54-ساباق
«ادال دا اقىلدى قۇل»
يسا — ماسىحشىلەر قاۋىمىنىڭ باسى (ەفەستىكتەرگە 5:23). كوكتە وتىرعان يسا بۇگىندە جەردەگى ٸزباسارلارىنا «ادال دا اقىلدى قۇل» ارقىلى جەتەكشىلىك ەتەدى (ماتاي 24:45 وقىڭىز). بۇل قۇلدى يسا ٴماسىحتىڭ ٶزى تاعايىنداعان جانە بەلگىلى ٴبىر شەشىمدەردى قابىلداۋعا بيلىك بەرگەن. بيلىگى بولسا دا، ول ٴماسىحتىڭ قۇلى بولىپ قالا بەرەدى، ٵرى ونىڭ باۋىرلارىنا قىزمەت كورسەتەدى. سونىمەن، «ادال دا اقىلدى قۇل» دەگەن كىم؟ قالاي ول ٴبىزدىڭ قامىمىزدى ويلايدى؟
1. «ادال دا اقىلدى قۇل» دەگەن كىم؟
ەحوبا ٶز حالقىنا ٵردايىم ٴبىر نە بىرنەشە ەر ادام ارقىلى نۇسقاۋلار بەرىپ وتىرعان (مالاحي 2:7؛ ەۆرەيلەرگە 1:1). يسا قايتىس بولعاننان كەيىن جەتەكشىلىكتى يەرۋساليمدەگى ەلشىلەر مەن اقساقالدار قولعا العان (ەلشىلەردىڭ ىستەرى 15:2). سول قالىپتاسقان ۇردىسكە ساي، بۇگىندە جەتەكشىلىكتى اقساقالداردىڭ شاعىن ٴبىر توبى قولعا الىپ وتىر. بۇل توپ ەحوبا كۋاگەرلەرىنىڭ باسقارۋشى كەڭەسى دەپ اتالادى. ونىڭ مىندەتى — قۇداي حالقىن رۋحاني اس-سۋمەن قامتاماسىز ەتۋ، سونداي-اق ۋاعىز ىسىنە باسشىلىق ەتۋ. مىنە، وسى توپ — يسا «تاعايىنداعان ادال دا اقىلدى قۇل» (ماتاي 24:45ٵ). باسقارۋشى كەڭەستىڭ بارلىق مۇشەسى كيەلى رۋحپەن مايلانعان. جەردەگى ٶمىرى اياقتالعان سوڭ، ولار كوكتەگى پاتشالىقتا ماسىحپەن بىرگە بيلىك ەتەدى.
2. ادال قۇل قانداي رۋحاني اس-سۋ بەرەدى؟
يسا ادال قۇلدىڭ «[باسقا ماسىحشىلەرگە] اس-سۋىن ۋاقتىلى بەرىپ تۇراتىنىن» ايتقان (ماتاي 24:45ا). ادەتتە ٴبىز تاماق جەگەندە، دەنساۋلىعىمىز مىقتى بولىپ، كۇشىمىز پايدا بولادى. رۋحاني تاماقپەن دە سولاي. رۋحاني اس-سۋ، ياعني قۇداي سوزىندەگى ٴتالىم-تاربيە بىزگە ەحوباعا ادال بولىپ قالۋعا جانە يسانىڭ تاپسىرعان ٸسىن اتقارۋعا كۇش بەرەدى (تىموتەگە 1-حات 4:6). بۇل رۋحاني اس-سۋدى ٴبىز قالاي الامىز؟ ولاردى قاۋىم كەزدەسۋلەرى، ٵرتۇرلى كونگرەستەر مەن كيەلى كىتاپقا نەگىزدەلگەن ادەبيەتتەر جانە بەينەروليكتەر ارقىلى الامىز. وسىلاردىڭ ٴبارى بىزگە قۇدايدىڭ ەركىن تۇسىنۋگە ٵرى ونىمەن دوستىعىمىزدى قاتايتۋعا كومەكتەسەدى.
تەرەڭىرەك ٷڭىلىڭىز
«ادال دا اقىلدى قۇل»، ياعني باسقارۋشى كەڭەس بىزگە نە ٷشىن قاجەت ەكەنىن بىلەيىك.
باسقارۋشى كەڭەس دۇنيەجۇزىندەگى باۋىرلاستارعا رۋحاني اس-سۋ مەن نۇسقاۋلار بەرەدى جانە ٸس جۇزىندە كومەك كورسەتەدى
3. ەحوبانىڭ حالقى — ۇيىمداسقان حالىق
يسا ٴماسىحتىڭ باسشىلىعىمەن باسقارۋشى كەڭەس ەحوبا كۋاگەرلەرىنىڭ ٸسىن ۇيىمداستىرادى. ٴبىرىنشى عاسىردا دا سولاي بولعان. بەينەروليكتى كورىڭىزدەر.
قورىنتتىقتارعا 1-حات 14:33، 40 وقىپ، مىنا سۇراقتى تالقىلاڭىزدار:
-
وسى تارماقتاردان كورىنەتىندەي، نەگە ەحوبا ٶز كۋاگەرلەرىنىڭ ۇيىمداسقان حالىق بولعانىن قالايدى؟
4. ادال قۇل ۋاعىز ٸسىن ۇيىمداستىرادى
ەرتەدەگى ماسىحشىلەر ٷشىن ۋاعىز ٸسى ەڭ ماڭىزدى ٸس بولعان. ەلشىلەردىڭ ىستەرى 8:14، 25 وقىپ، كەلەسى سۇراقتاردى تالقىلاڭىزدار:
-
ەرتەدەگى ماسىحشىلەرگە ۋاعىز ىسىنە قاتىستى نۇسقاۋلاردى كىم بەرگەن؟
-
پەتىر مەن جوحان باسقا ەلشىلەردەن نۇسقاۋ العاندا نە ىستەدى؟
بۇگىنگى تاڭدا دا باسقارۋشى كەڭەس ٷشىن ەڭ باستى ٸس — ۋاعىز ٸسىن ۇيىمداستىرۋ. بەينەروليكتى كورىڭىزدەر.
يسا ۋاعىز ٸسىنىڭ ماڭىزدىلىعىنا ەرەكشە نازار اۋدارعان. مارقا 13:10 وقىپ، مىنا سۇراقتاردى تالقىلاڭىزدار:
-
نەگە باسقارۋشى كەڭەس ۋاعىز ىسىنە قاتتى ٴمان بەرەدى؟
-
وسى دۇنيەجۇزىلىك ٸستى ۇيىمداستىرۋ ٷشىن نەگە ادال دا اقىلدى قۇل قاجەت؟
5. ادال قۇل نۇسقاۋلار بەرەدى
باسقارۋشى كەڭەس شارتاراپتاعى ماسىحشىلەرگە نۇسقاۋلار بەرىپ وتىرادى. ولار قالاي شەشىم قابىلدايدى؟ مۇنى ٴبىلۋ ٷشىن ٴبىرىنشى عاسىرداعى باسقارۋشى كەڭەس قالاي شەشىم قابىلداعانىن كورەيىك. ەلشىلەردىڭ ىستەرى 15:1، 2 وقىپ، كەلەسى سۇراقتاردى تالقىلاڭىزدار:
-
ەرتەدەگى كەيبىر ماسىحشىلەردىڭ اراسىندا قانداي كەلىسپەۋشىلىك تۋىندادى؟
-
وسى ماسەلەنى شەشۋ ٷشىن پاۋىل مەن بارنابا جانە باسقا شاكىرتتەر كىمگە باردى؟
ەلشىلەردىڭ ىستەرى 15:12—18، 23—29 وقىپ، مىنا سۇراقتى تالقىلاڭىزدار:
-
باسقارۋشى كەڭەس شەشىم قابىلداردا وسى ماسەلەگە قاتىستى قۇدايدىڭ باسشىلىعىن ٴبىلۋ ٷشىن نە ىستەدى؟ (12، 15 جانە 28-تارماقتاردى قاراڭىز).
ەلشىلەردىڭ ىستەرى 15:30، 31 جانە 16:4، 5 وقىپ، تومەندەگى سۇراقتاردى تالقىلاڭىزدار:
-
ەرتەدەگى ماسىحشىلەر باسقارۋشى كەڭەستىڭ بەرگەن نۇسقاۋىن قالاي قابىلدادى؟
-
ەحوبا ولاردىڭ مويىنسۇنۋشىلىعىن قالاي جارىلقادى؟
تىموتەگە 2-حات 3:16 جانە جاقىپ 1:5 وقىپ، كەلەسى سۇراقتى تالقىلاڭىزدار:
-
بۇگىندەگى باسقارۋشى كەڭەس شەشىم قابىلداردا باسشىلىقتى قايدان ىزدەيدى؟
كەيبىرەۋلەردىڭ ايتاتىنى: «باسقارۋشى كەڭەستى تىڭدايمىز دەپ ادامدارعا ەرىپ جۇرسىڭدەر عوي».
-
باسقارۋشى كەڭەستى يسا جەتەكتەپ جاتقانىنا ٴسىز سەنەسىز بە؟ نەگە؟
تۇيىندەمە
باسقارۋشى كەڭەس دەگەن — ٴماسىح تاعايىنداعان «ادال دا اقىلدى قۇل». ول دۇنيەجۇزىندەگى ماسىحشىلەرگە رۋحاني اس-سۋ مەن نۇسقاۋلار بەرەدى.
قايتالاۋ
-
«ادال دا اقىلدى قۇلدى» كىم تاعايىنداعان؟
-
باسقارۋشى كەڭەس قالاي ٴبىزدىڭ قامىمىزدى ويلايدى؟
-
باسقارۋشى كەڭەستىڭ «ادال دا اقىلدى قۇل» ەكەنىنە سەنەسىز بە؟
قوسىمشا ىزدەنىڭىز
باسقارۋشى كەڭەس ٶز قىزمەتىن اتقارۋ ٷشىن قالاي ۇيىمداستىرىلعانىن كورىڭىز.
باسقارۋشى كەڭەس بىزگە سەنىمدى مالىمەت بەرەتىنىنە نەگە كۇماندانباساق بولادى؟
«تۋرا مالىمەتكە نەگىزدەلگەن ادەبيەتتەر شىعارۋ» (18:17)
باسقارۋشى كەڭەستىڭ مۇشەلەرى يسا پايعامبار تاپسىرعان ىسكە قالاي قارايدى؟
قاۋىم كەزدەسۋلەرى مەن كونگرەستەر باسقارۋشى كەڭەستى ەحوبا جەتەلەپ جاتقانىن قالاي دالەلدەيدى؟
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
