Ingabe OFakazi BakaJehova BangamaKristu?
Yebo. SingamaKristu ngenxa yezizathu ezilandelayo:
Sizama ukulandela eduze izimfundiso nokuziphatha kukaJesu Kristu.—1 Petru 2:21.
Sikholelwa ukuthi uJesu uyisihluthulelo sensindiso, ukuthi “alikho elinye igama phansi kwezulu elinikwe ukuba libe phakathi kwabantu okumelwe sisindiswe ngalo.”—IzEnzo 4:12.
Lapho abantu beba oFakazi BakaJehova, babhapathizwa egameni likaJesu.—Mathewu 28:18, 19.
Sithandaza ngegama likaJesu.—Johane 15:16.
Sikholelwa ukuthi uJesu uyiNhloko, noma umiswe waba negunya phezu kwawo wonke umuntu.—1 Korinte 11:3.
Nokho, ngezindlela eziningi, sihlukile kwamanye amaqembu ezinkolo okuthiwa awobuKristu. Ngokwesibonelo, sikholelwa ukuthi iBhayibheli lifundisa ukuthi uJesu uyiNdodana kaNkulunkulu, hhayi ingxenye kaZiqu-zintathu. (Marku 12:29) Asikholelwa ukuthi umphefumulo awufi, ukuthi kukhona eBhayibhelini ukuthi uNkulunkulu ushisa abantu esihogweni phakade, noma ukuthi labo abaholayo ebandleni kufanele babe neziqu ezibaphakamisayo phezu kwabanye.—UmShumayeli 9:5; Hezekeli 18:4; Mathewu 23:8-10.
Okunye Ongase Ukuthande
IMIBUZO EVAME UKUBUZWA
Ingabe OFakazi BakaJehova Bayakholelwa KuJesu?
Hlola isizathu esenza ukuba nokholo kuJesu kubaluleke kumaKristu eqiniso.
IMIBUZO EVAME UKUBUZWA
Kungani OFakazi BakaJehova Bengasisebenzisi Isiphambano Ekukhulekeleni?
Nakuba singamaKristu, asisisebenzisi isiphambano ekukhulekeleni kwethu. Ngani?
IMIBUZO YEBHAYIBHELI IYAPHENDULWA
Ingabe UJesu UnguNkulunkulu UMninimandla Onke?
Wathini uJesu ngesikhundla sakhe uma eqhathaniswa noNkulunkulu?
MAYELANA NATHI
Kungani Kufanele Utadishe IBhayibheli?
IBhayibheli linikeza izigidi zabantu kuwo wonke umhlaba izimpendulo zemibuzo ebalulekile ekuphileni. Ingabe ungathanda ukuba omunye wabo?
MAYELANA NATHI
Cela Isifundo SeBhayibheli
Thola izifundo zeBhayibheli ngesikhathi nasendaweni evumelana nawe.