Ишаё 30:1–33
30 Яҳова шундай демоқда: «Ўжар ўғиллар ҳолига вой!+Улар Менинг эмас, ўз режаларини амалга оширади+,Иродамга қарши иттифоқлар тузиб,Гуноҳ устига гуноҳ орттиради.
2 Улар Мендан бемаслаҳат+ Мисрга борди+.Фиръавндан ҳимоя излаб,Мисрнинг сояси остида бўлишни истади.
3 Аммо фиръавннинг ҳимояси сизларга иснод,Мисрнинг сояси остида бўлиш эса хўрлик келтиради+.
4 Чунки беклари Зўвандадир+,Элчилари эса Ханесгача етиб борди.
5 Уларга ҳеч фойда бермайдиган халқ дастиданҲаммаси шарманда бўлади.Мисрликлардан на ёрдам, на фойда кўради,Фақатгина уят ва иснодга қолади»+.
6 Жануб ҳайвонларига қарши ҳукм:
Элчилар бойликларини эшакларга,Ҳадяларини туяларга юклаб,Шер, ўкирадиган шер,Илон, оловли учар илон,Бало-қазо, қийинчилик юрти бўйлаб ўтиб боради.
Лекин буларнинг бари халққа наф келтирмайди.
7 Мисрнинг кўмаги умуман фойдасиз+.
Шу боис, уни: «Тинч ўтирган Раҳоб*+»,— деб атадим.
8 «Энди эса бориб, уларнинг олдида буни лавҳага ёз,Буни китобга ёзиб қўй+.У келажак кунлар учунАбадий шоҳидлик бўлиб турсин+.
9 Чунки улар исёнкор халқ+, ёлғончи ўғиллардир+,Яҳованинг қонунига қулоқ солишни истамайдиган ўғиллардир+.
10 Улар валийларга: “Ваҳийлар кўрманг”,— демоқда.
Ваҳий кўрувчиларга эса: “Бизга ҳақиқатни айтманг+,
Қулоғимизга ёқимли, уйдирма нарсаларни айтинг+.
11 Йўлдан қайтинг, бу йўлдан юрманг.
Бизга Исроилнинг Муқаддас Худоси ҳақида гапирманг”+,— деб айтмоқда».
12 Шунинг учун Исроилнинг Муқаддас Худоси демоқда:
«Сизлар сўзимни рад этиб+,Ёлғон билан ҳийлага таяндингиз,Уларга умид боғладингиз+.
13 Бу қилмиш сизлар учун бузилган девордай,Қулай деб турган шишган баланд девордай бўлади.
У тўсатдан, бир зумда қулайди.
14 У кулол ясаган хумдай парча-парча бўлиб кетади,Бир бўлаги ҳам қолмай чилпарчин бўлади.Ҳатто ўчоқдан чўғ чиқариш,Кўлмакдан* сув олиш учун синиғи ҳам топилмайди».
15 Олий Ҳукмдор Яҳова, Исроилнинг Муқаддас Худоси демоқда:
«Менга қайта юз буриб тинчлансангиз, нажот топасиз,Хотиржам бўлиб Менга таянсангиз, кучли бўласиз»+.
Бироқ сизлар буни хоҳламаяпсиз+.
16 Сизлар: «Йўқ, отларга миниб қочамиз!» — дедингиз.
Шунинг учун қочиб кетасиз.«Учқур отларга миниб қочамиз!»+ — дедингиз.
Шу боис, сизларни таъқиб қилувчилар ҳам учқур бўлади+.
17 Бир кишининг таҳдидидан минг киши титрайди+,Беш кишининг таҳдидидан тумтарақай қочасиз.Омон қолганларингиз эса тоғ чўққисидаги устун каби,Тепаликдаги байроқ каби бўлади+.
18 Аммо Яҳова сизларга илтифот кўрсатишни сабр ила кутмоқда+,Сизларга марҳамат қилиш учун У қўзғалади+.
Яҳова адолатли Аллоҳдир+,
Уни орзиқиб кутаётганларнинг бари бахтлидир+.
19 Халқ Сионда, Қуддусда яшаганда+, сен ортиқ йиғламайсан+. У ёрдам сўраб ёлворганингни эшитиб, сенга албатта илтифот кўрсатади. Овозингни эшитибоқ жавоб беради+.
20 Яҳова сизларга ейиш учун бало-қазо нонини, ичишга жабр-зулм сувини берса ҳам+, Буюк Устозинг Ўзини бошқа яширмайди. Сен Буюк Устозингни+ ўз кўзинг билан кўрасан.
21 Агар ўнгга ёки чапга оғиб кетсангиз+, ортингиздан: «Мана йўл+, шу йўлдан юринг»,— деган овозни эшитасиз.
22 Ўйма тасвирларингизни қоплаган кумушни, қуйма бутларингизни* қоплаган олтинни ҳаром қиласиз+. Сен уларга: «Йўқол бу ердан!» — деб*+, ҳайз латталари каби уларни ташлаб юборасан.
23 Ерга сепган уруғингизга Худо ёмғир ёғдиради+, ер маҳсулини — нонни сероб ва баракали қилиб беради+. Ўша куни чорвангиз кенг яйловларда ўтлайди+.
24 Ер ҳайдайдиган ҳўкизу эшаклар учун белкурак ва паншаха билан шопирилган шовул қўшилган ем-хашак емиш бўлади.
25 Буюк хунрезлик куни миноралар қулаганда, ҳар бир баланд тоғу тепаликда жилғалару сойлар оқади+.
26 Яҳова халқининг синган суягини боғлаб+, Ўзи келтирган оғир жароҳатни тузатган+ куни тўлин ой қуёш каби порлайди. Қуёшнинг нури эса етти куннинг ёруғлигидек етти баробар кучли бўлади+.
27 Мана, Яҳова* узоқдан,Ғазабга миниб, қора булутлар билан келмоқда.
Оғзидан чиққан сўзлари қаҳрга тўла,Тили эса ямламай ютадиган оловдай+.
28 Унинг руҳи* бўйингача етадиган тошқин сой кабидир,Халқларни ҳалокат элагидан ўтказади.Халқларни йўлдан оздириш учун оғзига сувлуқ солади+.
29 Сизларнинг қўшиғингиз,Байрамга тайёрланаётиб+, тунда куйланадиган қўшиққа ўхшайди.Қалбингиз эса Яҳованинг тоғига,Исроилнинг Қоясига+ элтадиган йўлданНай садоси остида чиқаётган киши каби қувонади.
30 Яҳова маҳобатли овозини+ эшиттиради.Ютиб юборадиган оташин олов+,Жала+, момақалдироқ, дўл+ биланҚўлини узатиб+, кучини кўрсатади+.
31 Яҳованинг овози Оссурияни даҳшатга солади+.Аллоҳ уни таёқ билан уради+.
32 Яҳова Оссурияни жазолаш учунТаёғини ҳар кўтарганда,Жангда уларга қарши қўлини силтаганда+,Чилдирмалар ва арфалар товуши янграйди+.
33 Чунки Оссурия учун Тофат*+ ҳозирланган.Шоҳи учун ҳам у тайёрланган+.
Худо ўтин учун ҳозирлаган жой чуқур ва энли бўлиб,У ерда ўтин ҳам, олов ҳам мўлдир.
Яҳованинг нафаси олтингугурт тошқинидайТофатни ёндириб юборади.
Изоҳлар
^ Бошқа вариант «Сардобадан».
^ Ёки «металл ҳайкалларни».
^ Бошқа вариант «уларни жирканч деб айтасан».
^ Сўзма-сўз «Яҳованинг исми».
^ Ёки «нафаси».
^ Бу ерда «Тофат» сўзи оловда куйдириш жойи рамзи бўлиб, йўқ қилинишни англатади.