جان بچانے کے لیے فوری قدم اُٹھائیں
چھبیس دسمبر 2004ء کو 1.9 شدت کے زلزلے نے اِنڈونیشیا کے جزیرے سیمولو کو ہلا کر رکھ دیا۔ جب ساحل پر موجود لوگوں نے یہ دیکھا کہ سمندر کی لہریں معمول سے زیادہ پیچھے ہٹ رہی ہیں تو وہ ”سمون! سمون!“ (مقامی زبان میں سونامی کا نام) چلّانے لگے اور اُونچی جگہوں کی طرف بھاگنے لگے۔ آدھے گھنٹے کے اندر اندر پانی کی طاقتور لہریں آئیں اور بہت سے گھروں اور گاؤں کو تباہوبرباد کر گئیں۔
جزیرہ سیمولو، سماٹرا کے جزیرے کے شمال مغرب میں ہے۔ سب سے پہلے سونامی کی تباہکُن لہریں سیمولو سے ہی ٹکرائیں۔ پھر بھی وہاں رہنے والے 78 ہزار لوگوں میں سے صرف 7 کی جان گئی۔ * اِس کی وجہ یہ تھی کہ جزیرے کے لوگوں میں یہ بات نسل در نسل چلی آ رہی ہے کہ ”جب شدید زلزلہ آئے اور سمندر کی لہریں پیچھے چلی جائیں تو اُونچی جگہ کی طرف بھاگو کیونکہ یہ لہریں زیادہ شدت سے واپس آئیں گی۔“ سیمولو کے لوگ جانتے تھے کہ سمندر کی لہروں میں آنے والی تبدیلی اِس بات کی نشانی ہے کہ سونامی آنے والا ہے۔ چونکہ اُنہوں نے خطرے کو بھانپ کر فوری قدم اُٹھایا اِس لیے اُن کی جان بچ گئی۔
پاک کلام میں ایک ایسی آفت کے بارے میں بتایا گیا ہے جو جلد آنے والی ہے۔ اِس میں لکھا ہے: ”تب ایسی بڑی مصیبت آئے گی جو دُنیا کے شروع سے لے کر اب تک نہیں آئی اور نہ ہی دوبارہ کبھی آئے گی۔“ (متی 24:21) لیکن اِس کا مطلب یہ نہیں کہ زمین اِنسانوں کی وجہ سے یا کسی قدرتی آفت کی وجہ سے تباہ ہو جائے گی۔ یہ بڑی مصیبت دراصل خدا کی طرف سے آئے گی جس میں وہ ’اُن لوگوں کو تباہ کرے گا جو زمین کو تباہ کر رہے ہیں۔‘ (مکاشفہ 11:18) لیکن زمین ہمیشہ تک قائم رہے گی۔ (واعظ 1:4) اِس مصیبت کے دوران زمین سے تمام بُرائی اور تکلیفوں کا بھی خاتمہ ہو جائے گا۔ (امثال 2:22) بےشک وہ بہت خوشگوار وقت ہوگا!
سونامیوں، زلزلوں اور آتشفشاں پہاڑوں کے پھٹنے کی وجہ سے بہت سے معصوم لوگ مارے جاتے ہیں۔ لیکن جو تباہی خدا لانے والا ہے، اُس میں معصوم لوگ نہیں مریں گے کیونکہ پاک کلام میں لکھا ہے کہ ”خدا محبت ہے“ اور اُس نے وعدہ کِیا ہے کہ ”صادق زمین کے وارث ہوں گے اور اُس میں ہمیشہ بسے رہیں گے۔“ (1-یوحنا 4:8؛ زبور 37:29) ہم کیا کر سکتے ہیں تاکہ ہم بڑی مصیبت سے بچ سکیں اور وہ برکتیں حاصل کر سکیں جن کا خدا نے وعدہ کِیا ہے؟ سب سے اہم بات یہ ہے کہ ہم خطرے کو بھانپیں اور فوری قدم اُٹھائیں۔
بگڑتے حالات—خاتمے کی نشانی
ہم یہ نہیں جان سکتے کہ بُرائی اور تکلیفوں کا خاتمہ کس تاریخ پر ہوگا کیونکہ یسوع مسیح نے کہا: ”اُس دن یا گھنٹے کے بارے میں کسی کو نہیں پتہ، نہ آسمان کے فرشتوں کو، نہ بیٹے کو بلکہ صرف باپ کو۔“ لیکن اُنہوں نے ہماری حوصلہافزائی کی کہ ہم متی 24:36؛ 25:13) ہم چوکس کیسے رہ سکتے ہیں؟ پاک کلام میں بتایا گیا ہے کہ خاتمے سے پہلے دُنیا کے حالات کیسے ہوں گے۔ جس طرح لہروں کے اُتار چڑھاؤ میں تبدیلی کی وجہ سے سیمولو کے لوگوں کو اندازہ ہو گیا کہ سونامی آنے والا ہے، اُسی طرح دُنیا کے بگڑتے حالات کو دیکھ کر ہمیں پتہ چلتا ہے کہ اِس بُری دُنیا کا خاتمہ نزدیک ہے۔ اِس مضمون میں دیے گئے بکس میں کچھ ایسی نشانیوں کے بارے میں بتایا گیا ہے جن کا پاک کلام میں ذکر ہوا ہے۔
”چوکس رہیں۔“ (بکس میں جن حالات اور واقعات کا ذکر کِیا گیا ہے، وہ ماضی میں شاذونادر ہی ہوتے تھے۔ لیکن متی 24:33 میں درج یسوع مسیح کی بات سے اِشارہ ملتا ہے کہ جب ”یہ ساری باتیں“ اکثر دیکھنے میں آئیں تو خاتمہ نزدیک ہوگا۔ یقیناً آپ اِس بات سے اِتفاق کریں گے کہ ہم اِنسانی تاریخ کے اُس دَور میں رہ رہے ہیں جس میں یہ ساری باتیں پوری دُنیا میں ہو رہی ہیں، ایک ہی وقت پر ہو رہی ہیں اور حالات اِتنے خراب ہو گئے ہیں کہ پہلے کبھی نہیں ہوئے تھے۔
خدا کی محبت کا ثبوت
ایک سابق امریکی صدر نے کہا: ”وارننگ سسٹم کی وجہ سے . . . لوگوں کی زندگیاں بچ سکتی ہیں۔“ 2004ء کے سونامی کے بعد متاثرہ علاقے میں ایک وارننگ سسٹم لگایا گیا تاکہ مستقبل میں سونامی سے ہونے والے جانی نقصان کو کم کِیا جا سکے۔ اِسی طرح خدا نے بھی یہ بندوبست کِیا ہے کہ اِس بُری دُنیا کو ختم کرنے سے پہلے لوگوں کو خبردار کرے۔ پاک کلام میں لکھا ہے کہ ”بادشاہت کی خوشخبری کی مُنادی ساری دُنیا میں کی جائے گی تاکہ سب قوموں کو گواہی ملے۔ پھر خاتمہ آئے گا۔“—متی 24:14۔
پچھلے سال یہوواہ کے گواہوں نے لوگوں کو 240 ملکوں میں 700 سے زیادہ زبانوں میں خدا کی بادشاہت کی خوشخبری سنائی اور اِس کام میں 1 ارب 90 کروڑ گھنٹے صرف کیے۔ یہ اِس بات کا ٹھوس ثبوت ہے کہ خاتمہ نزدیک ہے۔ یہوواہ کے گواہ اپنے پڑوسیوں سے محبت کرتے ہیں اِس لیے وہ اُنہیں خدا کے روزِعدالت کے بارے میں بتاتے ہیں جو کہ بہت جلد آنے والا ہے۔ (متی 22:39) یہوواہ خدا آپ کو بھی خبردار کر رہا ہے اور یہ اِس بات کا ثبوت ہے کہ وہ آپ سے محبت کرتا ہے۔ ”یہوواہ . . . نہیں چاہتا کہ کوئی بھی شخص ہلاک ہو بلکہ وہ چاہتا ہے کہ سب لوگ توبہ کریں۔“ (2-پطرس 3:9) کیا آپ خدا کی محبت کو قبول کریں گے اور اپنے بچاؤ کے لیے قدم اُٹھائیں گے؟
خدا کی پناہ میں آئیں اور جان بچائیں
سیمولو کے ساحلی گاؤں میں رہنے والے لوگوں نے جیسے ہی لہروں کو پیچھے جاتے دیکھا، وہ اُونچی جگہوں پر بھاگ گئے۔ اُنہوں نے لہروں کے واپس آنے کا اِنتظار نہیں کِیا۔ اُنہوں نے فوری طور پر قدم اُٹھایا اِس لیے اُن کی زندگیاں بچ گئیں۔ آنے والی بڑی مصیبت سے بچنے کے لیے ہمیں بھی مجازی معنوں میں اُونچی جگہوں کی طرف بھاگنے کی ضرورت ہے۔ یسعیاہ نبی نے کہا کہ ”آخری دنوں“ میں لوگوں کو یہ دعوت دی جائے گی: ”آؤ [یہوواہ] کے پہاڑ پر چڑھیں . . . اور وہ اپنی راہیں ہم کو بتائے گا اور ہم اُس کے راستوں پر چلیں گے۔“—یسعیاہ 2:2، 3۔
جب ایک شخص پہاڑ کی چوٹی پر ہوتا ہے تو وہ اِردگِرد کے حالات کو زیادہ بہتر طور پر دیکھ سکتا ہے اور محفوظ بھی رہ سکتا ہے۔ دُنیا بھر میں لاکھوں لوگ پاک کلام سے خدا کی راہوں کے بارے میں جان رہے ہیں اور اپنی زندگیوں میں تبدیلیاں کر رہے ہیں۔ (2-تیمُتھیُس 3:16، 17) اِس طرح وہ خدا کے راستوں پر چلنے لگے ہیں، اُنہیں اُس کی خوشنودی حاصل ہو گئی ہے اور وہ اُس کی پناہ میں آ گئے ہیں۔
کیا آپ خدا کی دعوت کو قبول کریں گے اور اِس مشکل دَور میں اُس کی پناہ میں آئیں گے؟ ہم آپ سے درخواست کرتے ہیں کہ بکس میں دیے گئے اُن ثبوتوں پر غور کریں جن سے پتہ چلتا ہے کہ ہم آخری زمانے میں رہ رہے ہیں۔ اگر آپ چاہیں تو یہوواہ کے گواہ اِس بکس میں دیے گئے صحیفوں کو بہتر طور پر سمجھنے میں آپ کی مدد کر سکتے ہیں۔ یا پھر آپ اپنے سوالوں کے جواب ہماری ویبسائٹ www.dan124.com سے حاصل کر سکتے ہیں۔
^ پیراگراف 3 2004ء کا یہ سونامی تاریخ کے بدترین سونامیوں میں سے ایک ہے اور اِس میں 2 لاکھ 20 ہزار سے زیادہ لوگوں کی جانیں گئیں۔