കപടഭക്തൻ: മത്ത 6:2, 5, 16 വാക്യ​ങ്ങ​ളിൽ യേശു ജൂതമ​ത​നേ​താ​ക്ക​ന്മാ​രെ​യാണ്‌ ഇങ്ങനെ വിളി​ച്ചത്‌. എന്നാൽ ഇവിടെ, സ്വന്തം കുറ്റങ്ങൾ അവഗണി​ച്ചി​ട്ടു മറ്റുള്ള​വ​രു​ടെ കുറ്റങ്ങ​ളിൽ ശ്രദ്ധ കേന്ദ്രീ​ക​രി​ക്കുന്ന ശിഷ്യ​ന്മാ​രെ​യാണ്‌ യേശു ഇങ്ങനെ വിളി​ച്ചത്‌.

വിശു​ദ്ധ​മാ​യ​തു നായ്‌ക്കൾക്ക്‌ ഇട്ടു​കൊ​ടു​ക്ക​രുത്‌, മുത്തുകൾ പന്നിക​ളു​ടെ മുന്നിൽ എറിയ​രുത്‌: മോശ​യി​ലൂ​ടെ കൊടുത്ത നിയമ​മ​നു​സ​രിച്ച്‌ പന്നിക​ളും നായ്‌ക്ക​ളും അശുദ്ധ​മൃ​ഗ​ങ്ങ​ളാ​യി​രു​ന്നു. (ലേവ 11:7, 27) ഒരു വന്യമൃ​ഗം കൊന്ന മൃഗത്തി​ന്റെ മാംസം നായ്‌ക്കൾക്ക്‌ ഇട്ടു​കൊ​ടു​ക്കാൻ അനുവാ​ദ​മു​ണ്ടാ​യി​രു​ന്നു. (പുറ 22:31) എന്നാൽ “വിശു​ദ്ധ​മാം​സം,” അതായത്‌ ബലിയാ​യി അർപ്പിച്ച മൃഗങ്ങ​ളു​ടെ മാംസം, നായ്‌ക്കൾക്ക്‌ ഇട്ടു​കൊ​ടു​ക്കു​ന്നതു ജൂതപാ​ര​മ്പ​ര്യം വിലക്കി​യി​രു​ന്നു. മത്ത 7:6-ലെ ‘നായ്‌ക്കൾ,’ ‘പന്നികൾ’ എന്നീ പദങ്ങൾ ആലങ്കാ​രി​കാർഥ​ത്തി​ലാണ്‌ ഉപയോ​ഗി​ച്ചി​രി​ക്കു​ന്നത്‌. അത്‌ ആത്മീയ​മാ​യി മൂല്യ​വ​ത്തായ കാര്യങ്ങൾ വിലമ​തി​ക്കാത്ത ആളുകളെ കുറി​ക്കു​ന്നു. പന്നികൾ മുത്തു​കൾക്കു വില കല്‌പി​ക്കാ​ത്ത​തു​പോ​ലെ ആത്മീയ​കാ​ര്യ​ങ്ങളെ വിലമ​തി​ക്കാത്ത ആളുകൾ, അത്തരം കാര്യങ്ങൾ അറിയി​ക്കാൻ ചെല്ലു​ന്ന​വ​രോട്‌ അപമര്യാ​ദ​യാ​യി പെരു​മാ​റി​യേ​ക്കാം.

ചോദി​ച്ചു​കൊ​ണ്ടി​രി​ക്കൂ . . . അന്വേ​ഷി​ച്ചു​കൊ​ണ്ടി​രി​ക്കൂ . . . മുട്ടി​ക്കൊ​ണ്ടി​രി​ക്കൂ: “. . . കൊണ്ടി​രി​ക്കൂ” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​ക്രി​യാ​രൂ​പം തുടർച്ച​യായ പ്രവൃ​ത്തി​യെ സൂചി​പ്പി​ക്കു​ന്നു. മടുത്ത്‌ പിന്മാ​റാ​തെ പ്രാർഥി​ക്കേ​ണ്ട​തി​ന്റെ ആവശ്യ​മാണ്‌ അതു കാണി​ക്കു​ന്നത്‌. മൂന്നു ക്രിയകൾ ഉപയോ​ഗി​ച്ചി​രി​ക്കു​ന്നതു തീവ്ര​തയെ സൂചി​പ്പി​ക്കു​ന്നു. ലൂക്ക 11:5-8-ലെ ദൃഷ്ടാ​ന്ത​ത്തി​ലും യേശു സമാന​മായ ഒരു ആശയമാ​ണു പറയു​ന്നത്‌.

മീൻ . . . പാമ്പ്‌: ഗലീല​ക്ക​ട​ലി​നു ചുറ്റും താമസി​ക്കു​ന്ന​വ​രു​ടെ ആഹാര​ത്തിൽ മീനിന്‌ ഒരു മുഖ്യ​സ്ഥാ​ന​മു​ണ്ടാ​യി​രു​ന്നു. അപ്പത്തി​ന്റെ​കൂ​ടെ സാധാരണ കഴിച്ചി​രുന്ന മീൻ, ചില തരം ചെറിയ പാമ്പു​ക​ളു​മാ​യി രൂപസാ​ദൃ​ശ്യ​മു​ള്ള​വ​യാ​യി​രു​ന്നു. സ്‌നേ​ഹ​മുള്ള ഒരു അപ്പനോ അമ്മയ്‌ക്കോ അങ്ങനെ​യൊ​രു കാര്യം ചെയ്യു​ന്ന​തി​നെ​ക്കു​റിച്ച്‌ ചിന്തി​ക്കാ​നേ കഴിയില്ല എന്നാണു ചിന്തോ​ദ്ദീ​പ​ക​മായ ആ ചോദ്യം സൂചി​പ്പി​ക്കു​ന്നത്‌.

അപ്പം . . . കല്ല്‌: ജൂതന്മാ​രു​ടെ​യും ചുറ്റു​മുള്ള ജനതക​ളു​ടെ​യും ഒരു മുഖ്യാ​ഹാ​ര​മാ​യി​രു​ന്നു അപ്പം. വലുപ്പം​കൊ​ണ്ടും രൂപം​കൊ​ണ്ടും അതിനു കല്ലുക​ളോ​ടു സാമ്യ​വു​മു​ണ്ടാ​യി​രു​ന്നു. ഇക്കാര​ണ​ങ്ങ​ളാ​ലാ​യി​രി​ക്കാം യേശു അപ്പത്തെ കല്ലുമാ​യി ബന്ധപ്പെ​ടു​ത്തി സംസാ​രി​ച്ചത്‌. യേശു​വി​ന്റെ ചിന്തോ​ദ്ദീ​പ​ക​മായ ആ ചോദ്യ​ത്തി​ന്റെ ഉത്തരം ഇതാണ്‌: “അങ്ങനെ​യൊ​രു കാര്യം ചെയ്യു​ന്ന​തി​നെ​ക്കു​റിച്ച്‌ ഒരു അപ്പനു ചിന്തി​ക്കാ​നേ കഴിയില്ല.”​—മത്ത 7:10-ന്റെ പഠനക്കു​റി​പ്പു കാണുക.

മീൻ . . . പാമ്പ്‌: ഗലീല​ക്ക​ട​ലി​നു ചുറ്റും താമസി​ക്കു​ന്ന​വ​രു​ടെ ആഹാര​ത്തിൽ മീനിന്‌ ഒരു മുഖ്യ​സ്ഥാ​ന​മു​ണ്ടാ​യി​രു​ന്നു. അപ്പത്തി​ന്റെ​കൂ​ടെ സാധാരണ കഴിച്ചി​രുന്ന മീൻ, ചില തരം ചെറിയ പാമ്പു​ക​ളു​മാ​യി രൂപസാ​ദൃ​ശ്യ​മു​ള്ള​വ​യാ​യി​രു​ന്നു. സ്‌നേ​ഹ​മുള്ള ഒരു അപ്പനോ അമ്മയ്‌ക്കോ അങ്ങനെ​യൊ​രു കാര്യം ചെയ്യു​ന്ന​തി​നെ​ക്കു​റിച്ച്‌ ചിന്തി​ക്കാ​നേ കഴിയില്ല എന്നാണു ചിന്തോ​ദ്ദീ​പ​ക​മായ ആ ചോദ്യം സൂചി​പ്പി​ക്കു​ന്നത്‌.

ദുഷ്ടന്മാ​രാ​യ നിങ്ങൾ: കൈമാ​റി​ക്കി​ട്ടിയ പാപം നിമിത്തം എല്ലാ മനുഷ്യ​രും അപൂർണ​രാണ്‌. അതു​കൊ​ണ്ടു​തന്നെ അവരെ​ല്ലാം ഒരർഥ​ത്തിൽ ദുഷ്ടരാണ്‌.

എത്രയ​ധി​കം: യേശു മിക്ക​പ്പോ​ഴും ഈ ന്യായ​വാ​ദ​രീ​തി ഉപയോ​ഗി​ച്ചി​രു​ന്നു. ആദ്യം വളരെ വ്യക്തമായ ഒരു വസ്‌തുത അഥവാ ആളുകൾക്കു സുപരി​ചി​ത​മായ ഒരു സത്യം അവതരി​പ്പി​ക്കും. എന്നിട്ട്‌ അതിനെ അടിസ്ഥാ​ന​പ്പെ​ടു​ത്തി, മറ്റൊരു കാര്യ​ത്തെ​ക്കു​റിച്ച്‌ ശരിയായ നിഗമ​ന​ത്തിൽ എത്തി​ച്ചേ​രാൻ സഹായി​ക്കും. അങ്ങനെ, ലളിത​മായ ഒരു വസ്‌തുത ഉപയോ​ഗിച്ച്‌ ഗഹനമായ ഒരു ആശയം പഠിപ്പി​ക്കുന്ന രീതി​യാ​യി​രു​ന്നു ഇത്‌.​—മത്ത 10:25; 12:12; ലൂക്ക 11:13; 12:28.

നിയമ​വും പ്രവാ​ച​ക​ന്മാ​രു​ടെ വാക്കു​ക​ളും: ഇവിടെ ‘നിയമം’ എന്ന പദം കുറി​ക്കു​ന്നത്‌ ഉല്‌പത്തി മുതൽ ആവർത്തനം വരെയുള്ള ബൈബിൾപു​സ്‌ത​ക​ങ്ങ​ളെ​യാണ്‌. ‘പ്രവാ​ച​ക​ന്മാ​രു​ടെ വാക്കുകൾ’ എന്ന പദപ്ര​യോ​ഗം കുറി​ക്കു​ന്നത്‌ എബ്രാ​യ​തി​രു​വെ​ഴു​ത്തു​ക​ളി​ലെ പ്രവച​ന​പു​സ്‌ത​ക​ങ്ങ​ളെ​യും. എന്നാൽ ഇവ രണ്ടും ഒന്നിച്ച്‌ വരു​മ്പോൾ അത്‌ എബ്രാ​യ​തി​രു​വെ​ഴു​ത്തു​കളെ മൊത്ത​ത്തിൽ അർഥമാ​ക്കി​യേ​ക്കാം.​—മത്ത 7:12; 22:40; ലൂക്ക 16:16.

നിയമ​വും പ്രവാ​ച​ക​വ​ച​ന​ങ്ങ​ളും: മത്ത 5:17-ന്റെ പഠനക്കു​റി​പ്പു കാണുക.

ഇടുങ്ങിയ വാതി​ലി​ലൂ​ടെ അകത്ത്‌ കടക്കുക: പുരാ​ത​ന​കാ​ലത്ത്‌ ചുറ്റു​മ​തി​ലുള്ള നഗരങ്ങ​ളു​ടെ പ്രവേ​ശ​ന​മാർഗം, കവാടങ്ങൾ അഥവാ വലിയ വാതി​ലു​കൾ ആയിരു​ന്നു. ആളുക​ളു​ടെ ജീവി​ത​ഗ​തി​യെ​യും പെരു​മാ​റ്റ​രീ​തി​യെ​യും കുറി​ക്കാൻ ബൈബി​ളിൽ വഴി, “പാത,” “മാർഗം” തുടങ്ങിയ പ്രയോ​ഗങ്ങൾ ഉപയോ​ഗി​ച്ചി​ട്ടുണ്ട്‌. തികച്ചും വ്യത്യ​സ്‌ത​മായ രണ്ടു വഴികൾ ചിത്രീ​ക​രി​ക്കു​ന്നത്‌, ദൈവാം​ഗീ​കാ​ര​മുള്ള ജീവി​ത​ഗ​തി​യെ​യും ദൈവാം​ഗീ​കാ​ര​മി​ല്ലാത്ത ജീവി​ത​ഗ​തി​യെ​യും ആണ്‌. ഒരാൾക്കു ദൈവ​രാ​ജ്യ​ത്തി​ലേക്കു പ്രവേ​ശനം കിട്ടു​മോ ഇല്ലയോ എന്നു തീരു​മാ​നി​ക്കു​ന്നത്‌ അയാളു​ടെ ജീവി​ത​ഗ​തി​യാണ്‌.​—സങ്ക 1:1, 6; യിര 21:8; മത്ത 7:21.

നാശത്തി​ലേ​ക്കു​ള്ള വാതിൽ വീതി​യു​ള്ള​തും വഴി വിശാ​ല​വും: “നാശത്തി​ലേ​ക്കുള്ള വഴി വീതി​യു​ള്ള​തും വിശാ​ല​വും” എന്നാണു ചില കൈ​യെ​ഴു​ത്തു​പ്ര​തി​ക​ളിൽ കാണു​ന്നത്‌. എന്നാൽ ഇവിടെ കാണുന്ന, താരത​മ്യേന ദൈർഘ്യം കൂടിയ ഈ പ്രയോ​ഗ​ത്തി​നു കൈ​യെ​ഴു​ത്തു​പ്ര​തി​ക​ളു​ടെ ശക്തമായ പിന്തു​ണ​യുണ്ട്‌. ഒപ്പം മത്ത 7:14-ലെ വാക്കു​ക​ളോട്‌ അതു കൂടുതൽ യോജി​ക്കു​ക​യും ചെയ്യുന്നു.​—അനു. എ3 കാണുക.

ചെമ്മരി​യാ​ടു​ക​ളു​ടെ വേഷം: അതായത്‌ ആലങ്കാ​രി​ക​മായ അർഥത്തിൽ വേഷ​പ്ര​ച്ഛ​ന്ന​രാ​യി വരുന്നവർ. തങ്ങൾ ദൈവ​ത്തി​ന്റെ ആരാധ​ക​രാ​കുന്ന “ആട്ടിൻകൂട്ട”ത്തിലെ നിരു​പ​ദ്ര​വ​കാ​രി​ക​ളായ അംഗങ്ങ​ളാ​ണെന്ന ധാരണ ജനിപ്പി​ക്കാൻ അത്തരക്കാർ ചെമ്മരി​യാ​ടി​ന്റേ​തു​പോ​ലുള്ള ഗുണങ്ങൾ പ്രകടി​പ്പി​ക്കും.

കടിച്ചു​കീ​റു​ന്ന ചെന്നാ​യ്‌ക്കൾ: ഒരു രൂപകാ​ല​ങ്കാ​രം. അങ്ങേയറ്റം അതി​മോ​ഹ​മുള്ള, സ്വാർഥ​നേ​ട്ട​ങ്ങൾക്കു​വേണ്ടി മറ്റുള്ള​വരെ ചൂഷണം ചെയ്യുന്ന ആളുകളെ കുറി​ക്കു​ന്നു.

ഫലങ്ങൾ: ആളുക​ളു​ടെ പ്രവൃ​ത്തി​ക​ളെ​യോ വാക്കു​ക​ളെ​യോ, അവർ പറയു​ക​യും പ്രവർത്തി​ക്കു​ക​യും ചെയ്യുന്ന കാര്യ​ങ്ങ​ളു​ടെ അനന്തര​ഫ​ല​ങ്ങ​ളെ​യോ കുറി​ക്കുന്ന ആലങ്കാ​രി​ക​പ്ര​യോ​ഗം.

നിയമ​ലം​ഘ​നം: “നിയമ​ലം​ഘനം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​പ​ദ​ത്തിന്‌ ആളുകൾ നിയമം തെറ്റി​ക്കു​ന്ന​തി​നെ​യും അതിനെ പുച്ഛി​ച്ചു​ത​ള്ളു​ന്ന​തി​നെ​യും അർഥമാ​ക്കാ​നാ​കും. നിയമ​ങ്ങളേ ഇല്ല എന്ന മട്ടിലാ​യി​രി​ക്കും അവരുടെ പെരു​മാ​റ്റം. ബൈബി​ളിൽ ഈ പദം ഉപയോ​ഗി​ച്ചി​രി​ക്കു​ന്നതു ദൈവ​നി​യ​മ​ങ്ങ​ളോ​ടുള്ള അവഗണ​നയെ കുറി​ക്കാ​നാണ്‌.​—മത്ത 7:23; 2കൊ 6:14; 2തെസ്സ 2:3-7; 1യോഹ 3:4.

ധിക്കാ​രി​ക​ളേ: അഥവാ “നിയമ​ലം​ഘ​കരേ.” മത്ത 24:12-ന്റെ പഠനക്കു​റി​പ്പു കാണുക.

വിവേകി: മത്ത 24:45-ന്റെ പഠനക്കു​റി​പ്പു കാണുക.

വിവേകി: ഗ്രാഹ്യ​ത്തോ​ടൊ​പ്പം ഉൾക്കാ​ഴ്‌ച​യും ദീർഘ​വീ​ക്ഷ​ണ​വും വകതി​രി​വും വിവേ​ച​ന​യും പ്രാ​യോ​ഗി​ക​ജ്ഞാ​ന​വും ചേരുന്ന ഒരു ഗുണ​ത്തെ​യാണ്‌ ഇവിടെ ഉപയോ​ഗി​ച്ചി​രി​ക്കുന്ന ഗ്രീക്കു​പദം അർഥമാ​ക്കു​ന്നത്‌. മത്ത 7:24; 25:2, 4, 8, 9 എന്നീ വാക്യ​ങ്ങ​ളിൽ ഇതേ ഗ്രീക്കു​പ​ദ​മാണ്‌ ഉപയോ​ഗി​ച്ചി​രി​ക്കു​ന്നത്‌. ഉൽ 41:33, 39-ൽ യോ​സേ​ഫി​നെ​ക്കു​റിച്ച്‌ പറയു​ന്നി​ടത്ത്‌ സെപ്‌റ്റു​വ​ജി​ന്റും ഇതേ പദമാണ്‌ ഉപയോ​ഗി​ച്ചി​രി​ക്കു​ന്നത്‌.

മഴ . . . വെള്ള​പ്പൊ​ക്കം . . . കാറ്റ്‌: അപ്രതീ​ക്ഷി​ത​മാ​യി, ശക്തമായ കാറ്റിന്റെ അകമ്പടി​യോ​ടെ വരുന്ന പേമാ​രി​കൾ ഇസ്രാ​യേ​ലിൽ സാധാ​ര​ണ​മാണ്‌. (പ്രത്യേ​കിച്ച്‌ തേബത്ത്‌ മാസത്തിൽ, അതായത്‌ ഡിസംബർ/ജനുവരി മാസങ്ങ​ളിൽ.) അതിന്റെ ഫലമായി വിനാ​ശ​ക​മായ, പൊടു​ന്ന​നെ​യുള്ള പ്രളയ​ങ്ങ​ളും ഉണ്ടാകാം.​—അനു. ബി15 കാണുക.

അതിശ​യി​ച്ചു​പോ​യി: ഇവിടെ ഉപയോ​ഗി​ച്ചി​രി​ക്കുന്ന ഗ്രീക്കു​ക്രി​യയെ “അത്ഭുതം​കൊണ്ട്‌ സ്‌തബ്ധ​രാ​യി” എന്നു നിർവ​ചി​ക്കാം. തുടർച്ചയെ കുറി​ക്കുന്ന ആ ക്രിയാ​രൂ​പം സൂചി​പ്പി​ക്കു​ന്നതു യേശു​വി​ന്റെ വാക്കുകൾ ജനക്കൂ​ട്ട​ത്തി​ന്റെ മനസ്സിൽ മായാത്ത മുദ്ര പതിപ്പി​ച്ചെ​ന്നാണ്‌.

യേശു പഠിപ്പി​ക്കുന്ന രീതി: ഈ പദപ്ര​യോ​ഗം, യേശു​വി​ന്റെ പഠിപ്പി​ക്കൽരീ​തി​കളെ മാത്രമല്ല ഉപദേ​ശ​ങ്ങ​ളെ​യും, അതായത്‌ ഗിരി​പ്ര​ഭാ​ഷ​ണ​ത്തിൽ യേശു പറഞ്ഞ എല്ലാ കാര്യ​ങ്ങ​ളെ​യും, കുറി​ക്കു​ന്നു.

അവരുടെ ശാസ്‌ത്രി​മാ​രെ​പ്പോ​ലെയല്ല: ആദരണീ​യ​രായ റബ്ബിമാ​രു​ടെ വാക്കു​കളെ ആധികാ​രി​ക​മാ​യി കണ്ട്‌ അത്‌ ഉദ്ധരിച്ച്‌ സംസാ​രി​ച്ചി​രുന്ന ശാസ്‌ത്രി​മാ​രെ​പ്പോ​ലെ​യ​ല്ലാ​യി​രു​ന്നു യേശു. യഹോ​വ​യു​ടെ പ്രതി​നി​ധി​യാ​യി, അധികാ​ര​മു​ള്ള​വ​നാ​യി​ട്ടാ​ണു യേശു സംസാ​രി​ച്ചത്‌. ദൈവ​വ​ച​ന​ത്തിൽ പറഞ്ഞി​രുന്ന കാര്യ​ങ്ങ​ളാ​യി​രു​ന്നു യേശു​വി​ന്റെ ഉപദേ​ശ​ങ്ങൾക്ക്‌ ആധാരം.​—യോഹ 7:16.