Zabur 62:1-12
Ijrochilar rahbari uchun ko‘rsatma. Yodutun*. Dovud sanosi.
62 Yolg‘iz Allohni sabr bilan kutaman.
U menga najot beradi+.
2 U mening qoyam, najotim va xavfsiz boshpanamdir+,Men hech qachon tebranmayman, yiqilmayman+.
3 Qachongacha odamga hujum qilib, uni o‘ldirmoqchi bo‘lasiz?!+
Barchangiz og‘ib qolgan devorday, qulay deb turgan tosh devorday xavflisiz*.
4 Ular o‘zaro maslahatlashib, uni martabasidan tushirishga urinadi,Yolg‘on gapirishdan rohatlanadi.
Og‘izlari bilan duo qiladi-yu, ichida esa qarg‘aydi+. (Sela)
5 Men bo‘lsam, sabr qilib Xudoni kutaman+.Chunki yolg‘iz Unga umid bog‘layman+.
6 U mening qoyam, najotim va xavfsiz boshpanamdir,Men aslo tebranmasman+.
7 Alloh menga najot va shon-sharaf beradi.
Mustahkam qoyam va boshpanam Xudodir!+
8 Ey odamlar, doimo Unga ishoning!
Yuragingizni Unga to‘kib soling+.
Alloh bizning boshpanamizdir!+ (Sela)
9 Inson o‘g‘illari bir nafasdir,Odamzod bolalari soxta panohdir+.
Ular tarozida tortilsa, nafasdan ham yengilroq chiqadi+.
10 Talonchilikka tayanmang,O‘g‘rilikka behuda umid bog‘lamang.
Mol-davlatingiz ko‘paysa, unga ko‘ngil qo‘ymang+.
11 Xudo ikki marta:
«Xudo kuch-qudratlidir»+,— deb aytganini eshitdim.
12 Boz ustiga, ey Yahova, Sen mehr-sadoqatlisan+,Chunki Sen har bir odamning ishiga yarasha qaytarasan+.
Izohlar
^ Boshqa variant «Ey sizlar, axir u og‘ib qolgan devorday, qulay deb turgan tosh devordaydir».