Shin, Allah Yana Jin Addu’arka?
Kana ganin Allah yana jin ka a duk lokacin da ka yi addu’a kuwa?
MENE NE LITTAFI MAI TSARKI YA CE?
Allah yana ji. Littafi Mai Tsarki ya tabbatar mana cewa “Yahweh yana kurkusa ga masu kira gare shi, ga waɗanda suke kira gare shi cikin gaskiya. . . . Yakan kuma ji kukansu.”—Zabura 145:18, 19.
Allah yana so ka yi addu’a. Littafi Mai Tsarki ya gaya mana cewa: “A cikin kome ku faɗa wa Allah bukatunku ta wurin addu’a da roƙo, tare da godiya.”—Filibiyawa 4:6.
Allah ya damu da kai sosai. Allah yana sane da matsalolin da suke damun ka kuma yana so ya taimake ka. Littafi Mai Tsarki ya ce: ‘Ka danƙa masa dukan damuwarka,’ domin ‘shi ne mai lura da kai.’—1 Bitrus 5:7.