¡AAJKECH! 2018, núm. 2 | 12 baʼaloʼob jeʼel u yáantik le familiaʼoboʼ
12 baʼaloʼob jeʼel u yáantik le familiaʼoboʼ
Bejlaʼeʼ jach yaʼab familiaʼob ku jatskubaʼob, chéen baʼaleʼ yaan xaneʼ láayliʼ junmúuchʼ yaniloʼobeʼ, ¿baʼax áantkoʼob?
Tu luʼumil Méxicoeʼ le INEGI tu yaʼaleʼ tu añoil 2009, anchaj 84,302 divorcioʼob. Chéen baʼaleʼ tu añoil 2019, tu chukaj 160,107 u pʼéelal, jeʼex k-ilkoʼ óoliʼ u dobleil.
Jujuntúul especialistaʼobeʼ ku yaʼalikoʼobeʼ unaj u castigartaʼal le paalaloʼoboʼ. Chéen baʼaleʼ yaan xaneʼ ku yaʼalikoʼobeʼ unaj u felicitartaʼaloʼob yoʼolal tuláakal baʼax ku beetkoʼob. Le oʼolal le taatatsiloʼoboʼ maʼ tu kaxtik baʼax u beetoʼob.
Le kéen nojochchajak le paalaloʼoboʼ maʼ u yojloʼob bix ken u nuʼukt u kuxtaloʼobiʼ.
Pero u jaajileʼ yaan baʼax jeʼel u yáantik le familiaʼoboʼ.
Le máaxoʼob tsʼokaʼan u beeloʼoboʼ jeʼel u yantal kiʼimak óolal tiʼobeʼ.
Le taatatsiloʼoboʼ jeʼel u páajtal u kaʼansik u paalaloʼob yéetel yaabilajeʼ.
Le táankelem paalaloʼoboʼ jeʼel u kanik u nuʼukt tubeel u kuxtaloʼobeʼ.
¿Baʼax túun jeʼel u yáantajeʼ? Le revistaaʼ yaan u tsolik 12 baʼaloʼob jeʼel u yáantik le familiaʼob utiaʼal ka yanak kiʼimak óolal tiʼoboʼ.
1. Maʼ u tuʼubultech le compromiso ta beetoʼ
Ilawil óoxpʼéel baʼaloʼob jeʼel u yáantkech utiaʼal u kiʼimaktal a wóol yéetel a núupeʼ.
2. Múul meyajneneʼex
¿Ka tsʼáaikaba wa de acuerdo yéetel a núup tiʼ le baʼax ken a beeteʼexoʼ?
3. Respetartabaʼex
¿Baʼaxoʼob jeʼel a beetik utiaʼal a weʼesik tiʼ a núup ka respetarkeʼ?
4. Perdonartabaʼex
¿Baʼax jeʼel u yáantkech utiaʼal maʼ a chʼíikil a wil le baʼax maʼ maʼalob ku beetik a núupoʼ?
5. Múul tsikbalneneʼex
Yaan óoxpʼéel baʼaloʼob jeʼel u yáantkech a natsʼaba yiknal a paalaloʼobeʼ.
6. U kaʼansaʼal le paalaloʼoboʼ
¿Ku taasik wa utsil u tsolnuʼuktik u paalal máak?
7. Kaʼans u beet baʼax maʼalob
¿Bey baʼaxoʼob maʼalobtak unaj kaʼansaʼal tiʼ le paalaloʼoboʼ?
8. Tsʼáa u ejemploil
Taatatsileʼex, mantatsʼ unaj a beetkeʼex le baʼax ka waʼalikeʼexoʼ. Beyoʼ le paalaloʼoboʼ yaan u beetkoʼob baʼax ka waʼalikeʼex.
9. Kʼaj óoltaba
¿Bix jeʼel u defendertik baʼax ku creertik le táankelem paalaloʼoboʼ?
10. Ilawil u confiar u maasil tiʼ teech
Wa ka kanik a beetaba responsable desde ta táankelmileʼ jach yaan u yáantkech le kéen nojoch máakchajkech.
11. Kan meyaj
Wa kanik meyaj desde ta táankelmileʼ leloʼ jach yaan u yáantkech kéen nojochchajkech.
12. Tsʼáa metas ichil a kuxtal
Wa ka cumplirtik a metaseʼ yaan a wuʼuyikaba maʼalob, tsʼoʼoleʼ yaan a maas biskaba yéetel u maasil.
Uláakʼ áantaj utiaʼal le familiaʼoboʼ
Le consejoʼob ku tsʼáaik le Bibliaoʼ ku taasik kiʼimak óolal tiʼ le familiaoʼ.
