Dziphisalema 40:1-17
Kha mulangi. Luimbo lwa Davida.
40 Ndo fhulufhela Yehova nga mbilu yoṱhe,*O sendedza nḓevhe yawe kha nṋe,* a mpfa musi ndi tshi lilela thuso.+
2 A mbvisa dindini ḽa maḓi a ungaho,A mbvisa thopheni.
A imisa milenzhe yanga kha tombo ḽihulu;A ita uri ndi kande ho tsireledzeaho.
3 A vhea luimbo luswa mulomoni wanga,+Lwa u renda Mudzimu washu.
Vhanzhi vha ḓo zwi vhona vha ofhaVha fhulufhela Yehova.
4 Hu takala muthu ane a fhulufhela YehovaAne a si fhulufhele mashandukwa kana vha u zwifha.
5 Iwe Yehova Mudzimu wanga,Zwe wa zwi ita ndi zwinzhi lungafhani,Mishumo yau i a mangadza, u a ri humbulela.+
A hu na ane a nga vhambedzwa na iwe;+Arali ndo vha ndi tshi nga lingedza u vhudza vhaṅwe na u amba nga hazwo,Zwo vha zwi tshi ḓo vha zwinzhi vhukuma lwe nda vha ndi sa ḓo kona u zwi amba!+
6 A wo ngo takalela tshiṱhavhelo na tshifhiwa,+Fhedzi wo vula nḓevhe dzanga uri dzi pfe.+
A wo ngo humbela zwifhiwa zwa u fhiswa na zwa u pfumelela tshivhi.+
7 Nda ri: “Ndo ḓa.
Ho ṅwaliwa nga ha nṋe kha mupombo.*+
8 Iwe Mudzimu wanga, ndi takalela* u ita zwine wa zwi funa,+Mulayo wau u mbiluni yanga.+
9 Ndi ḓivhadza mafhungo maḓifha a u luga tshivhidzoni tshihulu.+
A thi vali mulomo wanga,+Samusi u tshi zwi ḓivha zwavhuḓi Iwe Yehova.
10 A thi dzumbi u luga hau mbiluni yanga.
Ndi ḓivhadza u fhulufhedzea hau na u tshidza hau.
A thi dzumbi lufuno lwau lu sa shanduki na u fhulufhedzea hau tshivhidzoni tshihulu.”+
11 Iwe Yehova, u songo litsha u nkhathutshela.
Ngavhe ndi tshi dzula ndo lindwa nga lufuno lwau lu sa shanduki na u fhulufhedzea hau.+
12 Maṱungu o ntangaho ndi manzhi vhukuma ha vhalei.+
Vhukhakhi hanga ndi vhunzhi vhu khou ntsikeledza lune ndi si kone u vhona nḓila yanga;+Ho ḓala u fhira na mavhudzi a re ṱhohoni yanga,Ndo kulea nungo.
13 Iwe Yehova, ndi humbela uri u dzule wo ḓilugiselela u ntshidza.+
Iwe Yehova, ṱavhanya u nthuse.+
14 Ngavhe vhoṱhe vhane vha ṱoḓa u mmbulayaVha tshi shoniswa na u nyadziwa.
Ngavhe vhane vha takala musi ndi tshi wela khomboniVha tshi huma vho shona.
15 Ngavhe vhane vha amba na nṋe vha ri: “Koṱo! Koṱo!”
Vha tshi tshuwa nga nṱhani ha u shona havho.
16 Fhedzi vhane vha u ṱoḓa+Nga vha fhululedze vha u takalele.+
Ngavhe vhane vha funa mishumo yau ya u tshidza vha tshi dzula vha tshi ri:
“Ngavhe Yehova a tshi huliswa.”+
17 Fhedzi nṋe a thi na nungo, ndi mushai;Ngavhe Yehova a tshi livhisa ṱhogomelo kha nṋe.
Iwe u muthusi wanga na mutshidzi wanga;+Iwe Mudzimu wanga, u songo lenga.+
Ṱhaluso dzi re magumoni a siaṱari
^ Kana “Ndo lindela Yehova ndi sa fheli mbilu.”
^ Kana “O kwatama u itela u nthetshelesa.”
^ Thevhedz., “kha mupombo wa bugu.”
^ Kana “tama.”
