Inki mvutu nge ta pesa?

• Ee

• Ve

• Mbala ya nkaka

Mambu yina Biblia ke tubaka

Na nsi ya luyalu ya Yezu Kristu, “ngemba ta kuma mingi tii kuna ngonda ta vanda diaka ve,” disongidila mvula na mvula.—Nkunga 72:7.

Inki mambu ya nkaka beto lenda longuka na Biblia?

• Nzambi ta katula bantu ya mbi na ntoto, ebuna bantu ya mbote “ta wa kiese mingi kibeni na ngemba ya mingi.”—Nkunga 37:10, 11.

• Nzambi ta sukisa bitumba yonso.—Nkunga 46:8, 9.

Bantu ya nkaka ke kwikilaka nde . . . beto lenda zwa ve ngemba ya kieleka ya mabanza sambu nsi-ntoto me fuluka ti bampasi mpi mambu ya mbi. Inki kele dibanza na nge?

Mambu yina Biblia ke tubaka

Ata bubu yai, bantu yina kele pene-pene ya Nzambi lenda vanda ti “ngemba ya Nzambi yina me luta mayele yonso ya kubakisa mambu.”—Bafilipi 4:6, 7.

Inki mambu ya nkaka beto lenda longuka na Biblia?

• Nzambi ke sila nde yandi ta katula bampasi ti mambu ya mbi, ebuna yandi ta “sala bima yonso ya mpa.”—Kusonga 21:4, 5.

• Beto lenda zwa ngemba ya kati kana beto ke lungisa ‘nzala na beto ya kimpeve.’—Matayo 5:3.