¡MAʼ U NÁAYAL A WÓOLEʼEX!
Le director general tiʼ Salud Pública yaan Estados Unidosoʼ ku yaʼalik baʼax jeʼel u yúuchul tiʼ le paalaloʼob sen usartik redes socialesoʼ | ¿Baʼax ku yaʼalik le Biblia yoʼolal leloʼ?
Tu kʼiinil 23 tiʼ mayo tiʼ 2023, le director tiʼ Salud Pública yaan Estados Unidosoʼ tu yaʼalaj bix táan u afectartaʼal le táankelem paalal tumen redes socialesoʼ.
Tu informe le director generaloʼ tu yaʼalaj: «Le redes socialesoʼ jeʼel u taasik utsil tiʼ le mejen paalaloʼoboʼ bey xan tiʼ le táankelmoʼoboʼ, chéen baʼaleʼ yaʼab baʼaxoʼob eʼesikeʼ le redes socialesoʼ jeʼel xan u beetik u kʼojaʼantaloʼobeʼ wa u beetik u pʼáatal maʼ kiʼimak u yóoloʼobiʼ» (Las redes sociales y la salud mental de los jóvenes, 2023).
Tiʼ le informe tu tsʼáaoʼ tu yaʼalaj baʼaxten jach kʼaʼabéet u kanáantaʼal le paalaloʼob tiʼ le redes socialesoʼ:
Le táankelem paalaloʼob yaantiʼob 12 yéetel 15 años «ku máanskoʼob maas tiʼ tres horas sáamsamal teʼ redes socialesoʼ maas séebaʼan jeʼel u pʼáatal maʼ kiʼimak u yóoloʼobeʼ yéetel jeʼel u tsaʼayal kʼojaʼanil tiʼob jeʼex depresión yéetel ansiedadeʼ».
Le paalaloʼob yaantiʼob 14 añosoʼ, «ilaʼabeʼ wa ku sen usarkoʼob le redes socialesoʼ ku pʼáatal maʼ tu weenloʼob tubeel, ku acosartaʼaloʼob, ku pʼáatal maʼ jatsʼuts u yilik u wíinkliloʼobiʼ, ku yuʼubikoʼob mix baʼal u biilaloʼob tsʼoʼoleʼ maas fuerte u tsʼáaik depresión tiʼob, lelaʼ maases ku yúuchul tiʼ le x-chʼúupalaloʼoboʼ».
¿Baʼax jeʼel u beetik le taatatsiloʼob utiaʼal u kanáantik u paalaloʼob tiʼ le peligroʼob ku taasik le redes socialesoʼ? Ilawil baʼax ku yaʼalik le Bibliaoʼ.
Taatatsileʼex beeteʼex lelaʼ
Pʼatkech pendienteil. Taatatsileʼex tuukulneneʼex tiʼ le problemas jeʼel u yantal tiʼ a paalaleʼex wa ku meyajtiʼob le redes socialesoʼ, le kéen tsʼoʼokkeʼ ka wilik wa yaan a chaʼik u meyajtiʼ wa maʼ.
Teksto jeʼel u yáantajeʼ: «Kaʼans le xiʼipal utiaʼal u bin teʼ bej tuʼux unaj u binoʼ» (Proverbios 22:6).
Utiaʼal a wojéeltik u masileʼ ilawil le xook «¿Unaj wa in chaʼik tiʼ in paalal u meyajtiʼob le redes socialesoʼ?».
Wa ka tsʼáaik permiso tiʼ a paalal u meyajtiʼob le redes socialesoʼ pʼáatkech pendienteil tiʼob. ¿Bix jeʼel a beetkeʼ?
Kanáantoʼob tiʼ baʼaloʼob jeʼel u beetik kʼas tiʼobeʼ. Kaʼans tiʼ a paalal bey baʼaxoʼob jeʼel u beetik kʼas tiʼobeʼ yéetel aʼaltiʼob maʼ u chaʼantikoʼob.
Teksto jeʼel u yáantajeʼ: «Ichileʼexeʼ maʼ unaj u yúuchul tʼaan tiʼ le núupkʼebanoʼ, tiʼ tuláakal u jejeláasil baʼaloʼob kʼaastak bey xan tiʼ u píitmáan u tsʼíiboltaʼal wa baʼax […]. Maʼ unaj xan u beetaʼal baʼaloʼob suʼtsiltakiʼ mix u yaʼalaʼal tʼaanoʼob minaʼan u biilaloʼob, mix u yaʼalaʼal kʼaakʼas báaxal tʼaanoʼob» (Efesios 5:3, 4).
Jeʼel u páajtal a wojéeltik u maasil tiʼ le xook «Kaʼans tiʼ a hijo u usart tubeel le redes socialesoʼ».
Tsʼáa u pʼiis u usarkoʼob le redes socialesoʼ. Aʼal tiʼ a hijo baʼax hora yéetel bukaʼaj tiempo jeʼel u béeytal u máansik teʼ redes socialesoʼ.
Teksto jeʼel u yáantajeʼ: «Le oʼolaleʼ jach kanáanteʼex maʼ a máaneʼex bey máaxoʼob minaʼan u naʼatoʼobeʼ, baʼaxeʼ bey máaxoʼob yaan u naʼatoʼobeʼ. Ilawil u meyajteʼex tubeel le tiempo yaanteʼexoʼ» (Efesios 5:15, 16).
Utiaʼal a wáantik a paal u naʼat bix unaj u meyajtiʼ le redes socialesoʼ chaʼant tu yéetel le video yaan teʼ jaats «dibujoʼob ku péekoʼob» Kanáant bix u meyajtech le redes socialesoʼ.