Pwovèb 21:1-31
21 Kè yon wa tankou sous dlo nan men Jewova+.Li dirije l kote l vle+.
2 Tout sa moun ap fè parèt bon nan je yo+,Men, se Jewova ki egzamine sa k nan kè yo*+.
3 Lè yon moun fè sa ki dwat ak sa ki jis,Sa fè Jewova plis plezi pase yon sakrifis+.
4 Je mechan yo ki gen ògèy ak kè yo ki awoganSe lanp k ap klere chemen yo, e bagay sa yo se peche+.
5 Moun ki konn travay byen an planifye sa l ap fè, e konsa bagay yo byen mache pou li*+,Men, tout moun ki twò prese ap pòv kanmenm+.
6 Bagay ki gen anpil valè moun vin genyen nan bay mantiTankou yon bwouya k ap disparèt, e se yon pyèj k ap mennen nan lanmò*+.
7 Vyolans moun ki mechan yo ap fè ap elimine yo+,Paske yo refize fè sa ki dwat.
8 Wout moun ki koupab la kwochi,Men, moun ki inosan an aji yon fason ki dwat+.
9 Pito yon moun rete nan kwen yon do kayPase pou l ret nan menm kay ak yon madanm ki toujou sou kont*+.
10 Se sa ki mal mechan an* anvi+,Li pa gen okenn pitye pou pwochen l+.
11 Lè yo pini yon moun k ap pase moun nan rizib, moun ki pa gen eksperyans lan vin gen plis sajès.Lè yo ede moun ki gen sajès la gen bon konprann, li vin gen konesans*+.
12 Bondye ki gen jistis lakay li ap gade kay mechan yo,Li vide mechan yo atè pou yo mouri+.
13 Nenpòt moun ki bouche zòrèy li pou l pa tande rèl malere yo,Li menm tou, li gen pou l rele, men yo pap reponn li+.
14 Yon kado moun bay an sekrè bese kòlè+,E yon kado moun bay anba anba* kalme gwo kòlè.
15 Moun ki dwat la kontan aji yon fason ki jis+,Men, pou moun k ap pratike sa ki mal la, se yon bagay ki rèd k ap tann yo.
16 Moun ki kite chemen ki fè moun gen bon konprann nanPral repoze ansanm ak moun ki mouri yo+.
17 Moun ki renmen pase bon moman* ap vin pòv+.Moun ki renmen diven ak luil pap vin rich.
18 Mechan an se yon ranson pou moun ki dwat la,E y ap pran moun ki trèt yo nan plas moun ki dwat yo+.
19 Pito yon moun ret nan yon dezèPase pou l rete ak yon madanm ki toujou sou kont* e ki fache fasil+.
20 Se lakay moun ki gen sajès yo jwenn trezò ki gen anpil valè e se la yo jwenn luil+.Men, moun ki sòt la ap gaspiye* sa l genyen+.
21 Moun k ap chèche fè sa ki dwat e k ap chèche lanmou ki fidèlAp vin dwat, e y ap jwenn lavi ak glwa+.
22 Yon moun ki gen sajès kapab travèse miray* vil moun ki vanyanPou l kraze fò moun yo met konfyans ladan l lan+.
23 Moun ki veye bouch li ak lang liMet kò l* lwen pwoblèm+.
24 Yon moun ki grandizè ki pran dwa ki pa pou li e ki awoganSe yon moun ki pa reflechi e ki pa ret nan wòl li+.
25 Sa moun ki parese a anvi anpil la se sa k ap touye l,Paske li refize travay ak men l+.
26 Tout lajounen li anvi tout kalite bagay,Men, moun ki dwat la bay e li pa sere anyen+.
27 Sakrifis mechan yo bay degoutans+.Sa pi rèd toujou lè yo bay li ak move entansyon*.
28 Yon temwen k ap bay manti ap mouri+.Men, moun ki byen koute a ap bay bon temwayaj*.
29 Mechan an fè figi l byen di+,Men, se chemen moun ki dwat la ki pa gen danje*+.
30 Pa gen okenn sajès, ni bon jijman, ni konsèy lakay moun ki kont Jewova+.
31 Yo pare cheval pou jou lagè+,Men, se Jewova k ap fè yon moun chape+.
Nòt anba paj
^ Oswa: “ki egzamine rezon ki fè yon moun aji”.
^ Oswa: “e sa fè l jwenn avantaj”.
^ Se kapab tou: “yon bwouya k ap disparèt pou moun k ap chèche lanmò yo”.
^ Oswa: “toujou ap tingting li”.
^ Oswa: “Se sa ki mal nanm moun ki mechan an”.
^ Oswa: “li konn sa pou l fè”.
^ Lit.: “yon kado anba anba nan lestomak”.
^ Oswa: “renmen plezi”.
^ Oswa: “ki toujou ap tingting li”.
^ Lit.: “vale”.
^ Oswa: “kapab pot laviktwa sou”.
^ Oswa: “nanm li”.
^ Oswa: “ak konduit ki fè moun wont”.
^ Lit.: “ap pale nètale”.
^ Oswa: “se moun ki dwat la ki fè chemen l pa gen danje”.