60-ساباق
رۋحاني العا باسا بەرىڭىز
مىنەكي، ٴسىز كيەلى كىتاپ ساباقتارىنا ارنالعان كۋرستى تامامداپ قالدىڭىز. وسى كۋرستىڭ بارىسىندا ەحوبا جايلى وتە كوپ نارسە ٴبىلدىڭىز. سودان ەحوباعا دەگەن سۇيىسپەنشىلىگىڭىز ويانىپ، بارعان سايىن كۇشەيە تۇسكەن شىعار. ٴسۇيتىپ، وعان ٶمىرىڭىزدى باعىشتاپ، شومىلدىرۋ راسىمىنەن وتكەن دە بولارسىز. يا بولماسا وسى قادامداردى جاساۋدى ويلاپ جۇرگەن شىعارسىز. ٴبىراق شومىلدىرۋ راسىمىنەن وتكەننەن كەيىن دە ەحوبامەن دوستىعىڭىزدى نىعايتا بەرۋىڭىز كەرەك. ەحوباعا ماڭگىلىك بويى جاقىنداي بەرۋگە بولادى.
1. نەگە ەحوبامەن دوستىعىڭىزدى نىعايتا بەرۋىڭىز كەرەك؟
ەحوبامەن دوستىعىمىز بەكەم بولىپ قالۋ ٷشىن بىزگە ايانباي كۇش سالۋ كەرەك. ايتپەسە «ٴتىرى قۇدايدان الىستاپ» كەتەمىز (ەۆرەيلەرگە 3:12). ارينە، ٴبىز ەحوباعا ادال قىزمەت ەتكىمىز كەلەدى. ول ٷشىن نە ىستەۋىمىز قاجەت؟ ۋاعىز ىسىنە بەلسەنە اتسالىسۋىمىز كەرەك جانە قۇدايعا كوبىرەك قىزمەت ەتۋدىڭ باسقا دا جولدارىن ىزدەۋىمىز كەرەك (فىلىپىلىكتەرگە 3:16 وقىڭىز). سەبەبى ەحوباعا قىزمەت ەتۋدەن ارتىق باقىت جوق! (ٴزابۇر 84:10).
2. ٴبىز تاعى نە ىستەۋىمىز قاجەت؟
بۇل كۋرس اياقتالعانمەن، ٴماسىحشى رەتىندە ٶمىرىڭىز جالعاسا بەرەدى. كيەلى كىتاپتا بىزگە «جاڭا بولمىسقا يە بولىڭدار» دەگەن كەڭەس بەرىلگەن (ەفەستىكتەرگە 4:23، 24). ٴسىز قۇداي ٴسوزىن زەرتتەگەندە جانە قاۋىم كەزدەسۋلەرىنە بارعاندا، ەحوبا مەن ونىڭ قاسيەتتەرى جايلى كوبىرەك بىلە تۇسەسىز. بىلگەن سايىن «ەحوباعا قالاي ەلىكتەسەم بولادى؟» دەپ ويلانىپ كورىڭىز. وزگەرۋىڭىز كەرەك بولسا، وزگەرىڭىز، ٴسۇيتىپ، ەحوبانى قۋانتىڭىز.
3. رۋحاني العا باسا بەرۋگە ەحوبا سىزگە قالاي كومەكتەسەدى؟
كيەلى جازبالاردا: «قۇدايدىڭ ٶزى تالىمدەرىڭدى اقىرىنا دەيىن جەتكىزىپ، سەندەردى نىعايتىپ، كۇشەيتەدى، نەگىزدەرىڭدى بەرىك ەتەدى»،— دەپ جازىلعان (پەتىردىڭ 1-حاتى 5:10). ٴبارىمىز دە بۇرىس نارسەنى ىستەۋگە ەلىگىپ جاتامىز. سونداي كەزدە بەرىلىپ قالماۋعا بىزگە ەحوبا كومەكتەسەدى (ٴزابۇر 139:23، 24). ول ادال قىزمەت ەتۋىمىز ٷشىن ىقىلاس تا، كۇش تە بەرەمىن دەپ ۋادە ەتەدى (فىلىپىلىكتەرگە 2:13 وقىڭىز).
تەرەڭىرەك ٷڭىلىڭىز
رۋحاني العا باسۋ ٷشىن نە ىستەۋ كەرەكتىگىن جانە ەحوبا ٴسىزدى قالاي جارىلقايتىنىن بىلەيىك.
4. ەحوبامەن ارالاسىپ، سىرلاس دوس بولىڭىز
دۇعا مەن كيەلى كىتاپتى زەرتتەۋدىڭ ارقاسىندا ٴسىز ەحوبامەن دوس بولدىڭىز. بۇل جاقسى ادەتتەر سىزگە ەحوباعا ودان سايىن جاقىنداۋعا قالاي كومەكتەسەدى؟
ٴزابۇر 62:8 وقىپ، مىنا سۇراقتى تالقىلاڭىزدار:
-
ەحوبامەن دوستىعىڭىزدى بەكەمدەۋ ٷشىن دۇعاڭىزدى قالاي جاقسارتا الاسىز؟
ٴزابۇر 1:2 جانە سىلتەمەنى وقىپ، تومەندەگى سۇراقتى تالقىلاڭىزدار:
-
ەحوبامەن دوستىعىڭىزدى بەكەمدەۋ ٷشىن كيەلى كىتاپ وقۋىڭىزدى قالاي جاقسارتساڭىز بولادى؟
جەكە زەرتتەۋىڭىزدى قالاي مازمۇندى ٵرى ماعىنالى ەتۋگە بولادى؟ وسىعان قاتىستى بەينەروليكتى كورىڭىزدەر، سوسىن تومەندەگى سۇراقتاردى تالقىلاڭىزدار:
-
قاي كەڭەستى قولدانىپ كورگىڭىز كەلەر ەدى؟
-
قانداي تاقىرىپتاردى زەرتتەگىڭىز كەلەدى؟
5. رۋحاني ماقساتتار قويىڭىز
رۋحاني ماقساتتارىڭىز بولسا، رۋحاني العا باساسىز. بەينەروليكتى كورىپ، مىنا سۇراقتى تالقىلاڭىزدار:
-
كامەرون رۋحاني ماقساتتار قويعانىنىڭ قانداي پايداسىن كوردى؟
ۋاعىزداۋ ٷشىن كوبىمىز باسقا ەلگە كوشە المايتىن شىعارمىز، ٴبىراق ٴبارىمىز ٷشىن قولجەتىمدى ماقساتتار بار. ناقىل سوزدەر 21:5 وقىڭىزدار، سوسىن قانداي ماقساتتار قويا الاتىنىڭىزدى قاراستىرىڭىزدار:
-
قاۋىمدا؛
-
ۋاعىزدا.
وسى تارماقتاعى پرينسيپ ماقساتتارىڭىزعا جەتۋگە قالاي كومەكتەسە الادى؟
وي سالار ماقساتتار
-
دۇعانى جاقسارتۋ.
-
كيەلى كىتاپتى تۇگەل وقىپ شىعۋ.
-
قاۋىمداعى بارلىق باۋىرلاسپەن تانىسۋ.
-
بىرەۋمەن كيەلى كىتاپ ساباعىن وتكىزۋ.
-
قوسالقى يا تۇراقتى ٸزاشار بولۋ.
-
ەر باۋىرلاس بولساڭىز، قىزمەت كومەكشىسى بولۋ.
6. ماڭگى باقي ٶمىردىڭ راقاتىن كورىڭىز!
ٴزابۇر 22:26 وقىپ، مىنا سۇراقتى تالقىلاڭىزدار:
-
ٶمىردىڭ راقاتىن ٴقازىر جانە ماڭگى باقي كورۋ ٷشىن نە ىستەي الاسىز؟
تۇيىندەمە
ەحوبامەن دوستىعىڭىزدى نىعايتا بەرىڭىز جانە رۋحاني ماقساتتار قويىڭىز. سوندا ٶمىردىڭ راقاتىن ماڭگى باقي كورەسىز!
قايتالاۋ
-
ەحوبا ادالدىقپەن قىزمەت ەتۋىڭىزگە كومەكتەسەتىنىنە نەگە سەنسەڭىز بولادى؟
-
ەحوبامەن دوستىعىڭىزدى قالاي بەكەمدەي الاسىز؟
-
رۋحاني ماقساتتار العا باسۋىڭىزعا قالاي كومەكتەسەدى؟
قوسىمشا ىزدەنىڭىز
ەحوبا ٷشىن قايسىسى باعالىراق: ٴبىر رەت ەرلىك جاساپ ادال بولعانىمىز با، الدە كۇن سايىن ادالدىق تانىتقانىمىز با؟
ەحوبانىڭ ادال قىزمەتشىلەرى دە كەيدە جابىرقاپ جاتادى. سوندايدا قۋانىشتى قالاي جانداندىرۋعا بولادى؟
«زەرتتەۋ مەن وي جۇگىرتۋ ارقىلى قۋانىشىڭدى قايتا جانداندىر» (25:5)
رۋحاني ماقساتتار قويۋ ٷشىن نە ىستەۋگە بولاتىنىن وقىپ كورىڭىز.
«ماقساتتارىڭىز قۇدايدى داڭقتاسىن» («كۇزەت مۇناراسى» (حانزۇشا)، 15-شىلدە، 2004)
نەلىكتەن ٴماسىحشى رەتىندە تولىسۋ كەرەك جانە بۇعان قالاي جەتۋگە بولادى؟
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
