-atoa-hia “ooti i te aihere i roto i te faaapu.”
^ Huri-atoa-hia “E taviri ratou i te hinu i nia i te aivi i ropu i te mau patu ofai.”
^ Huri-atoa-hia “Eita râ te Atua e faahapa i te tahi taata.”
^ Heb: “e pao ratou.”
^ Heb: “Mea vitiviti oia i nia iho i te pape.”
^ Heb: “te opu.”
^ Heb: “Oia.”
^ Heb: “Oia.”
^ Heb: “to ratou mau haerea.”
