VEE ÔYO! No. 2 2018 | Mam 12 ma bo na menda me bôt me bo abeñ
Mam 12 ma bo na menda me bôt me bo abeñ
Bia wô’ô abui mam da bo na menda me bôte me tyamé. Ve mame mevé ma bo na mevok me bo abeñ?
E zañe mbu 1990 a mbu 2015, tañe ntyamane meluk é nga kô’ôlane biyoñe bibaé États Unis be bôte be lôteya mimbu 50, a kô’ôlane biyoñe bilale be ba be lôteya mimbu 65.
Bebiaé be ne fe’e ne vema: Beyeme mam béziñe ba jô na be bo mban ya se’e bone bap, nté ba bevok ba simesane na ba yiane liti be édo’o nye’ane.
Bisoé bia bo benya bôtô teke bi ñyemane wo sili asu na ényiñe jap é bo abeñ.
Nya ajôô ke a ne na . . .
Alu’u e ne bo ébotan a élate ya nnôm éto.
Bebiaé be ne yé’é na be ye’ele bone bap a nye’an.
Bisoé bi ne bi ñyemane wo sili asu na bi bo benya bôtô.
Aval avé? Kalate mefoé nyi, Vee Oyo! a ye liti mam 12 ma bo na menda me bôt me bo abeñ.
1: Ntyi’ane ya ba’ale aluk
Melebe mela me ne volô beluk na be bo te tyam aluk.
2: E saé a nleme wua
Ye môte mia nye mi ne nlu’an mi ne ane bôte ba kabane nda sa ke ane bôte be ne nlu’an?
3: Ésemen
Jeñe na ô yeme bifia a mimboane mi ne mfi a mi mi ne volô môte mia nye mi ne nlu’ane na a wô’ôtane na wo semé nye.
4: Njaman
Jé é ne volô wo na ô biasé bikobe nyo nnôm nge nyo ngal a nga bo melu mvus?
5: Minlañ
Mam mela me ne volô mia na mi tu’a beta subu bone benan bebé.
6: Melep
Ye melebe ma bo na mongô a yen émien ane zezé jôm?
7: Mbamba mefulu
Abo dulu avé wo yiane ye’ele bone bôé?
8: Éve’ela
Nge wo yi na mejô môé me nambe bone bôé, me ayiane lu’an a mimboane miôé.
9: Avale môt ô né
Aval avé bisoé bi ne kamane mbunane wop?
10: Môte be ne tabe nye ndi
E jeñe na bebiaé bôé be tabe ndi a wo a ne beta jam a volô na ô bo étôtôlô.
11: E saé a nlem ôse
E yé’é bo bisaé bi ne ayaé éyoñ ô ne ésoé a ne volô wo na mam mese wo ye bo ényiñe jôé me wulu’u nkone nkon.
12: Minsôñan
E tôé minsôñan a ne volô wo na ô tabe ndi a womien, na ô yemete amvôé dôé, a na ô tu’a beta bi avak.
Melebe mefe a lat a nda bôt
Melebe ya Bible me ne volô wo na ô bi mbamba aluk a abeñ ényiñ e nda bôt.
