BENO LANDA KUKENGILA!
Batoko Me Kuma Kuyangisa Mingi na Mabanza—Inki Biblia Ke Tuba?
Na Kintete 13 février 2023, Santre mosi ya Ke Talaka Makambu ya Bamaladi mpi Mutindu ya Kubaka yo Ve (Centre américain d’épidémiologie [CDC]) basisaka rapore mosi ya ke tubila sante ya mabanza (santé mentale) ya batoko na États-Unis. Rapore yango monisaka nde 40% ya bana ya nzo-nkanda ya segondere ke vandaka na mawa mpi kukonda kivuvu ya ngolo.
Kathleen Ethier ya kele ntwadisi ya nkento ya departema ya Santre yango yina mpi ya kele ti mukumba ya kutadila batoko mpi sante na ekole ke tuba nde: “Ata bamvula kiteso ya kumi me luta banda beto ke mona mutindu mabanza ya batoko ke beba, beto me monaka ntete ve kubeba ya mabanza mutindu yai na batoko mpi bangindu ya kudifwa yina bo me kuma ti yo mpi bikalulu ya mutindu yai.”
Rapore yango monisaka nde:
Bo me pusaka toko mosi to kuluta na kati ya batoko kumi ya bankento (14%) na kuvukisa nitu na kingolo-ngolo. Doktere Ethier tubaka nde: “Yo ke pesa boma. Sambu na konso kimvuka ya batoko kumi ya bankento ya beno me zaba, kana fioti, toko mosi na kati na bo to mbala ya nkaka mingi, bo me vukisaka ti yandi nitu na kingolo-ngolo.”
Kiteso ya toko mosi na kati ya batoko tatu ya bankento (30%) sosaka kibeni kudifwa.
Kiteso ya batoko tatu na kati ya batoko tanu ya bankento (57%) vandaka na mawa to kondaka kivuvu na ntangu mosi ya nda.
Bantalu yai ke pesa mpasi mingi na ntima. Nsungi yina muntu kele toko fwete vanda ntangu mosi ya kiese. Inki lenda sadisa batoko na kukanga ntima na mambu ya ke yangisa bo ya bo ke kutana ti yo bubu yai? Inki Biblia ke tuba?
Biblia ke pesaka batoko lusadisu ya mfunu
Biblia ke monisaka na masonga yonso nde bubu yai, beto ke zinga na ntangu yina bantu me fuluka ti basusi. Biblia ke bingaka ntangu yango yai nde “bantangu ya mpasi mpi ya nku.” (2 Timoteo 3:1-5) Ata mpidina, Biblia ke pesaka bandongisila yina ke simbaka ntangu yonso sambu na kusadisa bamilio ya batoko na ntoto ya mvimba na kununga bampasi ya bo ke kutana ti yo.
Lusadisu sambu na batoko yina kele ti bangindu ya kudifwa
Lusadisu sambu na batoko yina ke kudiyangisa, kele na mawa to ti bangindu ya mbi
Mutindu ya Kubika Kuvanda Mawa-Mawa mpi Kukuma na Kiese (bifwanisu ya ke nikana)
Lusadisu sambu na batoko yina bo ke niokula na nzo-nkanda to Internet
Nunga Muntu ya Ke Nwanisa Nge Kukonda Kunwana (bifwanisu ya ke nikana)
Lusadisu sambu na batoko yina bo ke pusa na kuvukisa nitu na kingolo-ngolo
Les agressions sexuelles : que faut-il savoir ? (1re partie) : Prendre des précautions
Les agressions sexuelles : que faut-il savoir ? (2e partie) : Guérir
Biblia ke pesaka bandongisila ya mfunu sambu na bibuti
Biblia ke pesaka mpi bandongisila ya mfunu sambu na kusadisa bibuti na mpila nde bo sadisa bana na bo na kukanga ntima na bampasi ya luzingu. Tadila masolo ya ke landa ya me simbama na Biblia.
Nge Lenda Sepela Mpi Ti
NZOZULU YA NKENGI
Bantu Mingi Ke Belaka Maladi ya Kuniokwama na Mabanza na Ntoto ya Mvimba
Maladi ya kuniokwama na mabanza lenda baka bantu ya bamvula mpi ya mitindu yonso. Tala mutindu bandongisila ya kele na Biblia lenda sadisa nge na kudiwa mbote.
MALONGI YA MFUNU YA BIBLIA
Sambu na Nki Nzambi Me Pesaka Nzila na Bampasi?
Bantu mingi ke kudiyulaka sambu na nki ntoto me fulukaka ti bampasi mpi mambu ya nku. Biblia ke pesa mvutu ya mbote yina ke pesa kivuvu.
NTENDULA YA BAVERSE YA BIBLIA
Ntendula ya Nkunga 23:4—“Ata Mono Kwenda na Nzila ya Mpimpa Mingi Bonso Lufwa”
Ata na bantangu ya mpasi mingi na luzingu na bo, inki mutindu bansadi ya Nzambi ke monaka mutindu yandi ke taninaka bo?
BAMVUTU NA BANGIUFULA YA BIBLIA
Keti Nge Lenda Zwa na Biblia Bangindu Yina Lenda Pesa Nge Kikesa?
Baverse ya Biblia me pesaka kikesa na bantu mingi yina ke kutana ti mambu ya mpasi mpi ya ke yangisa bo.
MAMBU YA ME TALA BETO
Lomba nde Mbangi Mosi ya Yehowa Kukwisa Kutala Nge
Tadila ngiufula mosi ya Biblia, to sosa kuzaba mambu mingi na yina me tala Bambangi ya Yehowa.
