Kodi Mulungu Analemberatu Nthawi Yomwe Munthu Adzamwalire?
Yankho la m’Baibulo
Ayi. Baibulo silisonyeza kuti Mulungu analemberatu nthawi imene munthu adzamwalire koma limanena kuti nthawi zambiri anthufe timafa chifukwa cha “zinthu zosayembekezereka.”—Mlaliki 9:11.
Si paja Baibulo limati “pali nthawi ya kufa”?
Inde. Lemba la Mlaliki 3:2 limati pali “nthawi yobadwa ndi nthawi ya kufa. Nthawi yobzala ndi nthawi yozula chimene chinabzalidwa.” Koma lembali likusonyeza zimene zimachitika pa moyo wa munthu, chifukwa munthu amabadwa kenako amamwalira. (Mlaliki 3:1-8) Apa lembali likusonyeza kuti Mulungu sanalemberetu nthawi yoti munthu adzamwalire ngati mmene mlimi sangakakamizire mbewu kumera. Koma mfundo yake ndi yakuti tiyenera kupewa kutanganidwa ndi zinthu zosafunika kwenikweni mpaka kufika poiwala Mlengi.—Mlaliki 3:11; 12:1, 13.
N’zotheka kukhala ndi moyo wotalikirapo
Ngakhale kuti moyo wathu ndi wosadalirika, n’zotheka kukhala ndi moyo wotalikirapo ngati titamasankha zinthu mwanzeru. Baibulo limanena kuti: “Lamulo la munthu wanzeru ndilo kasupe wa moyo, chifukwa limapulumutsa munthu kumisampha ya imfa.” (Miyambo 13:14) Nayenso Mose anauza Aisiraeli kuti ngati angamvere malamulo a Yehova, ‘masiku amoyo wawo adzatalika.’ (Deuteronomo 6:2) Mosiyana ndi zimenezi, tikhoza kufupikitsa moyo wathu ngati tingamachite zinthu mosaganiza bwino.—Mlaliki 7:17.
Ngakhale titamachita zinthu mwanzeru bwanji, n’zosatheka kuthawa imfa. (Aroma 5:12) Komabe zinthu zidzasintha, chifukwa Baibulo limalonjeza kuti “imfa sidzakhalaponso.”—Chivumbulutso 21:4.
Mwina Mungakondenso Kudziwa Izi
KUYANKHA MAFUNSO A M’BAIBULO
Kodi Cholinga cha Moyo N’chiyani?
Kodi munayamba mwaganizirapo funso lakuti, ‘Kodi cholinga cha moyo n’chiyani?’ Werengani nkhaniyi kuti mudziwe zimene Baibulo limanena pa nkhaniyi.
KUYANKHA MAFUNSO A M’BAIBULO
Kodi Baibulo Limati Mungasankhe Nokha Zochita Kapena Mulungu Analemberatu Tsogolo Lanu?
Anthu ambiri amakhulupirira kuti Mulungu analemberatu tsogolo lathu. Kodi zimene timasankha zimakhudza tsogolo lathu?
NSANJA YA OLONDA
Kodi Tsogolo Lanu Mungalidziwe Bwanji?
Anthu ambiri amene amakhulupirira kuti munthu akamwalira amakabadwanso kwinakwake, okhulupirira nyenyezi, feng shui komanso amene amalambira mizimu yamakolo, amaganiza kuti pali mphamvu zinazake zosaoneka zomwe zingawathandize kudziwa zokhudza tsogolo lawo.
KUYANKHA MAFUNSO A M’BAIBULO
N’chifukwa Chiyani Anthu Amafa?
Yankho limene Baibulo limapereka pa nkhaniyi ndi lolimbikitsa komanso lopatsa chiyembekezo
KUFOTOKOZA MAVESI A M’BAIBULO
Kufotokoza Mlaliki 3:11—“Chilichonse Iye Anachipanga Chokongola Ndiponso pa Nthawi Yake”
Zinthu zokongola zimene Mulungu analenga zimaphatikizaponso zinthu zambiri. Kodi zimenezi zimakukhudzani bwanji?
MFUNDO ZOFUNIKA ZA M'BAIBULO
Kodi Chimachitika N’chiyani Munthu Akamwalira?
Baibulo limanena kuti kutsogoloku anthu ambiri adzaukitsidwa ngati mmene zinakhalira ndi Lazaro.