EISHOMO 19
Abajurizi ba Yehova shi n’Abakristaayo Abaabuzima?
Abajurizi ba Yehova, nitwikiriza ngu turi Abakristaayo abaabuzima. Ahabw’enki? Yetegyereze ahu enyikiriza zaitu zirikwegamira, eiziina eririkututaanisa aha bandi, n’oku turikukundana.
1. Enyikiriza z’Abajurizi ba Yehova nizeegamira ahari ki?
Yesu akagira ati: “Ekigambo [kya] Ruhanga nigo mazima.” (Yohaana 17:17) Nka Yesu, Abajurizi ba Yehova nibeegamiza enyikiriza zaabo aha Kigambo kya Ruhanga. Yetegyereze ebyafaayo byaitu eby’obunaku obu. Omu kuhendera kw’ekyasha kya 19, abeegi bakye ba Baibuli bakatandika kushwijuma Baibuli. Bakaikiriza eki Baibuli erikwegyesa, n’obu enyikiriza zaabo ziraabe zaabaire nizitaana aha z’amakanisa. Bwanyima, bakatandika kugambira abandi amazima ga Baibuli. a
2. Ahabw’enki nitweyeta Abajurizi ba Yehova?
Abarikuramya Yehova nibeetwa abajurizi be ahakuba nibagamba amazima agarikumukwataho. (Abaheburaayo 11:4–12:1) Nk’eky’okureeberaho, Ruhanga akagambira abaheereza be ira ati: “Muri baakareebi b’okuhamya ebyangye” nari abajurizi bangye. (Shoma Isaaya 43:10.) Yesu naayetwa “kareebi omwesigwa” nari omujurizi omwesigwa. (Okushuuruurwa 1:5) N’ahabw’ekyo, omuri 1931 tukatandika kukoresa eiziina Abajurizi ba Yehova. Nikitwesiimisa kwetererwa eiziina eryo.
3. Abajurizi ba Yehova nibooreka bata rukundo nk’eya Yesu?
Yesu akaba naakunda munonga abeegi be kandi arikubatwara nk’ab’eka ye. (Shoma Mako 3:35.) Naitwe Abajurizi ba Yehova turi eka emwe erikukwatanisa, omu nsi yoona. Niyo nshonga ahabw’enki nitwetana ab’eishe-emwe na banyaanyazi-itwe. (Filemooni 1, 2) Kandi nitworobera ekiragiro eki: “Mukunde ab’eishe-emwe” boona. (1 Petero 2:17) Abajurizi ba Yehova nibooreka ngu nibakundana omu miringo mingi, nk’okuhwera ab’eishe-emwe omu nsi yoona abaine oburemeezi.
SHWIJUMA GYE
Yongyera kumanya ebyafaayo by’Abajurizi ba Yehova kandi oreebe n’obuhame obundi oburikworeka ngu turi Abakristaayo abaabuzima.
Enyikiriza z’Abakristaayo abaabuzima nizeegamira ahari Baibuli kandi nibazigambiraho abandi
4. Enyikiriza zaitu nizeegamira ahari Baibuli
Yehova akagira ngu amazima ga Baibuli nigaija kuguma nigashuuruurwa. Shoma Danieli 12:4, kubaasa kugarukamu ekibuuzo eki:
-
Niki ekyabaire nikiija ‘kweyongyera’ kukanya omu baheereza ba Ruhanga ahabw’okugumizamu nibashwijuma Baibuli?
Yetegyereze oku abeegi ba Baibuli, otwariiremu Charles Russell, baayegire Ekigambo kya Ruhanga. Zaana VIDIYO, kubaasa kugarukamu ekibuuzo ekiri ahaifo.
-
Omu vidiyo, Charles Russell n’Abeegi ba Baibuli bagyenzi be bakashwijuma bata Baibuli?
Eki waaba nookimanya?
Obumwe n’obumwe, nituhindura omu nyegyesa zaitu. Ahabw’enki? Nk’oku eizooba ririkuturuka reero rikakuguma niryeyongyera kwaka munonga, na Ruhanga naatubaasisa kwetegyereza Ekigambo kye mporampora. (Shoma Enfumu 4:18.) N’ahabw’ekyo n’obu Baibuli eraabe etarikuhinduka, nituguma nituhindura omu nyegyesa zaitu twayongyera kwetegyereza Baibuli.
5. Nitukora ebirikuhikaana n’eiziina ryaitu
Ahabw’enki twayetsirwe Abajurizi ba Yehova? Zaana VIDIYO, kubaasa kugarukamu ekibuuzo ekirikukurataho.
-
Ahabw’enki tuhikire kwetwa Abajurizi ba Yehova?
Ahabw’enki Yehova naatoorana abantu kuba abajurizi be? Naabatoorana kumujuririra ngu niwe Ruhanga ow’amazima, ahabw’okuba abantu nibamugambaho ebishuba bingi. Teekateeka aha bishuba bibiri ebi.
Ediini ezimwe nizeegyesa abantu baazo ngu Ruhanga naikiriza ebishushani omu kuramya. Kwonka, shoma Abaleevi 26:1, kubaasa kugarukamu ebibuuzo ebi:
-
Ekihikire niki? Okukoresa ebishushani nikureetera Yehova kwehurira ata?
Abanyadiini abamwe nibeegyesa ngu Yesu ni Ruhanga. Kwonka, shoma Yohaana 20:17, kubaasa kugarukamu ebibuuzo ebi:
-
Ekihikire niki? Mbwenu shi Ruhanga na Yesu nibaingana?
-
Nikikureetera kwehurira ota, kumanya ngu Yehova ataireho Abajurizi be kubuurira amazima agarikumukwataho n’Omwana we?
6. Nitukundana
Baibuli neegyeragyeranisa Abakristaayo n’ebicweka by’omubiri bitari bimwe na bimwe. Shoma 1 Abakorinso 12:25, 26, kubaasa kugarukamu ebibuuzo ebi:
-
Abakristaayo abaabuzima nibeehurira bata mugyenzi waabo yaaba naabonabona?
-
Oyetegyereize ki aha bikwatiraine n’okukundana kw’Abajurizi ba Yehova?
Abajurizi ba Yehova omu kicweka kimwe baabonabona, bagyenzi baabo omu nsi yoona nibagira eki baakora ahonaaho. Kureeba eky’okureeberaho kimwe, zaana VIDIYO, kubaasa kugarukamu ekibuuzo ekirikukurataho.
-
Abajurizi ba Yehova okuhwera abahikirweho ekihikiirizi nikyoreka kita rukundo?
Abakristaayo abaabuzima nibafayo aha barikwenda obuhwezi
ABAMWE NIBAGIRA NGU: “Abajurizi ba Yehova n’ediini nsya.”
-
Abarikuramya Yehova batwire nibeetwa abajurizi be kuruga ryari?
OMU BUGUFU
Abajurizi ba Yehova nibo Bakristaayo abaabuzima. Turi eka emwe omu nsi yoona, ebi turikwikiriza nibyegamira ahari Baibuli, kandi nitumanyisa abandi amazima agarikukwata ahari Yehova.
Okweijutsya
-
Ahabw’enki nitwetwa Abajurizi ba Yehova?
-
Nitutwarizana tuta?
-
Nooteekateeka ngu Abajurizi ba Yehova n’Abakristaayo abaabuzima?
JUMBURA EBINDI
Yega bingi aha byafaayo byaitu.
Okwikiriza kw’Abajurizi ba Yehova omu Bikorwa—Ekicweka 1: Okuruga omu Mwirima (1:00:53)
Reeba eky’okureeberaho ekirikworeka oku Abajurizi ba Yehova baasheeshwire enyegyesa z’ebishuba.
Tunga eby’okugarukamu by’ebibuuzo ebi orikubaasa kuba nooyebuuza aha Bajurizi ba Yehova.
“Ebibuuzo Ebirikukira Kubuuzibwa aha Bajurizi ba Yehova” (Eky’aha mukura)
Stephen akaba naashoroora abandi. Yetegyereze eki yaareebire aha Bajurizi ba Yehova kikamuhiga kuhindura emiteekateekyere ye.
“Nkaba Ninyeyongyerera Kimwe Kusiisikara” (Omunaara gw’Omurinzi, Gyuraayi 1, 2015)
a Magaziini egi, Omunaara gw’Omurinzi, etwire neegamba aha mazima ga Baibuli kuruga 1879.
Noobaasa Kukunda n'Ebi
EBIBUUZO EBIRIKUKIRA KUBUUZIBWA
Omushomo gw’Okwegyesa Baibuli ogw’Abajurizi ba Yehova Niki?
Omu ntebeekanisa ya busha ey’okuhikaanisa ebiteekateeko ey’Abajurizi ba Yehova, noobaasa kukoresa envunuura ya Baibuli yoona. Noobaasa kwega n’eka yaawe yoona nari kweta banywani baawe.
