An sangkay gintagan hin kahulogan sugad nga “usa nga nagigin duok ha iba tungod han gugma o respeto.” Pananglitan, hira Jonathan ngan David nagin duok gud nga magsangkay katapos ni David patayon hi Goliat. (1Sa 18:1) An tagsa ha ira nagpakita hin mga kalidad nga ginbibiling nira ha usa nga sangkay. Kon sugad, an marig-on nga pagkamagsangkay nakabase ha husto nga kahibaro. An pagkilala ha usa nga tawo nagkikinahanglan hin panahon ngan pangalimbasog. Pero ha mga social network an mga tawo mahimo magin “friend” ha usa la nga pag-click han mouse. Tungod kay an mga tawo ha online makakaplano kon ano gud an isisiring ngan may kontrol hira ha kon ano an magigin pagkita ha ira han iba, masayon la nira maitago kon hin-o gud hira. Salit angay hunahunaon hin maopay kon ano nga klase hin mga tawo an aton kakarawaton sugad nga friend. Ayaw kahadlok nga ibalewaray o diri karawaton an friend request han mga tawo nga diri mo gud kilala kay naghuhunahuna ka nga bangin masakitan hira. Tungod han posible nga mga kadelikadohan, an iba nagdesisyon nga diri gumamit hin social network. Pero kon magdesisyon ka nga gumamit hito, ano an kinahanglan mo hinumdoman?

KITAA AN VIDEO NGA MAGIN MAARAMON HA PAGGAMIT HAN SOCIAL-NETWORK, NGAN BATONA AN MASUNOD:

• Ano an kinahanglan mo hunahunaon antes mag-post hin comment ngan piktyur?

• Kay ano nga kinahanglan mo pilion hin maopay an imo kasangkayan ha online?

• Kay ano nga kinahanglan ka maghimo hin limitasyon ha kadamu han panahon nga imo ginagamit ha social network?—Efe 5:15, 16