Зәбүр 49:1—20
Ән-күй жетекшісіне. Қорах ұлдарының жыры+.
49 Күллі халықтар, мынаны тыңдаңдар,Жержүзінің тұрғындары, назар салыңдар,
2 Қарапайымдар мен ұлықтар,Байлар мен кедейлер — бәрің де тыңдаңдар.
3 Аузымнан дана сөздер шығады,Жүрек толғанысымнан+ түсінік байқалады.
4 Мен нақыл сөзге құлақ саламын,Арфада ойнап, жұмбағымның шешімін айтамын.
5 Қиын-қыстау кезеңде,Көзімді құртқысы келетін зұлымдар қоршағанда,Неге мен қорқуым керек+?!
6 Әл-ауқатына сенетіндердің+,Ұлан-ғайыр байлығына мақтанатындардың+
7 Ешқайсысы өзгенің төлемін өтей алмайды,Ол үшін Құдайға төлем де бере алмайды+.
8 (Адамның жаны үшін берілетін төлемнің құны тым жоғары,Пенде атаулы оны ешқашан төлей алмайды.)
9 Мәңгі өмір сүруі үшін, көрге түсірмей аман алып қала алмайды+.
10 Себебі олар тіпті дана жанның да өлетінін,Ақымақ пен санасыздың да бірге құрып кетіп+,Бар мал-мүлкінің өзгеге қалатынын біледі+.
11 Олар үйлерінің мәңгі тұрып,Шатырларының ұрпақтан ұрпаққа қалғанын қалайды.
Иелігіндегі жерлеріне өз аттарын береді.
12 Бірақ, қанша құрметті болса да, адам ұзақ жасамайды+,Ол құрып жоқ болатын хайуанға ұқсайды+.
13 Ақымақтардың да,Солардың бос сөздерін ұнатып, оларға еретіндердің деЖүрер жолы осындай болады+. (Села)
14 Оларды қой іспетті көрге* айдап апарады.
Ал бағушысы өлім болады.
Таңертең әділдер оларға билік жүргізеді+.
Олар іздері де қалмай құрып кетеді+.
Оларға зәулім сарай емес, көр*+ үй болады+.
15 Ал мені Құдай төлемімді өтеп, көрдің* билігінен* құтқарады+,Өйткені ол мені қамқорына алады. (Села)
16 Адамның байығанынан,Үйінің салтанаты молайғанынан қорықпа,
17 Себебі ол өлгенде, өзімен ештеңе де алып кете алмайды+,Салтанаты да оған еріп бармайды+.
18 Өйткені тірі кезінде ол өзін мақтаумен болды+.
(Табысқа жеткеніңде, жұрт сені мадақтайды+.)
19 Бірақ ақыр соңында бабаларына барып қосылады.
Олар енді қайтып жарықты көрмейді.
20 Мұны түсінбейтін адам, қанша құрметті болса да+,Құрып жоқ болатын хайуанға ұқсайды.
Сілтемелер
^ Еврейше “шеол”. Түсіндірмені қараңыз.
^ Еврейше “шеол”. Түсіндірмені қараңыз.
^ Еврейше “шеол”. Түсіндірмені қараңыз.
^ Сөзбе-сөз “қолынан”.