An mga limpyo la ha moral an puydi magkaada duok nga relasyon kan Jehova. (1Pe 1:14-16) Samtang nalalamposan han mga estudyante ha Biblia an magraot nga bisyo, mahimo liwat hira magkaada mas malipayon nga pamilya, mas maopay nga kahimsog, ngan maopay nga kahimtang ha pinansyal.

Klaro nga isaysay an mga suruklan ni Jehova ha moral, an mga rason hito, ngan an mga kapulsanan han pagsunod hito. Pagpokus ha pagbulig ha imo mga estudyante nga mabag-o an ira paagi han paghunahuna, ngan mahihimo na nira an karuyag ni Jehova. (Efe 4:22-24) Pasariga hira nga ha bulig ni Jehova mahimo nira malamposan an maiha na nga maraot nga bisyo. (Fil 4:13) Tutdui hira nga makimalooy kan Jehova kon naaaghat hira nga magbuhat hin sala. Buligi hira nga masabtan ngan malikayan an mga sitwasyon diin mahimo hira masulay. Dasiga hira nga saliwnan an maghugaw nga bisyo hin mag-opay nga buruhaton. Magigin malipayon ka samtang nakikita mo nga an mga estudyante ha Biblia naglalampos ha paghimo hin mga pagbag-o ha bulig ni Jehova.

KITAA AN VIDEO NGA BULIGI AN IMO MGA ESTUDYANTE HA BIBLIA NGA MALAMPOSAN AN MAGHUGAW NGA BISYO, NGAN BATONA AN MASUNOD:

• Paonan-o iginpakita han mga tigurang ngan ni Neeta an ira pagsarig kan Jade?

• Paonan-o hi Neeta naghatag hin dugang nga bulig kan Jade?

• Paonan-o hi Jade nangaro hin bulig kan Jehova?