Hikmatlar 10:1-32
10 Sulaymonning hikmatlari+.
Dono o‘g‘il otasini quvontiradi+,Nodon o‘g‘il esa onasiga qayg‘u keltiradi.
2 Harom yo‘l bilan topilgan boylikning foydasi bo‘lmaydi,Odillik esa o‘limdan xalos etadi+.
3 Yahova odil kishini och qoldirmaydi+,Ammo yovuzlarning istagini rad etadi.
4 Dangasa qo‘llar qashshoqlikka duchor qiladi+,Mehnatkash qo‘llar esa boylik keltiradi+.
5 Fahm-farosatli o‘g‘il hosilni yozda o‘rib oladi,Sharm-hayosiz o‘g‘il esa o‘rim-yig‘im paytida uyquga ketadi+.
6 Odillar boshiga baraka yog‘iladi+,Yovuzlarning tili bo‘lsa zo‘ravonlikni yashiradi.
7 Odillarning nomi* maqtov ila tilga olinadi+,Yovuzlarning nomi esa o‘chib ketadi+.
8 Dono qalb sohibi nasihatlarga quloq soladi+,Be’mani gaplarni so‘zlagan esa oyog‘osti bo‘ladi+.
9 Benuqsonlik yo‘lida yurgan bexatar yashaydi+,Egri yo‘ldan yurganning ishlari esa oshkor bo‘ladi+.
10 Ayyorona ko‘z qisgan g‘am-g‘ussa keltiradi+,Bo‘lmag‘ur gaplarni so‘zlagan oyog‘osti bo‘ladi+.
11 Odilning tili hayot manbaidir+,Yovuzning tili bo‘lsa zo‘ravonlikni yashiradi+.
12 Nafrat urish-janjalga sababchi bo‘ladi,Sevgi esa barcha gunohlarni qoplaydi+.
13 Aql-idroklining og‘zidan donolik chiqadi+,Farosatsizning orqasidan esa tayoq arimaydi+.
14 Donolar bilim to‘playdi+,Ahmoqlar tili esa o‘zlarining boshiga yetadi+.
15 Boyning davlati mustahkam shahridir.
Qashshoqning halokati yo‘qchilikdir+.
16 Odilning mehnati hayotga,Yovuzning ishi esa gunohga yetaklaydi+.
17 Ta’lim-tarbiyaga quloq tutgan hayot so‘qmog‘iga qadam qo‘yadi*,Tanbehni rad etgan esa boshqalarni yo‘ldan ozdiradi.
18 Nafratini yashirgan yolg‘onchidir+,Mish-mish tarqatgan ahmoqdir.
19 Ko‘p gapirgan gunohga tutiladi+,Tilini tiygan esa o‘ylab ish tutadi+.
20 Odilning tili toza kumushdaydir+,Yovuzning yuragi esa hech narsaga arzimaydi.
21 Odilning tili ko‘plarni to‘g‘ri yo‘lga yetaklaydi+,Nodonning aqlsizligi esa boshiga yetadi+.
22 Yahovaning barakasi kishini boyitadi+,Bu barakaga U hech qanday dard-alam qo‘shmaydi.
23 Adabsiz xulq ahmoq uchun o‘yin kabidir,Aql-idrokliga esa donolik xosdir+.
24 Yovuz nimadan qo‘rqsa, shunga yo‘liqadi.Odilning esa orzusi ushaladi+.
25 Yovuz odam quyun uchirgandek yo‘q bo‘lib ketadi+.Odil kishi esa mustahkam poydevor kabi abadiy turadi+.
26 Tishlarga sirka, ko‘zlarga tutun qanday bo‘lsa,Yalqov kishi ham xo‘jayini uchun shundaydir.
27 Yahovadan qo‘rqish — hayotni uzaytiradi+,Yovuzning umri esa qisqartiriladi+.
28 Odilning umidi quvonch keltiradi+,Yovuzning umidi esa puchga chiqadi+.
29 Yahovaning yo‘li benuqsonlar uchun qo‘rg‘ondir+,Yomonlik qiluvchilar uchun esa halokatdir+.
30 Odil kishi hech qachon qoqilmaydi+,Yovuz inson esa yer yuzida qolmaydi+.
31 Odilning tili donolikni so‘zlaydi,Buzuq til esa kesib tashlanadi.
32 Odilning og‘zidan yoqimli so‘zlar,Yovuzning tilidan esa egri so‘zlar chiqadi.