Dziphisalema 135:1-21
135 Rendani Yehova!*
Rendani dzina ḽa Yehova;Mu rendeni inwi vhashumeli vha Yehova,+
2 Inwi no imaho nḓuni ya Yehova,Miṱani ya nnḓu ya Mudzimu washu.+
3 Rendani Yehova, ngauri Yehova ndi wavhuḓi.+
Imbelani dzina ḽawe thendo, ngauri zwi a takadza.
4 Ngauri Yehova o ḓinangela Yakobo,O ḓinangela Vhaisiraele uri vha vhe vhathu vhawe vho khetheaho.+
5 Ngauri ndi a ḓivha zwavhuḓi uri Yehova ndi muhulwane;Murena washu ndi muhulwanesa u fhira miṅwe midzimu yoṱhe.+
6 Yehova u ita tshiṅwe na tshiṅwe tshine a funa u tshi ita+Ngei ṱaḓulu na kha ḽifhasi, kha lwanzhe na kha mativha oṱhe.
7 U ita uri makole a gonye a tshi bva magumoni a ḽifhasi;A ita uri hu vhe na lupenyo musi mvula i tshi na;A ḓisa muya u tshi bva maḓuluni awe.+
8 A vhulaya matanzhe a Egipita,A vhathu na a zwifuwo.+
9 A rumela zwiga na vhuṱolo vhukati hau, Iwe Egipita,+Kha Farao na kha vhashumeli vhawe vhoṱhe.+
10 O fhelisa tshaka nnzhi+A vhulaya mahosi a re na maanḓa,+
11 Sihoni khosi ya Vhaamori,+Ogo khosi ya Bashani,+Na mivhuso yoṱhe ya Kanana.
12 O vha ṋea shango ḽavho sa ifa,Ḽa vha ifa ḽa Isiraele vhathu vhawe.+
13 Iwe Yehova, dzina ḽau ndi ḽa lini na lini.
Iwe Yehova, bvumo* ḽau ndi ḽa lini na lini kha mirafho yoṱhe.+
14 Ngauri Yehova u ḓo lamulela vhathu vhawe,+Vhashumeli vhawe u ḓo vha pfela vhuṱungu.+
15 Midzimu ya zwifanyiso ya dzitshaka ndi ya siḽiva na musuku,Ndi mishumo ya zwanḓa zwa vhathu.+
16 I na milomo, fhedzi a i ambi;+I na maṱo, fhedzi a i vhoni;
17 I na nḓevhe, fhedzi a i pfi;Milomoni yayo a hu na mufemo.+
18 Vhathu vho i itaho vha ḓo fana nayo,+Khathihi na vhane vha i fhulufhela.+
19 Iwe nnḓu ya Isiraele, renda Yehova.
Iwe nnḓu ya Aroni, renda Yehova.
20 Iwe nnḓu ya Levi, renda Yehova.+
Iwe u ofhaho Yehova, renda Yehova.
21 Ngavhe Yehova a tshi rendwa ngei Tsioni,+Ene a dzulaho Yerusalema.+
Rendani Yehova!+
