10-ساباق
ەحوبا كۋاگەرلەرىنىڭ جيىندارى سىزگە قانداي پايداسىن تيگىزەدى؟
ەحوبا كۋاگەرلەرىنىڭ جيىنىنا بارىپ كورگەنسىز بە؟ مۇمكىن، بارۋعا قورقاقتايتىن شىعارسىز. سىزگە: «بۇل جيىنداردا نە بولادى؟ ولار نەگە ماڭىزدى؟ ول جاققا نە ٷشىن بارۋىم كەرەك؟»— دەگەن وي كەلەر. بۇل ساباقتا وسىنداي جيىندار قۇدايعا جاقىنداۋىڭىزعا جانە جەكە سىزگە قالاي كومەكتەسەتىنىن بىلەسىز.
1. بىرگە جينالۋىمىزدىڭ ەڭ باستى سەبەبى قانداي؟
كيەلى كىتاپتىڭ ٴبىر جازۋشىسى وزگەلەرمەن باس قوسۋدىڭ ەڭ ماڭىزدى سەبەبىن ايتىپ، بىلاي دەگەن: «ۇلكەن جيىنداردا ەحوباعا ماداق ايتامىن!» (ٴزابۇر 26:12). بۇگىندە دە ەحوبا كۋاگەرلەرى وسىلاي قۋانىشپەن باس قوسادى. دۇنيەجۇزى بويىنشا ولار اپتا سايىن قۇدايدى دارىپتەۋ ٷشىن، وعان ماداق اندەرىن ايتىپ، دۇعا ەتۋ ٷشىن بىرگە جينالادى. بۇدان بولەك، جىلىنا بىرنەشە رەت ولار قۇدايعا عيبادات ەتۋ ٷشىن ۇلكەن جيىندارعا بارادى.
2. جيىندارىمىزدان نە بىلەسىز؟
ٴبىز جيىنداردا قۇداي سوزىنەن ٴتالىم الامىز. ول جەردە قۇداي ٴسوزى «انىق ەتىپ ٴتۇسىندىرىلىپ، ٴمانى اشىپ بەرىلەدى» (نەحەميا 8:8 وقىڭىز). وسىنداي كەزدەسۋلەردە ەحوبا تۋرالى ٵرى ونىڭ كوركەم قاسيەتتەرى تۋرالى كوبىرەك بىلەسىز. ول ٴسىزدى قاتتى سۇيەتىنىن بىلگەن سايىن، وعان جاقىن بولا تۇسەسىز. سونداي-اق ول سىزگە ماعىنالى ٶمىر سۇرۋگە قالاي كومەكتەسەتىنىن بىلەسىز (يشايا 48:17، 18).
3. باسقالارمەن ارالاسقانىڭىز سىزگە قانداي پايداسىن تيگىزەدى؟
ەحوبانىڭ سوزىندە: «سۇيىسپەنشىلىككە جانە يگى ىستەرگە تالپىندىرۋ ٷشىن، ٴبىر-بىرىمىزگە كوڭىل بولەيىك،.. جينالىستارعا بارماي قالۋدى ادەتكە اينالدىرمايىق»،— دەگەن نۇسقاۋ بار (ەۆرەيلەرگە 10:24، 25). جيىندارىمىزدا ٴبىر-ٴبىرىن شىن جاقسى كورەتىن جانە ٴسىز سياقتى قۇداي جايلى كوپ بىلگىسى كەلەتىن ادامدارمەن تانىساسىز. ولاردىڭ كيەلى كىتاپتان جىگەرلى ويلار ايتقانىن ەستيسىز (ريمدىكتەرگە 1:11، 12 وقىڭىز). بۇعان قوسا، قيىندىقتارىنا قاراماستان جۇزدەرى جايناعان وتباسىلارمەن، جاستارمەن اڭگىمەلەسە الاسىز. بۇل — ەحوبا جۇيەلى تۇردە باس قوسقانىمىزدى نە ٷشىن قالايتىنىنىڭ كەيبىر سەبەبى عانا.
تەرەڭىرەك ٷڭىلىڭىز
ەحوبا كۋاگەرلەرىنىڭ كەزدەسۋلەرى قالاي وتەتىنىن جانە ولارعا بارۋ ٷشىن كۇش سالساڭىز، نەگە وكىنبەيتىنىڭىزدى بىلەيىك.
4. ەحوبا كۋاگەرلەرىنىڭ جيىندارى
ٴبىرىنشى عاسىردا قۇدايدىڭ قىزمەتشىلەرى عيبادات ەتۋ ٷشىن ۇدايى باس قوسىپ تۇرعان (ريمدىكتەرگە 16:3—5). قولوستىقتارعا 3:16 وقىپ، كەلەسى سۇراقتى تالقىلاڭىزدار:
-
ەرتەدەگى قىزمەتشىلەر ەحوباعا قالاي عيبادات ەتكەن؟
قازىرگى تاڭدا دا ەحوبا كۋاگەرلەرى عيبادات ورىندارىندا جۇيەلى تۇردە جينالىپ تۇرادى. ولاردىڭ كەزدەسۋلەرى قالاي وتەتىنىن ٴبىلۋ ٷشىن بەينەروليكتى كورىڭىزدەر. سوسىن جوعارىداعى قاۋىم كەزدەسۋىنىڭ سۋرەتىنە قاراپ، كەلەسى سۇراقتاردى تالقىلاڭىزدار:
-
پاتشالىق سارايىندا وتەتىن كەزدەسۋلەر مەن قولوستىقتارعا 32:16 نىڭ قانداي ۇقساستىقتارىن بايقادىڭىز؟
-
بەينەروليكتە نە سۋرەتتە كەزدەسۋلەرىمىزگە قاتىستى سىزگە ۇناعان تاعى ٴبىر نارسە بار ما؟
قورىنتتىقتارعا 2-حات 9:7 وقىپ، مىنا سۇراقتى تالقىلاڭىزدار:
-
ەحوبا كۋاگەرلەرىنىڭ جيىندارىندا نەگە اقشا سۇرامايدى؟
تالىمگەرىڭىزبەن بىرگە وسى اپتاداعى كەزدەسۋلەردىڭ بىرىندە نە تالقىلاناتىنىن قاراڭىزدار.
-
كەزدەسۋدىڭ قاي بولىگى ٴسىز ٷشىن قىزىقتى نە پايدالى بولادى دەپ ويلايسىز؟
بىلە ٴجۇرىڭىز
org.jw تور بەكەتىنەن ٴسىز دۇنيەجۇزى بويىنشا كەزدەسۋلەر قاشان جانە قاي جەردە وتەتىنىن بىلە الاسىز.
-
ا) كەزدەسۋلەرىمىزدە باياندامالار وقىلىپ، كورىنىستەر مەن ۆيدەولار كورسەتىلەدى. انمەن جانە دۇعامەن باستالىپ، اياقتالادى
-
ٵ) باعدارلامانىڭ كەيبىر بولىگىندە تىڭداۋشىلار تۇسىنىكتەمە بەرەدى
-
ب) ەسىك بارىنە اشىق: وتباسىلارعا دا، جاستارعا دا، قارتتار مەن بالالارعا دا
-
ۆ) كەزدەسۋلەرىمىز تەگىن. ەحوبا كۋاگەرلەرى ەشقانداي اقشا جينامايدى
5. جيىندارعا بارۋ ٷشىن كۇش سالۋ قاجەت
يسانىڭ وتباسىنىڭ مىسالىن قاراستىرايىق. جىل سايىن بولاتىن جيىنعا قاتىسۋ ٷشىن ولارعا نازارەت قالاسىنان يەرۋساليم قالاسىنا دەيىن تاۋلى وڭىرمەن 100 شاقىرىمداي جول ٴجۇرۋ كەرەك بولاتىن. لۇقا 2:39—42 وقىپ، كەلەسى سۇراقتاردى تالقىلاڭىزدار:
-
سىزدىڭشە، يەرۋساليمگە جاسالعان بۇل ساپارعا كۇش سالۋ كەرەك بولدى ما؟
-
سىزگە كەزدەسۋلەرگە بارۋعا نە كەدەرگى بولۋى مۇمكىن جانە ونى قالاي جەڭە الاسىز؟
-
بۇل كۇش سالۋىڭىزعا تۇرادى دەپ ويلايسىز با جانە نەگە؟
كيەلى كىتاپ ەحوباعا عيبادات ەتۋ ٷشىن بىرگە باس قوسۋدىڭ وتە ماڭىزدى ەكەنىن ايتادى. ەۆرەيلەرگە 10:24، 25 وقىپ، كەلەسى سۇراقتى تالقىلاڭىزدار:
-
قاۋىم جينالىسىنا نە ٷشىن جۇيەلى تۇردە بارعانىمىز دۇرىس؟
كەيبىرەۋلەردىڭ ايتاتىنى: «ٴبىر جەرگە بارۋدىڭ قاجەتى قانشا؟ كيەلى كىتاپتى ۇيدە-اق زەرتتەۋگە بولادى عوي».
-
ەحوبا نە قالايتىنىن كيەلى كىتاپتاعى قاي تارماقتان يا مىسالدان كورۋگە بولادى؟
تۇيىندەمە
جيىندارعا بارعانىڭىز ەحوبا تۋرالى كوبىرەك بىلۋگە، ونىمەن دوستىعىڭىزدى نىعايتۋعا جانە وعان وزگەلەرمەن بىرگە عيبادات ەتۋگە سەپ بولادى.
قايتالاۋ
-
نەگە ەحوبا ٴبىزدى بىرگە باس قوسۋعا شاقىرادى؟
-
ەحوبا كۋاگەرلەرىنىڭ كەزدەسۋلەرىندە ٴسىز نە بىلەسىز؟
-
بۇل كەزدەسۋلەردىڭ سىزگە تاعى قانداي پايداسى تيەدى دەپ ويلايسىز؟
قوسىمشا ىزدەنىڭىز
جيىنعا بارۋعا قورقاسىز با؟ وسىنداي كۇي كەشكەن ٴبىر كىسى قاۋىم كەزدەسۋلەرىن قالاي جاقسى كورىپ كەتكەنىن ٴبىلىڭىز.
«ٴبىزدى قالاي قارسى العاندارىن ەشقاشان ۇمىتپاسپىز!» (16:4)
ٴبىر جاس جىگىتكە نەگە قاۋىم ۇناعانىن جانە وندا بارىپ تۇرۋ ٷشىن نە ىستەگەنىن ٴبىلىڭىز.
كەزدەسۋلەر تۋرالى وزگەلەر نە دەيتىنىن ٴبىلىڭىز.
بۇزاقىلار توبىنىڭ مۇشەسى بولعان ٴبىر ەر ادام ەحوبا كۋاگەرلەرىنىڭ كەزدەسۋىنە بارعاننان كەيىن ٶمىرىن قالاي وزگەرتكەنى تۋرالى وقىپ كورىڭىز.
«مەن ۇنەمى وزىممەن تاپانشا الىپ جۇرەتىنمىن» («كۇزەت مۇناراسى»، 1-شىلدە، 2014)
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
