NIADTONG 2013, nakadungog ug makapalipay nga balita ang among gamay nga kongregasyon sa Tugala Oyo—tukoran mig bag-ong Kingdom Hall! Giaprobahan sa lokal nga awtoridad ang proyekto ug 60 ka silingan ang mipirma sa aprobal. Usa sa mga silingan miingon: “Kon gusto pa gani mog 200 ka pirma, makuha nâ ninyo.”

Duha ka eksperyensiyadong mga boluntaryo sa pagpanukod ug Kingdom Hall ang miabot sa pagdumala sa konstruksiyon, nga nahuman pagka-Nobyembre 2014. Wala gyod mi magdahom nga matukoran mig nindot nga Kingdom Hall. Gipanalanginan mi ni Jehova, sobra pa sa among gidahom!